Fol tebe Rom kutam imi suuk kon dola kobesa uta ko 1:23 - Telefol

²³ Kale God beyo tinum afek e suun kup nin tinum no kale minte, tinum nuta kaanamin tinum kuta, bilip iyo God imi umik ugobe-nilipta, maak so aman duga-emin binim ke-nilip e, dupkaa ilimi sagaal tuup te yak fen tinum sinik min, uun sinik min, nuuk sinik min, inap sinik min uta telela-nilipta, aman duga-em-nuubip ko.

Fol tebe Rom kutam imi suuk kon dola kobesa uta ko 1:23 Iomraidhean Croise

Aposel 10:12

kanumin kanumin nuuk, kong, atiim, inap, uun umi Juda kasel imi, “Amem o,” agan-nuubip uyo ilim men tem kulagal albu kalaa agela ko.

Aposel 17:29

Kale nuyo God imi man kale, nuyo atamupta, tinum maak iyo ilami aget uyo fugun-bom-nalata, gol min, silva min, tuum tambal min ku-nalata, mufekmufek maak ilami sagaal tuup telela kosa kalaa agelup umdii, aget fugunolupta, God beyo mufekmufek kulutap kalaa agan-nuubup boyo kupkalum o ageta ko.

Fol tebe Rom kutam imi suuk kon dola kobesa uta ko 1:25

kanupmin tinum bilip iyo fen God imi tuluun weng uyo kupka-nilipta, Saatan imi bisop weng bagamin uta waafu-nilip e minte, fen magam kayaak iyo dupka-nilipta, yak mufekmufek God imi telela kosa umi ban uta duga-bom-nilip e, aman duga-e-bom no kem-nuubip kuta, nule God ilami win uta suun kup kufum tebe-bom-bulupta o ageta kale, tambaliim kwa.

1 Korin 12:2

Ipkil utamsip kale, siin uyo ibo Kristen kelin-tem bom-bilip uyo ipkumal iyo imtamo yang daalip men amem uyo aman duga-e-bilipta, men amem isiik imi weng umaak yan ke-biisaalip ko.

1 Fita 4:3

bomi magam uyo, God imi ilak dolin binim imi kuguup mafak bomi aget kup ugaa kwaa waafusip boyo siin uyo ipsiik ku waafu-bii senganu kupka-silip kale, maak so kanumin ba ko. Kale kanupmin kuguup bomi uyo ki, tam kuguup mafak mafak kemin min, sa dagamin kuguup min, ok mafak unan-bom ilum ilum kemin min, iman tigimin umi diim kutam umi suun kup ton-bom abumin kup nin min, ok mafak titil tebesu umi kwiin tagang unan-bii kuguup mafak kemin min, kuguup mafak ko age men amem aman duga-emin min bomi kuguup uyo ibo kanu-bii kupkalip biniman-suu kale,

Revelesen 9:20

Kale mufekmufek mafak asuno uyo tebe unang tinum milii alop kulip iyo anolu kaansaalip kuta, asok iyo mufekmufek mitam ti-suu boyo utam-silip kuta, imi aget fugunin umaak fupkelata, kuguup mafak ke-bilip boyo kupkalin-tem ke-nilipta, imi bisop bagamin kuguup ilimi sagaal tuup telela ko-silip uyo umik ugobe kupkalin-tem ke-nilip e, sinik mafak so men amem so umi deng uyo tebe-bom aman duga-e-bom-nilip e minte, gol min, silva min, kopa min, kuung kuung min, at min uta kulu naman-bii-nilip e, tinum so dimduum so imi sinik uta telela ko-nilip e, kwep ku daalip bom-buluta, “Bota numi god umdii kulbu o,” age-nilipta, umi deng uyo tebe-bom aman duga-e-bom no kem-nuubip kale, kuguup boyo kupkasaalip kale, kanupmin mufekmufek boyo sinik binim kale, boyo tii utamamin binim, tolong dugamin binim, tigitanin binim kuta, aman duga-em-nuubip ko.