Matyu 24:43 - Telefol

⁴³ Nimi do weng katip kaa bogobelan-temi koyo tele tolong do aget fugun-bom-silipta o ageta ko. Kale tinum am kayaak iyo utamata, mililep uyo dok kota tinum yuguut unin iyo tolon-tema kalaa ageba nimnam, beyo kafan bom bigilata, tinum yuguut unin beyo dogobeta talta am boyo dalata ko-nalata, tam imi mufekmufek uyo dugu kulube mitam iinbaala ko.

Matyu 24:43 Iomraidhean Croise

Matyu 14:25

bem unu e, kota Yesus iyo okumop man imi finang uyo ok daang kun diim ilep mo mo kem tal-bala e,

Matyu 20:11

utamipta e, numi tisol koyo nugumal mep kwiina tal ogok kem-silip kwiinu imi tisol kululip ulutap kululup kalaa age-nilip e, kamok iyo olsak kupka-e-bom bubun-bom

Matyu 24:42

Kale ibo utamta, ipmi Kamogim niyo dok kota tolon-tema kalaa nagebaalip kale, ibo suun kup telel-bom bigi-bom-nilipta o ageta ko.

Matyu 24:44

Kale ulutap ibo utamipta e, Mo Tibil imi Man niyo dok kota tolon-tema kalaa nagebaalip kale, maagalo tem kale, suun kup bigi-bom telel-bom-nilipta o,” age Yesus ilami okumop man imi baga-ema ko.

Matyu 25:10

unang aget tambal fugunin binim iyo daage no stuwa kal ilaam umi ok uyo fen unip e, kota tinum, unang kulan o agan-be iyo tal mep so tala kalaa age-nilipta, unang mangkal ogal telelabip iyo no tinum iyo abu daa-nilip e, duptamo tam am daalip e, kota alugum iyo iman unan-bilip e, ogok kemin tinum iyo tebe faal uyo ilolip ko.

Matyu 25:13

Kale asok Yesus iyo ilami okumop man imi bogobe-nala e, “Do weng bomi magam uyo tele aget fugunolin. Ibo utamta, niyo dok kota tolon-tema kalaa nagebaalip kale, ibo suun kup telel-bom bigi-bom-bilipta o,” age Yesus iyo bogobela ko.

Mak imi tebe Yesus imi sang dola kosa uta ko 13:35

ipta utamta, dok kota am kayaak beyo tolon-tema kalaa agebaalip kale, ataan tem iinuta, toloma e? Bii mililanuta, toloma e? Uun weng tebeluta, toloma e? Kutim mililep toloma e? tap kale, kanube beyo maagalo yuut talta e, agaal unbip kalaa agelan-tema boyo mafak kale, mungkup ibo utamta, dok kota niyo tolon-temi kalaa nagebaalip kale, ipkil telel-bom bigi-bom bom-bilipta, tolon o ageta ko.

Mak imi tebe Yesus imi sang dola kosa uta ko 6:48

tiin kwep unanbu yak daalata, dulul tebe ninggil bot kuso bimbinga imdalu unbu talbu ke-bulu e, bong kup faga bom at kom kulu ok uyo imelam unan-bilip kalaa agan-sala e, kota bem unu e, ninggil imi finang tolon o age-nala e, ok daang kun diim ilep ku-tele mo mo kem tal abe imkan ke te abe-balata bole,

Luk imi tebe Yesus imi sang dola kosa uta ko 12:38

Kale ogok kemin tinum bilip iyo utamta, am tiip tiip faa-buluta, toloma e? Bem abe-buluta, toloma e? agebaalip kuta, maagalo suun fenin kup ke-bilipta, iyo tal-nalata, bilip imi deng uyo tebe-bom-nalata, kuguup tambal uyo kafalema ko.

Luk imi tebe Yesus imi sang dola kosa uta ko 12:39

“Weng maak bogobelan-temi kale, ibo tolong do-silipta. Kale tinum am kayaak iyo utamata, mililep uyo dok kota tinum yuguut unin iyo tolon-tema kalaa ageba nimnam, beyo kafan bom bigilata, tinum yuguut unin beyo dogobeta talta am boyo dalata ko-nalata, tam imi mufekmufek uyo dugu kulube mitam iinbaala ko.

Luk imi tebe Yesus imi sang dola kosa uta ko 21:36

Ibo suun kup nimi tolon-temi uyo utama-bom fen-bilipta a. Minte fen-bom-nilip e, suun kup God iyo beten ke-bom dagaga-bilipta, God yagal titil uyo kupka-e-balata, kuguup mafak tal ipmi diim abelan-temu uyo, ipmi aget fugunin uyo kufak daapman-temaalu kale, suun titil faga-bom-bilipta bii, afungen tem tolon-temu kota, finanin binim, Mo Tibil imi Man nimi diim kal molan-temip o,” age Yesus iyo weng kem baga-ema ko.

Revelesen 16:15

Kale Kamogim Yesus iyo kaltem kemin weng uyo bogo-nala e, “Nimi nugumal ibaa. Tinangku-silipta. Nimi tolon-temi uyo, yuguut unin tinum imi bantap maagalo telemin ulutap ke maagalo maak fagalin tap tolon-temi kale, kanube tinum iyo ilami ilim uyo begep to bisop kaal kem agaal bom-bala yuguut unin iyo tal imi ilim uyo dugubina umdii, tinum beyo kaal kem yuguut unin bemi at kom foga abiip iinon-tema uyo, fitom tebebelan-temu kale, ilim uyo begep toli kalaa age-nala kafan bom tiin mo son-tema bota tambaliim kale, ulutap kale, niyo maagalo tolon-temi kale, ibo tinum ilim begep to kaal kem agaal unemin ilitap ke-nimip kale, ibo telela fen-silipta, nimi tolon-temi kota, ibo fitom binim, tambaliim deng tebemin o,” agela ko.

Revelesen 3:3

Kale siin uyo ibo God imi weng uyo tinangkulipta, tambal kalaa age-silip kale, bomi aget uyo asok fugun-bom-nilipta, aget fupkela ko fengmin kup kemin boyo kupka-nilip e, God imi weng uyo fomtuup waafulin o ageta ko. Ale minte kanube ibo fen kafan nan-temaalip uyo, niyo maagalo tem tolon-temi kale, ibo dogonubeta utamta, dok kota beyo numi fengmin umi yan uyo kupka-em tolon-tema kalaa nagelan-temaalip kuba.