Matyu 9:2 - Telefol

² Kale mek tamip e, tinum ninggil maak ipkum magal fagaa kubesu iyo daalip ilet tem iina duptamo Yesus imi finang tal tamip e, Yesus iyo itamata e, tinum ninggil iyo utamipta e, Yesus iyo tii nugum keyo telela dolan-tema kalaa nage-nilipta, dep tilip kalaa age-nala e, tinum magal fagaa kubesu beyo bogobe-nala e, “Nugum kabaa. Niyo kapmi fengmin uyo alugum kupkan kepkeli binimanu kale, deng tebemal o,” agela ko.

Matyu 9:2 Iomraidhean Croise

Matyu 14:27

Yesus iyo maak fagaa bogobe-nala e, “Nugumal ibaa. Niyo nagal kale, ibo finanin ba kale, kupkaa deng tebemin o,” agela e,

Matyu 4:24

Kale unang tinum iyo Yesus imi kanu-be bomi sang uyo en-bilip senganu e, unang tinum simanim Provins Siria kasel igil mungkup tolong do-nilip e, imi abiip maak maak uyo kupkaa imi ipkumal mafak ilin umobip iyo imtamo Yesus imi finang telemip kale, unang tinum bilip imi mafak ilin umobip boyo ki, tam kaal mimin min, iibak tem atul tebemin min, sinik mafak tebe ifak daasu min, malap miin daam kesip min, yaan sagaal disanebesu min ita kulep tele-bilipta, Yesus iyo alugum telela imka-bala tambalanamip ko.

Matyu 6:12

Kabo numi fengmin boyo kupkabe numi nugumal imi tebe numi fenge-bilip kup-kaga-ebup ulutap kebelal o ageta ko.

Matyu 8:10

Kale Yesus iyo weng boyo tinangku-nala e, kumang mo fupkela katop fen unang tinum ilami miit tem albip iyo bogobe-nala e, “Niyo weng uyo dam bogobelan-temi kale, tinangku-silipta. Israel kasel ko age Juda kasel imi aget fugun-bom-nilip, ‘Nuyo God imi man iyo kalbup o,’ agan-nuubip kuta, niyo iyo maak atamita, beyo nitamata, Yesus iyo tii alugum kuguup uyo kanubelan-tema kalaa agan-be kalaa age atamsaali kale minte; Rom kayaak keta atin ki nitamata, Yesus beyo tii weng uta kup bogolata, nimi ogok kemin tinum mafak bom yang am alba beyo tambalanan-tema kalaa age-nalata, tal bogopnela kale, bemi nimi ilak dugamin uyo kwiin kiim keluta minte, alugum Juda kasel imi nimi ilak dugamin uyo kubaganu ko.

Matyu 8:16

Kale ataan uyo, tem iinon o agan-sulu e, (God imi ifin am uyo binimanu kalaa age-nilipta,) abiip kasel iyo unang tinum kwiin tagang sinik mafak tebe ifak daasu iyo kulep Yesus imi finang tal tamip e, Yesus iyo tebe sinik mafak iyo weng kobe fot tebela yak iine-bilip e minte, unang tinum mafak ilin iyo alugum telela imola bam daga-bom no kema ko.

Matyu 9:22

Yesus yagal utamata e, maak melepnela kalaa age-nala e, fupkela katop fen utam-nala e, bogobela, “Nugum kubaa. Niyo utamita, kubo, beyo fen telela namolan-tema kalaa nagan-balap kalaa age-nilita, telela kamoli tambalanap kale, deng tebemal o,” agan-sala e, maak fagaa tambalanu ko.

Matyu 9:5

Niyo intaben mufekmufek uta maak kanubelita, ibo yuut nitamipta, beyo dam bagan-be kalaa nagelan-temip a? Niyo tinum kemi bogobe-nili, ‘Kapmi fengmin uyo kupkan kepkeli o,’ agon-temi uyo, ibo bogopne-nilip, ‘Nuyo boyo nulumi tiin fala utamin-tem kelup kale, kabo bisop bagan-balap o,’ agelan-temip kale minte, niyo tinum kemi bogobe-nili, ‘Fen mo unaal o,’ ageli fenan-tema uta, ibo utamipta, boyo dam bagan-be kale, beyo tii fengmin uyo kupkan kepmoma kalaa nagon-temip ko.

