Kale Yesus iyo asok ulo utamsip tinum sino Falosi sino imi bogobe-nala e, “Ulo utamsip tinum sino Falosi sino ibaa. Tinangkulin. Ibo bisop bagamin kuguup uta waafulin tinum kale, unang tinum iyo, mitam God imi daam tem tulum o agelip uyo, ibo bogobe-nilip kano, ‘Kamaki uyo numi weng kem kwiin tagang kosiik waafu-nilipta o,’ agan-nuubip kale, ibo kanu-bilipta, iyo bong faga-bom-nilipta, iip maak maak ita kup mitam God imi daam tem uyo e talan-nuubip ko. Ibo ipkil tam God imi daam tem uyo unin-tem ke-bom-nilipta kale, ipkil tebe unang tinum, tam God imi daam tem unum o agan-bilip imi ilep uyo ugaa kwaaga-em-nuubip kale, son-temu uyo, bomi kalan uta God iyo tebe ibo kaal fuyap uyo kupka-eman-tema kale, tele utama-bom-nilipta o ageta ko.
Mak imi tebe Yesus imi sang dola kosa uta ko 12:40 - Telefol40 ulo utamsip tinum bilip iyo unang kaluun iyo filto-em tolom-nilip e, imi sinamin am uyo bugubelip kupkaa am binim, mufekmufek binim ke-bom no kem-nuubip ko. Kale kanupmin kuguup mafak mafak boyo kanu-bilip kuta, iyo unang tinum imi tiin diim uta God imi aman duga-emin uyo timitim kemup ko age bisop kugol baga-bom no kem-nuubip kale, ibo bilip iyo itama-bom-nilipta a. Boyo kuguup mafak kem-nuubip kale, son-temu nala God imi tebe kaal fuyap bilip imi kupka-eman-tema uyo, kwiin kiim kupka-eman-tema o,” age Yesus iyo unang tinum imi baga-ema ko. Faic an caibideil |
Mak imi tebe Yesus imi sang dola kosa uta ko 12:40
13 Iomraidhean Croise
[“Kale ulo utamsip tinum sino Falosi sino ibo bisop bagamin kuguup uta waafulin tinum kale, ibo unang kaluun iyo filto-em tolom-nilip e, imi sinamin am uyo bugubelip kupkaa am binim, mufekmufek binim ke-bom no kem-nuubip ko. Kale kanupmin kuguup mafak mafak boyo kanu-bilip kuta, ibo unang tinum imi tiin diim uta God imi aman duga-emin uyo timitim kemup ko age bisop baga-bom no kem-nuubip kale, son-temu uyo, bomi kalan uta God iyo tebe ibo kaal fuyap kwiin kiim uyo kupka-eman-tema ko.]
Inap tebe tinum an-bom ifak dagan-nuubip ilitap kale, ipsino e minte ilipmi olal sino ibo tinum iyo ifak dagan-nuubip kale, son-temu uyo, bomi kalan uta God tebe imdala no abiip mafak suun kup at kenamin kugol ken tebeman-temip ko. Ibo aget fugunota, ‘Waalanan-temup o,’ agan-kalin ba kale, fen ibo no at kenamin abiip boyo unon-temip kuba.
Kale ulo utamsip tinum bilip iyo unang kaluun iyo filto-em tolom-nilip e, imi sinamin am uyo bugubelip kupkaa am binim, mufekmufek binim ke-bom no kem-nuubip ko. Kale kanupmin kuguup mafak mafak boyo kanu-bilip kuta, iyo unang tinum imi tiin diim uta God imi aman duga-emin uyo timitim kemup ko age bisop kugol baga-bom no ke-em-nuubip kale, ibo bilip iyo itama-bom-nilipta o ageta ko. Boyo kuguup mafak kem-nuubip kale, son-temu nala God imi tebe kaal fuyap bilip imi kupka-eman-tema uyo, kwiin kiim kupka-eman-tema o,” age Yesus iyo ulo utamsip tinum imi sang uta okumop man imi baga-ema ko.
kanube tinum iyo tebe suun kup ibo imak kalila ogok kemip min, beyo tebe ipmi mufekmufek uyo alugum binimanu kupkabela min, ibo bisop bogobe imdep yang tem tilila kaal fuyap uyo kulip min, “Ibo win binim kale nita kup o,” agan-kala min, iyo tebe kul baang binola yak tibit diim abe-bom min kema kalaa agelip uyo, ibo tiin kup ata-bom-bilip kanu-e-boma kale bole, ibo nimkalipta, nalami win uta kufuman o ageta ko.
Kanupmin tinum iip maak maak kamano ko albip iyo weng asit bagamin tinum kale, unang tinum iyo uget togolipta, imdep tam am daalipta, kafale-bilipta, aget fugunin binim unang iip maak maak iyo bilip imi bisop weng kafale-bilip uyo tinangku-nilipta, dam ko agan-nuubip kale, unang bilip iyo ilimi siin fenga-bii-silip umi aget afek uyo fugun-bom-nilip e, imi fengmin umi aget uta tebe kufu-e-buluta bole, yang fenga kwep meng kwep meng ke-bom-nilip e,
Sanasan