Matyu 26:11 - Telefol

¹¹ Unang tinum mufekmufek binim iyo ipsino suun kup bomip kale, ibo tii dong daga-em-nimip kuta, niyo suun kup kagal ipsino nan-temaali kale,

Matyu 26:11 Iomraidhean Croise

Matyu 18:20

Kale boyo ki, God imi ilak dolin tinum alop tap asuno tap ibo tebe, Yesus imi ogok uyo maak kemum o age-nilip afetaman-temip uyo, niyo tal ipso bom-nilita, nimi aget fuguno, ‘Bota kanumin o,’ agan-bii uyo ibo utam-nilip e minte, ipkil boyo kanu-bom no ke-bilipta, God yagal tebe-nalata, dong daga-eman-tema o,” age baga-ema ko.

Matyu 26:10

Kale Yesus iyo utamata e, kanupmin weng boyo unang bomi kupka-e-bilip kalaa age-nala e, imi okumop man iyo bogobe-nala e, “Intaben o ageta weng mafak bo unang boyo kupka-e-bilip aget afek fugun-bo a? Boyo kuguup tambal uta nimi kanupnelu kale, kupkalin a.

Matyu 28:20

nimi weng kupka-em tebesi uyo alugum tele kafale-bilipta bole, tinangku-nilipta, fomtuup waafulin o ageta ko. Kale ibo nimi weng bogobelan-temi koyo tele tolong do-silipta. Niyo bisat imkalan-temaali kale, niyo ipsino suun kup bom-bilita bii, afungen tem tulu kafin kaa kutufosu komi binimanan-temu kwek diliit kelan-temi o,” age Yesus iyo ilami okumop man imi baga-emsa ko.

Mak imi tebe Yesus imi sang dola kosa uta ko 14:7

Unang tinum mufekmufek binim iyo ipsino suun kup bomip kale, ibo dong dogobelum o agelip bole, kanube ipkil tii kuguup tambal uyo kobe-nimip kuta, niyo suun kup kagal ipso nan-temaali ko.

Jon imi tebe Yesus imi sang dola kosa uta ko 12:8

Unang tinum mufekmufek binim iyo ipso suun kup bomip kale, ibo tii dong daga-em-nimip kuta, niyo suun kup kagal bom ipsino nan-temaali o,” agela ko.

Jon imi tebe Yesus imi sang dola kosa uta ko 13:33

“Man miin ibaa. Kamano kota niyo ipsino kagal siit ilugota imkalita, ibo nimi fenan-temip kuta, nimi weng siin Juda kasel imi kamogimal imi bogobe-sii uyo kota ipkil mungkup bogobelan-temi kale, nimi ko unon-temi uyo ibo te no tolon-temaalip ko.

Jon imi tebe Yesus imi sang dola kosa uta ko 14:19

Kale siitap ilugolan-temu uyo, kafin diim komi unang tinum iyo maak so nitaman-temaalip kuta, ipde asok nitaman-temip ko. Niyo asok fen tigi mo nan-temi utamta, ipkil mungkup tigi mo nan-temip ko.

Jon imi tebe Yesus imi sang dola kosa uta ko 16:28

Kale siin uyo Aatum so nuubita, dupka-nilita, kafin diim e ti-sii kale, son-temu uyo, asok kafin diim ko kupkaa asok Aatum finang unon-temi o,” agela ko.

Jon imi tebe Yesus imi sang dola kosa uta ko 16:5

kamano kota niyo imkaa Aatum nimdala ti-sii imi finang unon-temi kale, weng boyo bogobeli kuta, falat age bam daata daga-nilip, ‘Kabo dok iinap o?’ agelan-temaalip kale,

Jon imi tebe Yesus imi sang dola kosa uta ko 17:11

“Kale niyo kafin diim ko maak so nan-temaali kale, kapmi finang no tolon-temi kale minte, okumop man kalip ita kafin diim kagal nip kale, Aatum Tambal kapta kapmi titil kopnesap ulutap ku-nalapta, bilip iyo daam fogo imam daa dong daga-e-balapta, igil ulim nulutap ke aget maagup bubul maagup kelipta o ageta ko.

Aposel 3:21

Kuta Yesus iyo abiil tigiin kal bom-bala bii, God iyo tebe alugum mufekmufek uyo telela kola mitam migik tambalanuta, kota Yesus iyo tolon-tema kale, sugayok uyo God iyo bomi sang uyo bogolata, ilami profet ko age weng kem baga-emin tinum tambal isiik bogosip ko.

Galesia 2:10

tam kamogimal iyo weng maagup uta kup bogo-silip kale, “Ibo mufekmufek binim man imi aget uyo fugun bom dong daga-e-bom-nilipta o,” age-silip kale, niyo bomi aget uyo ki atin ugaa kwaa-bom-nilita, ogok boyo titil fagaa kem yak abiip maak maak kem tebesi ko.

1 Jon 3:17

Kale kanube tinum kafin diim komi mufekmufek soyaap iyo maak ipkum mufekmufek duumatanba iyo du-filinin binim kela umdii, beyo God imi ilak dosaala binim iyo kulba ko.