Matyu 5:31 - Telefol

³¹ Kale Yesus iyo asok bogo-nala e, “Sugayok uyo Moses iyo bogo-nala e, ‘Tinum dok ita imi kalel uyo kupkali o agela umdii, boyo bong fagamin ba kale, imak kabo suuk kon maak dola ko kalel umi kobelapta, kwep-nuluta, unon-temu o,’ agesa kale minte,

Matyu 5:31 Iomraidhean Croise

Matyu 19:3

Kale Falosi iip maak maak iyo, nota Yesus iyo bisop bogo dup-kugu-bulupta, weng mafak umaak bogola kalaa age-nulupta, dep no weng telelmin diim daalum o age-nilipta, tal daga-nilip e, “Kabaa. Moses imi ulo numi kobesa uyo tinum unang ku kup-kagamin umi sang uyo, intaben o agesu a? Uyo bogo-nulu, ‘Tinum iyo ilami kalel uyo kupkalan o agela uyo, yak alugum intap intap numu kalaa age fot tebelan-tema boyo tambaliim o,’ agesu bele o?” agelip e,

Matyu 19:7

kota Falosi iyo Yesus imi daga-nilip e, “Kapmi kam agelap boyo dam umdii, Moses iyo, intaben o age-nalata, God imi suuk kon tem uyo weng migik uyo dola ko bogo-nala e, ‘Tinum kabo, kalel uyo kupkali o agelap umdii, boyo bong fagamin ba kale, imak kabo suuk kon umaak dola ko kalel umi kobelapta, ku-nuluta, kamkaa unon-temu o,’ agesa o?” agelip e,