Mak imi tebe Yesus imi sang dola kosa uta ko 10:11 - Telefol

¹¹ Yesus isiik bogobe-nala e, “Kanube tinum iyo maak ilami kalel uyo kupka-nala yang unang migik kula umdii, God imi tiin diim uyo bemi kanubela boyo sa daga-bom-nalata, ilami fen kalel yom uyo kupkeng daga-bom kufak dagan-be kalaa agelan-tema e minte,

Mak imi tebe Yesus imi sang dola kosa uta ko 10:11 Iomraidhean Croise

Matyu 19:9

Kale nimi weng maak kaa bogobelan-temi koyo tele tinangku-silipta. Kanube tinum iyo maak ilami kalel uyo sa dagamin binim, tambaliim kup albu kuta, yagal tebe, kupkali o age-nala kupkaa unang migik uta kula umdii, God imi tiin diim uyo bemi kanubela boyo fen sa daga-bom-nalata, ilami kalel yom uyo kupkeng daga-bom kufak dagan-be kalaa agelan-tema o,” age Yesus iyo Falosi imi baga-ema ko.

Mak imi tebe Yesus imi sang dola kosa uta ko 10:10

Kale Yesus ninggil iyo asok tam am tam-nilip e, ilami okumop man iyo tebe weng bomi sang uyo dagalip e,

Luk imi tebe Yesus imi sang dola kosa uta ko 16:18

Asok Yesus iyo bogopma, “Kanube tinum iyo maak ilami kalel uyo kupka-nala unang migik uta kula umdii, God imi tiin diim uyo bemi kanubela boyo sa daga-bom-nalata, fen ilami kalel yom uyo kupkeng daga-bom kufak dagan-be kalaa agelan-tema ko. Ulutap kale, kanube tinum iyo maak ipkum imi kalel fot tebe kupka-se uyo kula umdii, God imi tiin diim uyo bemi kanubela boyo sa daga-bom-nalata, fen unang bomi kamaki imak iyo dupkeng daga-bom dufak dagan-be kalaa agelan-tema o,” age Yesus iyo kam agan-kala ko.

Fol tebe Rom kutam imi suuk kon dola kobesa uta ko 7:3

fen imak iyo kaanin-tem bom-bala yak tinum migik dulu umdii, bota kek kek iyo bogobe-nilip e, “Unang boyo tinum digin kuta, imak iyo dupkeng daalu o,” agelan-temip kale minte, imak iyo kaana umdii, bota ulo boyo tebe unang bo maak so de kolan-temaalu kale, kanube yak tinum migik dulan o agelu umdii, “Boyo imak iyo dupkeng daalu o,” agelan-temaalip kale, ulutap kale, kaanan-temup uyo, ulo uyo tebe maak so yaafulan-temaalu ko.

Hibru 13:4

Kale unang digin tinum digin kemin boyo tambaliim kale, alugum ibo boyo atin tele tiin mo-bom-nilipta o ageta kale, kalel so imak so iyo bisat kebina tala kemin ba kale, tambaliim kup imak tiin mola kalel tiin mola ke-bom-nilipta o ageta kale, binim umdii, son-temu uyo, tinum unang sa dagamin so minte tinum digin unang digin bomi kufak dagamin so bilip iyo God iyo tebe bomi yan uyo kupka-eman-tema ko.