Mak imi tebe Yesus imi sang dola kosa uta ko 12:13 - Telefol

¹³ Kale kamogimal bilip iyo tebe Falosi iip maak maak so Herot imi tinum iip maak maak so iyo kululup no Yesus imi finang uyo no-nilipta, bisop bogo weng umaak dagalipta, weng mafak umaak bogola kalaa age-nilipta, tal bogopmipta, no aafuu dep no weng telemin baan diim daalum o age-nilipta, imdalip unip ko.

Mak imi tebe Yesus imi sang dola kosa uta ko 12:13 Iomraidhean Croise

Matyu 16:6

Kale Yesus iyo do weng maak bogobe-nala e, “Nugumal ibaa. Ibo Falosi sino Sadusi sino imi yiis ko age tukolip bret fitimin umi mufekmufek uyo tele utama-bom kupkek kupkek kem tiine-bom-nilipta o,” agela ko.

Mak imi tebe Yesus imi sang dola kosa uta ko 12:14

Kale Falosi ninggil iyo tal Yesus imi bogobe-nilip e, “Kafalemin tinum kabaa. Nuyo katamsup kale, kabo win soyaap tinum sino win binim tinum sino iyo kuguup tambal uyo maagup kupka-e-bom-nalap e minte, kabo tinum iyo maak imi atul uyo finan-nuubaalap no kale, kabo suun kup dam weng uta kup baga-e-bom-nalap e, God imi weng, ‘Bota kanumin o,’ agan-be uyo ku-nalapta, fen tuluun weng uta kup unang tinum iyo kafale-bom no kem-nuubap kale, mufekmufek maak umi sang uyo dagalum o ageta kale, (Rom kasel imi ulo uyo bogo-nulu, ‘Ibo ipmi takis mani uyo numi King Sisa ilami gavman imi kupka-emin o,’ agelu e minte, Juda kasel numi ulo uta bogo-nulu, ‘Ibo ipmi mani uyo God imi kupka-emin o,’ age no kesu kale,) numi mani uyo Sisa imi kupka-em-nuubup bota tambal bele, mafak a?

Mak imi tebe Yesus imi sang dola kosa uta ko 3:6

Kale Falosi iyo yuut tam abe no tamip King Herot imi tinum iso ninggil weng tegen-bom-nilip e, “Yesus beyo dogobeta angkolup kaanak o,” age tegenip ko.

Mak imi tebe Yesus imi sang dola kosa uta ko 8:15

Yesus iyo weng kem uyo felep yak ku to do weng maak bogobe-nala e, “Nugumal ibaa. Ibo Falosi so Herot so imi yiis ko age tukolip bret fitimin umi mufekmufek uyo tele utama-bom kupkek kupkek kem tiine-bom-nilipta o,” agela e,