Mak imi tebe Yesus imi sang dola kosa uta ko 9:2 - Telefol

² Kale am bugup kal koyo te top iinu e, kota Yesus iyo tebe-nala e, Fita so Jems so Jon so ita kup fola kulep yak abe tam amdu tigiin timitim maak tam kugol ninggil ilisinon bom-nilip e bole, tinum asuno bilip iyo Yesus iyo atamipta e, mitam yagalami migik kela e,

Mak imi tebe Yesus imi sang dola kosa uta ko 9:2 Iomraidhean Croise

Matyu 14:13

Kale kota Yesus iyo Jon Baptis imi sang uyo tinangku-nala e, aget iluum tebebelu e, ilami okumop man ita kup fola kulep te tam bot tem tola ninggil ton-nilip e, abiip boyo kupka-nilip e, Galili Ok Muk daang kun diim ilep tam tam yak milii abe no tinum binim iibaan bagan maak unum o age-nilipta, unip ko. Unang tinum iyo tinangkulipta e, “Yesus iyo bot tem ilep yak milii iinon o age-nalata, unan-be o,” agelip kalaa age-nilip e, ilimi abiip uyo kupka-nilip e, igil kafin diim ilep Yesus imi finang unip ko.

Mak imi tebe Yesus imi sang dola kosa uta ko 14:33

imkaa Yesus iyo Fita so Jems so Jon so ninggil asuno ita kup imdep yang una ko. Kale Yesus imi aget tem uyo atin mafaganebelu e, aget afek kup fugun-bom

Mak imi tebe Yesus imi sang dola kosa uta ko 16:12

Kale aaltam kota aa mungkup tinum alop maak abiip afalik Jerusalam uyo kupkaa, nulumi abiip unum o age abe-bilip e, Yesus iyo mitam tinum migik ilatap ke no tama e, alop iyo atam-nilip e bole,

Mak imi tebe Yesus imi sang dola kosa uta ko 5:37

kota unang tinum imi bogobe-nala e, “Nimi uni koyo alugum ibo te no telemin ba o,” age-nala e, tam Fita so Jems so Jems ilami niing Jon so ita kup imkala e, iso ninggil unip ko.

Luk imi tebe Yesus imi sang dola kosa uta ko 6:12

Kale kota Yesus iyo daage beten kem tam amdu tigiin kal God imi aman duga-e-bom seta,

Jon imi tebe Yesus imi sang dola kosa uta ko 1:14

God imi Weng ko age Krais iyo malaak keman kafin diim abe-nalata, nuso bom-balata, nuyo atamupta e, beyo bet bubul kup kolin tinum e minte, fen tol kup tinum no kalaa age-nulup e minte, beyo yogon dong ilatap ke-bom kuguup tambal waafusa kalaa age-nulupta, atamupta e, beyo Aalap God imi man yaan maak kale, Aalap imi kuguup tambal uta nuyo kafale-bom kanum-nuuba kalaa age-sulup no ko.

Fol tebe Rom kutam imi suuk kon dola kobesa uta ko 12:2

Kale kanube kafin diim komi God imi ilak dolin binim unang tinum iyo tebe uget tagamip umdii, ibo bilip imi kuguup mafak uyo waafunamin ba kale, ipmi aget fugunin uyo kwaalip yak God imi diim abeluta, God yagal tebe fupkela kobela aget fugunin migik uyo kulip e minte, ipmi kuguup uyo telela kobela mitam migik kebe no keluta, bota atin utamipta e, God iyo, ipmi tiinemin tonamin uyo kanumin o, ageba uyo kulbu kalaa agelin o ageta kale, ibo utamipta, dogonupmin kuguup uyo tambal kalaa, dogonupmin kuguup uta nuyo waafuu bulupta, God iyo deng tebeman-tema kalaa, dogonupmin kuguup uta fengmin binim, atin tambaliim kup keman-temup kalaa age utam-nilipta o ageta ko.

2 Korin 13:1

Niyo no ibo itam tal tal bii ilep alop faga-sii kale, kamano koyo asok maak no itaman o agan-bii kale, ipmi finang no tolon-temi uyo, niyo God imi suuk kon tem umi weng bogo-nulu, “Kabo tinum fenga ko tal kapmi diim kot keman-tema uyo, utamapta, tinum maaksinon ba kale, tinum alop min, asuno min iyo bogo-nilip, ‘Bole aafen fenga koba o,’ age weng uyo maagup bogolip kalaa agelap umdii, bota tinangku-nalapta, weng uyo telelamin o,” agesu kota waafu-nilita, tal yega dopman-temi kale, tele utama-bom-nilipta o ageta ko.

Filipai 3:21

numi dam komi kaan sang daalan-temu koyo fupkela kola mitam dam migik ke ilami kaal aa dam aa ulutap keluta, dong kwep yak daabelan-tema ko. Kale beyo titil sino kale, kanubeluk o agelan-tema uyo alugum kanubela tiilu kupkalan-tema kale, ulutap numi dam ugol fupkela kola kanubelan-temu ko.

Revelesen 20:11

Kale niyo utamita, God iyo ilami baan diim kugol tonba kalaa ageli kale, imi tonamin baan diim boyo kwiin kiim e minte namaal no kale, kugol ton-bomta imi weng uta bagam-salata, kafin sino abiil sino koyo bubat mo maagalo keluta, dogonubeta maak so utam-nimip binim kelip ko.