Mak imi tebe Yesus imi sang dola kosa uta ko 9:22 - Telefol

²² isiik bogobe-nala e, “Sugamiyok man katip kegal kanum tebesa kale, suun kup sinik mafak beyo tebe man beyo dufak daalan o agan-bom-nalata, ang kulala te at tiil iine-bom-nala e minte, ok tem iine-bom no kem-nuuba kale, kanube kabo tii dong dogobe-namap umdii, nuyo i-filin daa-nalap dong dogobe o,” agela e minte,

Mak imi tebe Yesus imi sang dola kosa uta ko 9:22 Iomraidhean Croise

Matyu 14:31

kota Yesus iyo tebe-nala e, maak fagaa imi sagaal uyo kwep yak Fita iyo aafu-nala e, bogobela, “Kabo, intaben o age-nalapta, kapmi aget fugunin uyo, ‘Yesus beyo bagang-kale dong dogop-naman-tema bele, dogop-naman-temaala o?’ age-nalapta, finan-balap a? Kanupmin aget boyo fugunin ba kale, kabo utamapta e, beyo tii kalaa nagan-kalin o,” agela ko.

Matyu 17:15

bogola ko. “Kamogim kabaa. Nimi man iyo du-filin daa-nalap dong dogobe a. Beyo malap miin daam kesa kale, bagaa daala kumen at tiil iine-bom-nala e minte, ok tem iine-bom no ke ke ke-bom-nalata, kaal fuyap kup utaman-nuuba kalaa age-nilita,

Matyu 20:34

Yesus iyo alop iyo i-filin daa-nala e, yak imi tiin uyo melebela e, maak fagaa alop imi tiin uyo tambalanepmu e bole, Yesus imi ilak uyo dolip e, isino unip ko.

Matyu 8:2

Tam tinum kaal mafak kesa maak ipkumal tebe fot tebelip yang sep kugol nuuba iyo Yesus imi finang tal-nala e, kamok king imi weng umka-emin umi kuguup uta ku-nala e, tal katuun duung fegela daak ton-nala e, bogola ko. “Kamogim kabaa. Kabo tii kale, dong dogopnelan o agelap umdii, nimi kaal mafak koyo telela kopne-namap o,” agela e bole,

Matyu 9:28

Kale Yesus iyo tam am iina e, tinum tiin tugul alop iyo Yesus umik tem tam am tamip e, Yesus iyo daga-nala e, “Ibo utamipta e, iyo titil uyo tii numi tiin uyo telela dong dogobelan-tema kalaa nagan-bilip aga o?” agela e, Yesus imi weng uyo yan kebe-nilip e, “Aa. Kabo titil sino kale, tii dong dogobelan-temap kalaa agan-bulup kuba,” agelipta,

Mak imi tebe Yesus imi sang dola kosa uta ko 5:19

Yesus isiik bogobe-nala e, “E-e. Kabo kalapmi abiip uyo asok no-nalapta, Bisel imi tebe ka-filin daa-nala mufekmufek kwiin kiim kanupkela umi sang uyo kapkumal unang tinum iyo baga-em kwep unaal o,” agela e bole,

Mak imi tebe Yesus imi sang dola kosa uta ko 9:21

Kale Yesus iyo man bemi aalap iyo daga-nala e, “Man keyo kanu-bii, kayop uyo intap kal undula o?” agela e minte,

Mak imi tebe Yesus imi sang dola kosa uta ko 9:23

Yesus isiik bogobe-nala e, “Kwiin ee. Kapmi bogopne-nalap, ‘Kabo tii dong dogobe-namap aga o?’ nagelap uyo? Tinum waantap ita aget fugunolata e, God iyo tii koyo kanube-nama kalaa agan-kala umdii, yak mufekmufek alugum dagala boyo God iyo tii kanube-nama o,” agela e,

Luk imi tebe Yesus imi sang dola kosa uta ko 7:13

Kale Kamogim Yesus iyo unang boyo utam-nala e, fomtuup ku-filin daa-nala e, bogobela ko. “Ogen kubaa. Amemin ba o,” age-nala e,