Matyu 7:20 - Telefol

²⁰ Kale kabo weng kem bagamin tinum iyo ilimi kuguup mafak uta utam-nalapta, bilip iyo bisop weng bagamin tinum umdii kulbip kalaa agelan-temap o,” age Yesus iyo ilami okumop man imi baga-ema ko.

Matyu 7:20 Iomraidhean Croise

Matyu 12:33

Yesus iyo asok Falosi iyo bogobe-nala e, “Ibo at dum abumin umi kuguup uyo utamin. At dum tambal abumin uyo ulumi dum tambal uta kup abulan-temu e minte, at dum mafak abumin ugol mungkup ulumi dum mafak uta kup abulan-temu no kale, nuyo utamupta e, kanupmin at dum abulu kalaa agelup umdii, utamupta, bota at tambal e minte, bota at mafak kalaa agelan-temup ko.

Matyu 7:16

Kale nuyo yangta, tiyuup umi diim uyo yet dum abubu kalaa age dagaa kulan-temup a? Yangta, misiil sok umi diim uyo kugalap uyo abubu kalaa ageta dagaa kulan-temup a? Umbae. Nuyo at umaak tebelu utamamup te tam dum uyo abuluta, utamupta, boyo te tam dum tambal abulu kalaa dum mafak abula kalaa angbup ulutap kale, bisop bagamin tinum kulip imi kuguup uyo tele utamaman-temap uyo, ilimi kuguup mafak bota tebe kafalepke-nuluta, bilip imi aget fugunin boyo mafak o kageluta, utaman-temap ko.

Luk imi tebe Yesus imi sang dola kosa uta ko 6:44

nuyo at maak tebelu utamamup te tam dum uyo abuluta, utamupta, boyo te tam dum tambal abulu kalaa, dum mafak abulu kalaa agan-nuubup kale, nuyo yangta, tiyuup umi diim uyo yet dum abubu kalaa age dagaa kulan-temaalup e minte, yangta, misiil sok umi diim uyo kugalap uyo abubu kalaa ageta dagaa kulan-temaalup binim no ko.

Aposel 5:38

Kale weng maak bogopman-temi koyo tinangku-silipta. Kamano koyo ibo Yesus imi tinum ninggil iyo fegelemin ba kale, imkalipta, kanumin o ageta ko. Kale fen tinum ilami weng min ogok min boyo kufola umdii, biniman-numu kuta,

Jems 3:12

Kale minte yet umi abulan-temu dum uyo ubol kelan-temaalu e minte, tiyuup umi abulan-temu dum uyo yet kelan-temaalu no kale, ulutap kale, yol ok mat uyo dogonubeta ok tambal kelan-temaalu no ko.