Mak imi tebe Yesus imi sang dola kosa uta ko 5:36 - Telefol

³⁶ Yesus iyo weng boyo tinangku-nala e, ulotu tiin molin imi bogobela, “Kabo finanin ba kale, nitamapta, beyo tii nimi man uyo telela kolan-tema kalaa nagelapta o,” age-nala e,

Mak imi tebe Yesus imi sang dola kosa uta ko 5:36 Iomraidhean Croise

Matyu 17:20

Yesus iyo bogobela, “Ibo fen nitamipta, beyo tii God imi titil uyo nuyo kobe-nama kalaa naganbaalip utamta, ibo ko bagang-kale-nilipta, fot tebelip yak iinin-tem keba kale, nimi weng kaa bogobelan-temi koyo tele tinangku-silipta. Tinum iyo tebe mastat umi san katip dolan-tema uyo, tebe-nulu e, mitam kwiin kiim kelan-temu kale, ulutap mungkup, kabo mufekmufek katip umi aget umaak fuguno-nalap, God iyo tii dong dogopnela kanubelan-temi kalaa agelan-temap uyo, iyo dong dogopkelata, kapmi aget fugunin tambal uyo senganan-temu kale, bii mufekmufek kiim mitam tolon-temu uyo, God imi dagalapta, ita dong dogopkelata, kanubelan-temap ko. Minte kabo God imi win kufo amdu umaak bogobe-nalap, ‘Amdu kubo kulupmi baan diim mosap boyo kupkaa unanbu no anang migik kugol molal o,’ agelan-temap uyo, kanubelan-temu ko. Intap intap kuguup uyo God imi, ‘O,’ agelan-tema uyo, kabo bagang-kale kanubelan-temap ko.

Matyu 9:18

Kale Yesus iyo kanube baga-em-sala e, tam Juda kasel imi kamok maak Yesus imi finang tal katuun duung fegela daak ton-nala e, bogobela, “Nimi man unang uyo kamano kota kaanuta, kupkaa tili kale, talapta, alop no-nulup kapmi sagaal uyo togobelapta, fenuk o,” agela e,

Mak imi tebe Yesus imi sang dola kosa uta ko 5:22

kota Juda kasel imi ulotu tiin molin tinum maak tala kale, bemi win uyo Jairus kale, tal Yesus iyo atam-nala e, kamok imi weng umka-emin umi kuguup uyo kanumin kale, katuun duung fegela daak Yesus imi miit tem kube suk mo kalaak fen

Mak imi tebe Yesus imi sang dola kosa uta ko 5:34

Yesus isiik weng uyo agol kup bogobe-nala e, “Nugum kubaa. Niyo utamita, kubo, beyo fen telela namolan-tema kalaa nagan-balap kalaa age-nilita, telela kamoli kupmi mafak ilin boyo atin binimanepkelu tambalanap kale, mafak ilin boyo maak so umolan-temaalap kale, kupmi aget tem uyo bilili age-nalapta, no tambaliim kup bom-balapta o,” agela e, dupkaa unu ko.

Mak imi tebe Yesus imi sang dola kosa uta ko 9:23

Yesus isiik bogobe-nala e, “Kwiin ee. Kapmi bogopne-nalap, ‘Kabo tii dong dogobe-namap aga o?’ nagelap uyo? Tinum waantap ita aget fugunolata e, God iyo tii koyo kanube-nama kalaa agan-kala umdii, yak mufekmufek alugum dagala boyo God iyo tii kanube-nama o,” agela e,

Luk imi tebe Yesus imi sang dola kosa uta ko 8:50

Yesus iyo tinangku-nala e, Jairus imi bogobela ko. “Kabo finanin ba kale, nitamapta, beyo tii nimi man uyo telela kolan-tema kalaa nagelapta, kapmi man uyo asok fenepkeluk o,” agela ko.

Jon imi tebe Yesus imi sang dola kosa uta ko 11:40

Yesus isiik bogobe-nala e, “Nimi weng siin bogopkebi ule a? Bogopke-nili, ‘Kubo utamapta, Yesus iyo tii alugum mufekmufek uyo kanube-nama kalaa agelap umdii, God imi titil uyo utaman-temap o,’ agebi (kale, kanupmin aget bota fugun-bom-nalapta) o,” agela ko.