Mak imi tebe Yesus imi sang dola kosa uta ko 3:5 - Telefol

⁵ Kale Yesus iyo kugol mo-bom alugum iyo tele itaman tiine-bomta e, bilip iyo God imi weng uyo tinangkulaalup o agan-bilip kalaa age-nala e, imi aget tem uyo mafaganepmu e minte, olsak kup deebe no keluta, Yesus iyo tinum sagaal milii fuulanebesa bemi bogobe-nala e, “Kapmi sagaal uyo tifi kolal o,” agela e, tinum imi sagaal uyo tifi kola e, tambalanepmu ko.

Mak imi tebe Yesus imi sang dola kosa uta ko 3:5 Iomraidhean Croise

Matyu 12:13

fupkela tinum sagaal milii fuulanebesa imi bogobela, “Kapmi sagaal uyo tifilal o,” agela e, tinum iyo imi sagaal uyo tifi kola e, kota imi sagaal uyo tambalanebe-nulu e, sagaal milii tambal ulutap kebelu ko.

Mak imi tebe Yesus imi sang dola kosa uta ko 3:4

Yesus iyo Falosi bilip imi daga-nala e, “Numi ulo uyo bogo-nulu, ‘Kabo God imi ifin am daanu uyo unang tinum iyo dong daga-emal o,’ agesu bele, ‘Ifak dagamal o,’ agesu a? Bogo-nulu, ‘Kabo unang tinum mafak ilin iyo telela imolap waalanamin o,’ agesu bele, ‘Imkalap kaanamin o,’ agesu o?” agan-be kuta, weng sining agelip ko.

Luk imi tebe Yesus imi sang dola kosa uta ko 13:15

Tam Yesus iyo weng yan kebe-nala e, bogola ko. “Kuguup alop waafulin tinum ibaa. God imi ifin am daanbu diim uyo alugum ibo ipmi kao sino dongki sino iyo no ilimi am kal sok tiil to kulep no to ok uyo kobelip unan-nuubip bole a?

Luk imi tebe Yesus imi sang dola kosa uta ko 17:14

Yesus iyo imi kaal mafak uyo utam-nala e, bogobela, “Ibo no-nilip pris ko age tinum amem imi diim kal ipmi kaal uyo kafalebelipta, iyo utam-nilipta, (bogobe, ‘Ipmi kaal uyo tambalanu o,’ agelipta bole, unang tinum iyo tinangku-nilip e, deng tebemin) o,” agela ko. Kale tinum bilip iyo Yesus imi weng uta kup tolong do-nilip e, daage ilep kugol abe-bilipta, kota imi kaal uyo tambalanebelu ko.

Luk imi tebe Yesus imi sang dola kosa uta ko 6:10

Yesus iyo fupkela tinum iyo alugum tele itaman tiinan-bii-nala e, tinum sagaal milii fuulanebesa iyo bogobe-nala e, “Kapmi sagaal uyo tifi kolal o,” agela e, tinum iyo kanubela e, kota imi sagaal uyo tambalanepmu ko.

Jon imi tebe Yesus imi sang dola kosa uta ko 9:7

bogobela, “No-nalap ok kumun Siloam kugol kapmi tibit kun uyo diing daalapta o,” agela kale, ok kumun bomi win magam uyo, daala unemin o agan-nuubip kale, tinum tiin mafak beyo no imi tibit kun uyo diing daa-nalata, kek fen mufekmufek utam-nala e, asok tala e,

Fol tebe Rom kutam imi suuk kon dola kobesa uta ko 11:25

Kale nimi duubal ibaa. Ibo amon amon nin ba kale, weng yang waansu kaa bogobelan-temi koyo tele utam-nilipta o agan-bii kale, ilipmi aget uta kup fuguno bogo-nilip e, “Nuyo utamsup o,” agomip o age-nilita, weng yang waansu komi magam uyo dupkop daa bogobelan-temi kale, uyo kalbu ko. Kale Israel kasel tinum milii iyo, God imi weng uyo tinangkulaalup o age kupkaa kutaang kup tebe-bilipta minte, tinum miit maak iyo mitam imi iibak tem e tal tal kem abe-bilipta, God imi weng kwep daa-nala, “Kanupmin kal kalip ita mitam tolon-temip o,” agesa umi te tam tiilan-temu kota, Israel kasel imi kutaang tebemin uyo kwep top kwek diliit kelan-temu kale,

