Mak imi tebe Yesus imi sang dola kosa uta ko 9:5 - Telefol

^5-6 Fita ninggil iyo finan-siita umtal daa-nilip e, Fita ita aget fuguno-nala e, “Kota intaben weng umaak bogolan-temi o,” agan tolom-nala e, kota Yesus imi bogobe-nala e, “Numi kafalemin kabaa. Suguul ke kapsino tal kagal albup kale, ninggil nuyo am mafak asuno umaak, maak bo kapmi, maak bo Moses imi, minte maak bota Elaija imi no ke deebelupta, o,” agan-kala e bole,

Mak imi tebe Yesus imi sang dola kosa uta ko 9:5 Iomraidhean Croise

Matyu 17:4

Kale Fita iyo itam-nala e, weng uyo amon amon ke-bom Yesus imi bogobe-nala e, “Kamogim kabaa. Suguul ke kapsino tal kagal albup kale, kabo, am mafak asuno maak delal o agan-balap aga? Agan-balap kalaa ageta maak boyo kapmi, maak boyo Moses imi, minte maak bota Elaija imi no ke deebelita o,” agan-kala e bole,

Matyu 23:7

Kale minte iyo daage no iman saanin baan diim unipta, unang tinum iyo tebe-nilip kamogimal imi kanu-emin kuguup uta ku-nilipta, fet duga-e-bom imi ipkumal iyo baga-e-bom-nilip e, ‘Bilip iyo God imi ulo kafalemin tinum ita o,’ agelin o age-nilipta, kanu-bom no kem-nuubip ko.

Matyu 23:8

“Kale nimi okumop man ibo kamogimal bilip imi kuguup kanu-bilip kulutap uyo waafunamin ba ko. Kale nimi okumop man ipmi kafalemin tinum iyo kwiin tagang ba kale, maagup nita kup kale, ibo maak ita win tibin e minte, maak ita win binim no ba kale, ninggil alugum maagup ilatap ilatap ke-bom albip kale, ibo kamok ko age ilimi win kufum yakyak kemin kulitap mungkup ipkil kanu-bilip unang tinum iyo itam-nilip ibo, ‘Kafalemin tinum o,’ agan-bom ipmi win uyo kufu-emin ba ko.

Mak imi tebe Yesus imi sang dola kosa uta ko 9:4

Kale ninggil iyo utamipta, tinum alop maak sugamiyok bii-silip Elaija so Moses so iyo asok abiil tigiin uyo kupkaa malaak tamip Yesus so ninggil weng bagan-bilip kalaa age-nilip e,

Luk imi tebe Yesus imi sang dola kosa uta ko 9:33

Kale Fita iyo utamata e, Moses so Elaija sino iyo, mep so Yesus iyo dupkaa unum o angbip kalaa age-nala e, kanubelip bomi magam uyo tele utamin-tem amon amon ke-bom-nala e, Yesus imi bogobela ko. “Kamogim kabaa. Suguul ke kapsino tal kagal albup kale, ninggil nuyo am mafak asuno umaak delupta, maak bo kapmi, maak bo Moses imi, minte maak bota Elaija imi no o,” agela ko.

Jon imi tebe Yesus imi sang dola kosa uta ko 4:31

Kale kanum tal-bilip e, okumop man iyo Yesus bogobe-nilip e, “Numi kafalemin kabaa. Kabo iman umaak une kaang agelapta o,” agelip e,

Filipai 1:23

nimi aget uyo alop taga-bom biinga kwep unu tulu kene-bo ko. Kale nimi aget uyo ki, kafin diim ko kupkaa no Krais tami nan-temup bota atin tambaliim kalaa agan-bii kuta minte,

1 Jon 3:2

Atin nugumal ibe. Kamano koyo mangkal ninggil nuyo God imi man kebe-sulup kuta, nuyo utamupta e, son-temu nala am afung afung am daanan-temu uyo, nuyo dogonupmin unang tinum kelan-temup kalaa age utamsaalup kuta, numi utamsup uyo ki, son-temu nala Yesus Krais imi tolon-tema kota, nugol ilatap kelan-temup kale, numi bo utamsup boyo dok uta ba kale, nuyo atamupta e, beyo ki kulba kalaa agelan-temup ko.