Matyu 9:6

Kale ipkil utamin. Niyo Mo Tibil imi Man kale, nimi titil kiim uyo kafalebelita, ibo utamipta e, beyo bisop baganbaala kale, kafin diim alba koyo, beyo tii unang tinum imi fengmin uyo kupkan kepman-tema kalaa nagelan-temip o,” agan tolom-nala e minte, tinum magal fagaa kubesu bemi bogobe-nala e, “Kabaa. Fen-nalap kapmi kamtamo tilip umi ilet uyo kuptamo-nalap kalapmi am iinaal o,” agela e,

Mak imi tebe Yesus imi sang dola kosa uta ko 1:32

Kale bom-bilip ataan uyo, tem iinon o agan-sulu e, (God imi ifin am uyo binimanu kalaa age-nilipta,) abiip kasel iyo unang tinum mafak ilin so unang tinum sinik mafak tebe ifak dagan unsu so iyo alugum fakamo Yesus imi finang telemip kale,

Mak imi tebe Yesus imi sang dola kosa uta ko 10:49

Kale Yesus iyo ilep unan-be uyo kupkaa kugol mo-nala e, kek kek imi bogobela ko. “Bogobelip talak o,” agela e, tinum tiin bigibesu iyo olabe-nilip e, “Olke-be kale, bilili age-nalap fen talaal o,” agelip e bole,

Mak imi tebe Yesus imi sang dola kosa uta ko 5:34

Yesus isiik weng uyo agol kup bogobe-nala e, “Nugum kubaa. Niyo utamita, kubo, beyo fen telela namolan-tema kalaa nagan-balap kalaa age-nilita, telela kamoli kupmi mafak ilin boyo atin binimanepkelu tambalanap kale, mafak ilin boyo maak so umolan-temaalap kale, kupmi aget tem uyo bilili age-nalapta, no tambaliim kup bom-balapta o,” agela e, dupkaa unu ko.

Jon imi tebe Yesus imi sang dola kosa uta ko 16:33

Bo kanube bogobelita, ipkil tolong do-nilipta, bilili age titil faga-bomta bom-bilipta o ageta kale, ibo kafin diim kaa nip koyo, kaal fuyabok, aget ilumok uyo mitam telemu kuta, aget fugunolin. Nita nita ke-nili kafin diim kamok ko age Tinum Mafagim iyo kubagana dupkalan o angbi o,” age baga-ema ko.

Jon imi tebe Yesus imi sang dola kosa uta ko 21:5

Yesus iyo bogobela, “Man miin ibaa. Aniing umaak abulip bele ki?” age olabela e, iyo bogobe-nilip e, “Waago. Binim o,” agelip e,

Aposel 14:9

tinum beyo Fol imi weng baga-e-be uyo tele tinangka-bom bom-salata, Fol iyo tele atamata e, tinum beyo aget fugunolata e, God yagal tebe telela namo-nama kalaa agan-be kalaa age-nalata, Fol iyo kek fen tele atama-bom

Aposel 19:12

unang tinum iyo tal Fol imi ifak talamin ilim min, ogok ke-bom migimin ilim uyo kulep no unang tinum mafak ilin imi kaal diim tobelipta, mafak ilin uyo binim ke-e-bulu e minte, sinik mafak iyo imkaa yak iine-bom no kemip ko.

Aposel 23:11

Kale mililep kota Kamogim Yesus iyo tal Fol imi mep so kugol mo bogobe-nala e, “Fol kabaa. Kabo finanin ba kale, atin titil kup faga-bom-balapta a. Nimi sang Jerusalam kagal baga-e-balap ulutap kale, mungkup nimi sang uyo abiip miton Rom kugol baga-e-bom no keman-temap o,” agela ko.

Fol tebe Rom kutam imi suuk kon dola kobesa uta ko 5:11

Kale bota kup ba kale, numi Kamogim Yesus Krais iyo nuyo kanubelata, God iyo nuso aget maagup ke-sulup kale, kamano koyo God imi ko kanube-se bomi deng uyo taban-bulup ko.

Jems 2:18

Kale kanube tinum iyo maak bogopne-nala, “E-e, tinum miit alop iyo albip kale, maak ita Yesus imi ilak dolin miit e minte, maak ita kuguup tambal kemin miit no o,” agela umdii, niyo beyo yan kebe bogobe-nili e, “Di kapkal bilip imi Yesus imi ilak do-bom kuguup tambal waafulin-tem ke-bilip uyo kafalepnelap utam im-kugulita e, imi Yesus imi ilak dosip uyo bisop uta kem-nuubip kalaa ageli e minte, nimi kuguup tambal ugol kafalepkeli nimi imi ilak dosi uyo utam nam-kugulapta e, aafen kalaa nagelap no kelum o,” agelan-temi ko.