2 Korin 3:14

Kale siin uyo Israel kasel iyo aget fugunin tambal binim kale, dogonubeta God imi weng uyo utam tinangku tele dagaa ku-nimip binim kale, Moses iyo kaana nuubipta, kamano kogal kanu-bo kale, Israel kasel iyo tala tala ke-bom God imi siin weng tambal kwep daasa ko age Olpela Testamen umi tiki-bilip igil mungkup kanube aget fugunin tambal binim no kale, imi aget fugunin uyo ilum ilum ke-bilip bii, iip maak maak iyo yak Krais imi diim febalip kota, ilim kaal ko age ilum ilum nin uyo kupkan kepmata, kota suun God imi weng uyo tele tinangka-bom kubaget dagan-nuubip ko.

Efesis 4:18

bilip iyo utamsaalip e minte, imi utamamin uyo bisop magam binim e minte, bilip iyo ilum ilum bii tonsip no utamta, mitam God imi suun nin unang tinum kelin-tem yang kugol albip kale,

Efesis 4:26

Ibo kanube olsak kup dine-emu umdii, fenga kolan-temip kale, tele utama-bom-nilipta o. Olsak uyo waafu-bom-balap ataan uyo tem iinemin ba kale, yuut kupkan kelal o ageta ko.

Efesis 4:30

Kale ibo ipkumal iyo weng mafak uyo kupka-e-bom God imi Sinik Tambal iyo aget iluum uyo kupka-emin ba ko. Kale God imi Sinik Tambal ko ipmi diim alba beyo God tebe ipmi faal fagak kobe-se ulutap kale, ibo bo utamipta, nuyo aafen God imi unang tinum iyo kalbup kalaa age, son-temu uyo, God iyo sok talaa imdalata, nuyo iluum binim kelan-temup kalaa agelin o ageta ko.

Hibru 3:10

Kale kanu-bilipta, niyo unang tinum kulip iyo olsak afaligen uyo kupka-e-bom-nilita, niyo Moses iyo bogobe-nili, ‘Suun bagane-bom-nilip, “Kabo numi kamogim ba o,” agan-bom-nilip e minte, “Nuyo kapmi kuguup uyo waafulan-temaalup o,” agan-bom no kemsip o,’ age-sii kale,

Hibru 3:17

Kale God iyo waami olsak uyo kupka-em-nuubata, bii atol ulumi kup 40 koyo dakan kesa a? Iyo? Unang tinum fenga-bii kaanip tinum binim iibaan kugol imamsip bilip ita God iyo olsak uyo kupka-emsa kuba.

Hibru 5:9

Kale aalap imi aget fugunin, “Bota kanubelal o,” ageba uyo alugum binimanu kupka-nalata, yagal mitam unang tinum imi dong daga-emin miit kayaak ke-se kale, alugum waantap ita ilami weng tinangkamip umdii, yagal tebe bilip iyo dong dogobelata, suun kup suun kup tambaliim nan-temip ko.

Revelesen 6:16

utamipta e, Bisel sino Sipsip Man sino ulim imi fomtuup yege-bom kaal fuyap afaligen kupka-emin tem uyo tolon o agan-bo kalaa age-nilipta, utamipta e, bomi mitam tolon-temu uyo, tinum iyo maak tebeta bagang-kaleta kaal fuyap boyo uk kugan kolan-temaalip kalaa age-nilipta, amdu sino tuum kiim kiim sino bota belep tebe nuyo fomtuup kati imaluta, Bisel God iyo itamin-tem kela e, minte Sipsip Man Yesus iyo yege-bom kaal fuyap uyo kobelin-tem ke no kelin o age-nilipta, no kuung tem sino imal tem sino kugol waanamip ko.