Mak imi tebe Yesus imi sang dola kosa uta ko 14:8 - Telefol

⁸ Unang boyo utamuta, intaben uta tii kanube-nimi kalaa agelu uyo, ko kanubelu kale, boyo utamuta, Yesus iyo mep so angkolip kaana dep no tuum tem kal dubalan-temip kalaa age-nuluta, Juda kasel numi at kulu imi telela dep no dubamin kuguup uta ku-nuluta, niyo kaanin-tem bom-silita, tang tambal kuunin ok uyo nimi dubom diim boyo sing daapnelu ko.

Mak imi tebe Yesus imi sang dola kosa uta ko 14:8 Iomraidhean Croise

Matyu 26:12

unang boyo utamuta, Yesus iyo mep so angkolip kaana dep no tuum tem kal dubalan-temip kalaa age-nuluta, Juda kasel numi at kulu telela dep no dubamin kuguup uta ku-nuluta, tang tambal kuunin ok uyo nimi dubom diim kal sing daapnelu ko.

Mak imi tebe Yesus imi sang dola kosa uta ko 15:42

Kale tam tinum maak asegim Josep beyo abiip Arimatea tinum kale, “Beyo kamok tambal kup tebesa o,” agan-nuubip kale, unang tinum imdep tam God ilami daam tem daa tiin molak o age fen-bilip uyo, begal mungkup fen-be kale, kota beyo utamata e, amsap God imi ifin am daan-bon-temu umi mufekmufek uta telela-bilip am kwiinu kalaa age-nalata, finano-nama binim kale, no Pailat iyo daga-nala e, “Dagalita, kabo, ‘O,’ agelap kalaa age-nilita, Yesus imi at kulu uyo talaa dep no dubalan o,” agela e minte,

Luk imi tebe Yesus imi sang dola kosa uta ko 23:53

Kale siin uyo Josep ninggil igil, tinum kaanip imamin umi o age-nilipta, tuum tem maak kalo kolip suu kuta, tinum iyo maak kaana dep no dubalin-tem kale, Josep so ipkum maak so alop iyo Yesus imi at kulu uyo talaa dep malaak daa-nilip e, ilim namaal tambal maak ku fufala do dep no tuum tem kalo telelasip kutam kal dubalip ko.

Jon imi tebe Yesus imi sang dola kosa uta ko 12:7

Kale Yesus iyo bogola, “Unang bo kupkalal a. Bomi aget fugunin uyo, tang tambal kuunin ok boyo waafulita bii, Yesus imi kaana dubalan-temip uyo, kulep no imi at kulu uyo telela kobeli dubalin o age-nuluta, ipkumal iyo kobelu iyo molipta, mani kulep no bulup man iyo kobelin-tem ke kupkaa waafubu ko.

2 Korin 8:12

Kale kanube tinum iyo mufekmufek kuga-emin bomi kuguup uta kup kanuman o agan-kala umdii, God iyo tinum bemi kuguup kanu-be boyo, “Tambaliim o,” agelan-tema kale minte, tinum iyo mufekmufek katip aafuba iyo God iyo bogobe-nala, “Bisel kup kopnelal o,” agan-nuubaala kale, kanube tinum iyo mufekmufek uyo katip aafuba umdii, God iyo bogobe-nala, “Katip so dopnelal o,” agan-bom-nala e minte, bisel waafuba umdii, bota “Bisel so kopnelal o,” agan-bom no kem-nuuba ko.