Matyu 5:17 - Telefol

¹⁷ Kale Yesus iyo weng uyo maak so bogopma, “Ibo aget fuguno-nilip, ‘Beyo tal God imi ulo Moses imi dola kosa so e minte God imi profet ko age weng kem baga-emin tinum imi weng dola kosip so uyo kupkan kem ti-se o,’ nagan-kalin ba ko. Niyo boyo kupkan kelan o age tisaali kale, niyo tal-nilita, bilip imi weng boyo waafu-nilita, unang tinum iyo kafale-bili tele waafulin o age-nilita, ti-sii ko.

Matyu 5:17 Iomraidhean Croise

Matyu 3:15

Yesus iyo yan kebe bogopma, “Nugum kabaa. Kabo niyo ok sam ugop-naman-temap boyo, God imi weng kwep daasa uyo mitam tol kelan-temu kalaa age-nilita, bomi finang uta tili kale, kabo ok sam uyo ugopnelapta o,” agela e; Jon iyo tolong do-nala e, “O,” age ok sam ugopma ko.

Matyu 7:12

“Kale aa mungkup kapmi aget fugunin uyo, ‘Nimi nugumal ita kuguup tambal kupkane-bilipta, tambaliim nan o,’ agan-balap umdii, kamaki uyo kapsiik kanupmin kuguup tambal uyo kupka-e-balapta o ageta kale, weng boyo sugayok Moses so weng kem baga-emsip tinum so imi weng God imi suuk kon tem umi dola kupkamsip umi magam uyo kulbu kale, bota kanu-balapta o,” age Yesus iyo ilami okumop man imi baga-ema ko.

Luk imi tebe Yesus imi sang dola kosa uta ko 16:17

Kale God tebe unang tinum imi ilim bobelan-tema am uyo, daanan o angbu kuta, God imi ulo boyo binimanin-tem albu kale, afungen tem tolon-temu uyo, kafin so abiil so uyo binimanan-temu kuta, fen God imi ulo bota binimanan-temaalu binim kale, alugum suun nan-temu o,” age baga-ema ko.

Jon imi tebe Yesus imi sang dola kosa uta ko 8:5

numi weng kem Moses kobesa uyo bogo-nala e, ‘Ibo kanupmin unang boyo tuum tuup ungkwalip kaanuk o,’ agesa kale, kabo, ‘Intaben o,’ agelan-temap o?” agelip kale,

Aposel 18:13

kiyap imi bogobelip ko. “Kabaa. Tinum keyo unang tinum iyo uget togolata, iyo ulo uyo kupka-nilip e, imi God imi ulotu ke-emin uyo igilimi migik uta ulotu kem-nuubip o,” agelip kale,

Aposel 21:28

ol-bom-nilip e, “Israel tinum ibaa. Nuyo dong dogobelin a. Tinum keyo alugum abiip maak maak tiine-bom abiip kasel iyo kafale-bom baga-e-bom-nala e, ‘Ibo Juda kasel iyo itafi-bom-nilip e minte, Moses imi ulo uyo kwaasula-bom-nilip e, ulotu am miton uyo utafi-bom no kemin o,’ agan tiinan-nuuba kale minte, numi ulo uyo bogo-nulu e, ‘Asit kek kek tinum iyo maak tam ulotu am miton katam iinemin ba o,’ agesu kuta, keyo Grik kasel maak imdep tam ulotu am miton katam iina kole, ulotu am koyo kufak daabela o,” agelip kale,

Aposel 6:13

tinum migik maak kulep tal to no kelipta, iyo bisop bogobe-nilip e, “Tinum keyo suun kup bogo-nala e, ‘Ipmi ulotu am miton amem kaso e minte sugayok God ulo Moses imi kobela dolasa so uyo mafak o,’ age-nala e minte,

Fol tebe Rom kutam imi suuk kon dola kobesa uta ko 10:4

Kale utamum. Moses imi ulo uyo Krais imi diim kota binimanu kupka-se kale, alugum unang tinum Krais imi ilak dolip iyo God iyo bogobe-nala, “Ibo tol kup unang tinum kelip o,” agan-nuuba ko.

Fol tebe Rom kutam imi suuk kon dola kobesa uta ko 3:31

Kale numi Yesus imi ilak dolup, “Bilip iyo tol tinum o,” age-se bota tebeta ulo uyo kupdaak tama-numu a? Umbae. Ulo bota tebe kafalebeluta, utamupta e, boyo kuguup tambal kalaa, boyo fengmin kuguup kalaa age-nulupta, Yesus imi ilak uyo dugan-bulup kale, boyo utamupta, ulo boyo tambal kalaa agan-bulup kuba.

Fol tebe Rom kutam imi suuk kon dola kobesa uta ko 8:4

kanubelita, nimi ulo umi tol kuguup uyo bilip imi diim uyo abelu atin waafulin o age-nalata, kanube-se atamta, kamano koyo siin kuguup mafak uyo maak so waafubaalup kale, God imi Sinik Tambal imi kuguup uta waafubup ko.