Matyu 4:4 - Telefol

⁴ Yesus iyo imi weng boyo yan kepma, “Umbae. God imi suuk kon tem kwek uyo bogo-nulu e, ‘Iman bomi unelan-temap boyo dam uta kup ifemin kale minte, boyo tebe kapmi aget fugunin uyo dong dogop-kaman-temaalu kale minte, kabo God imi weng uyo alugum tolong do waafulan-temap uta tebe kapmi aget fugunin uyo dong dogop-kaman-temu o,’ agesu (kale, bo kanube-nilita, iman unelan-temaali) o,” age bogopma ko.

Matyu 4:4 Iomraidhean Croise

Matyu 15:11

God imi tiin diim uyo tinum iyo tebe-nala sagaal ninak tonin tuup min, mufekmufek, ‘Amem o,’ agesip min uyo unela daak imi mat tem unon-temu uyo, boyo tebe tele dufak daalan-temaalu kuta minte, tinum tebe-nala aget mafak fugun-bom weng mafak baga-eman-tema uyo, bota tebe-nuluta, dufak daalan-temu o,” agela ko.

Matyu 4:10

Yesus iyo bogopma, “Saatan kabo nimka-nalap daaginaal a. God imi suuk kon tem kwek uyo bogo-nulu e, ‘God ita kup kapmi Bisel kale, beta kup katuun duung fegela daak ton aman duga-e-bom-nalap e minte, imi weng uta kup tinangka-bom no kemal o,’ agesu kale, niyo katuun duung fegela kabo aman dopkelan-temaali kuba,” agela ko.

Matyu 4:7

Yesus isiik bogobe-nala e, “Umbae. God imi suuk kon tem kwek uyo bogo-nulu e, ‘Bisel beyo kapmi God kale, beyo dup-kugu-bom bogobe-nalap, “God kabo nimi weng bogopkeli boyo tinangku kanube-nalapta, kek kek iyo kafalebelapta, utamipta e, God kabo nimi ilak uta duga-bom dong dagane-balap kalaa kagelin o,” agan-kalin ba o,’ agesu o,” agela ko.

Mak imi tebe Yesus imi sang dola kosa uta ko 7:20

Kale minte Yesus iyo bogo-nala e, “Kuguup mafak tinum imi aget tem albu umi mitam sep e tulu kanuman-tema bota tebe tinum iyo dufak daalan-tema kale,

Luk imi tebe Yesus imi sang dola kosa uta ko 4:12

minte Yesus isiik bogopma, “Umbae. God imi suuk kon kem weng uyo bogo-nulu e, ‘Bisel beyo kapmi God kale, beyo dup-kugu-bom bogobe-nalap, “God kabo nimi weng bogopkeli boyo tinangku kanube kafalebelapta, kek kek iyo utamipta e, God kabo nimi ilak uta duga-bom dong dagane-balap kalaa kagelin o,” agan-kalin ba o,’ agesu o,” agela ko.

Luk imi tebe Yesus imi sang dola kosa uta ko 4:4

tam Yesus isiik bogopma, “Umbae. God imi suuk kon tem weng uyo bogo-nulu e, ‘Iman bomi unelan-temap boyo dam uta kup ifemin kale minte, boyo tebe kapmi aget fugunin uyo dong dogop-kaman-temaalu o,’ agesu (kale, bo kanube-nilita, iman unelan-temaali) o,” agela ko.

Luk imi tebe Yesus imi sang dola kosa uta ko 4:8

Yesus isiik bogopma, “Umbae. God imi suuk kon tem weng uyo bogo-nulu e, ‘God ita kup kapmi Bisel kale, kabo beta kup katuun duung fegela daak ton aman duga-e-bom-nalap e minte, imi weng uta kup tinangka-bom no kemal o,’ agesu o,” agela ko.

Jon imi tebe Yesus imi sang dola kosa uta ko 15:26

“Ipmi dong dogop ko age God imi Sinik iyo tuluun weng bagamin miit kayaak kale, iyo Aatum so boma kale, niyo daabeli tal ipmi diim abe-nalata, nimi sang uyo alugum baga-eman-tema ko.

Jon imi tebe Yesus imi sang dola kosa uta ko 6:63

Kale ibo kafin diim komi mufekmufek umi aget ugaa kwaalan-temip uta, ibo dong dogobeluta, suun nin unang tinum kelan-temaalip binim kale, God imi Sinik ita unang tinum imi aget tem uyo bam daga-e-balata, aget fupkela ko-nilipta, suun nin unang tinum kelan-temip ko. Kale weng ko bogobebi boyo, Sinik Tambal yagal bam daabelata, ibo God imi suun nin unang tinum kebelin o ageta kuta,

Fol tebe Rom kutam imi suuk kon dola kobesa uta ko 15:4

Kale sugayok weng ko God imi suuk kon tem dola kosip boyo tebe alugum numi kafalemuk o age-nilipta, dola kosip kale, weng boyo numi aget tem uyo kuntuk mobelu mitam titil fagaa bilili age-bom God imi kanuman-tema uta fen-nuubup ko.

Efesis 6:17

waasi dinan-kalin imi dufalum titil tebesu uyo kwaak kalilan-temip uta, dubom uyo tambaliim nan-temu kale, ulutap kale, utamapta, God iyo nimi ilim uyo bopnelata, kaal binim albi kalaa agan-bom-nalapta o ageta kale, kabo waasi dinan-kalin imi benat ko age un kong waafuu waasi imi bubul begelemin ulutap ke-nalap e, God imi weng ilami Sinik tebe kopkeba uyo ku unang tinum iyo baga-e-balapta, tebe-nuluta, imi aget tem uyo tam unon-temu kale, kanumin kanumin bota kanu-bom-nalapta, fiko-bom-balapta o ageta ko.