Matyu 23:8 - Telefol

⁸ “Kale nimi okumop man ibo kamogimal bilip imi kuguup kanu-bilip kulutap uyo waafunamin ba ko. Kale nimi okumop man ipmi kafalemin tinum iyo kwiin tagang ba kale, maagup nita kup kale, ibo maak ita win tibin e minte, maak ita win binim no ba kale, ninggil alugum maagup ilatap ilatap ke-bom albip kale, ibo kamok ko age ilimi win kufum yakyak kemin kulitap mungkup ipkil kanu-bilip unang tinum iyo itam-nilip ibo, ‘Kafalemin tinum o,’ agan-bom ipmi win uyo kufu-emin ba ko.

Matyu 23:8 Iomraidhean Croise

Matyu 10:25

kanube skul man iyo yagal te tam ilami kafalemin tinum ilatap kela boyo tambaliim e minte, kanube ogok kemin tinum iyo yagal te tam ilami kamok ilatap kela boyo tambaliim no ko. Kale waasi bilip iyo bisop bogopne-nilip e, ‘Beyo sinik mafak imi kamogim Belsebul ko age Saatan ita o,’ nagebip kale, mungkup ulutap bilip iyo tebe nimi okumop man ipkil bisop baga-e-bom-nilip e minte, ipmi win uyo kufak daga-e-bom no keman-temip o,” age Yesus iyo ilami okumop man imi baga-ema ko.

Matyu 17:5

iip dong kup tebesu maak malaak abuta, ninggil iyo de imalu e, iip tem kutam-tele weng maak bogo-nala e, “Ibaa. Beyo nimi Man bubul kale, niyo imi deng kup taban-bii kale, bemi weng uta kup tinangka-bom-nilipta o,” agela ko.

Matyu 23:10

Ulutap kale, God imi ulaa nimdula kamok kesi tinum nita kup ipmi Kamogim kale, kabo kamok ko age ilimi win kufum yakyak kemin kulitap mungkup kapkal ke-balap kapkumal iyo tebe bogopke-nilip, ‘Kamogim o,’ agan-bom kapmi win uyo kufukemin ba ko.

Matyu 23:7

Kale minte iyo daage no iman saanin baan diim unipta, unang tinum iyo tebe-nilip kamogimal imi kanu-emin kuguup uta ku-nilipta, fet duga-e-bom imi ipkumal iyo baga-e-bom-nilip e, ‘Bilip iyo God imi ulo kafalemin tinum ita o,’ agelin o age-nilipta, kanu-bom no kem-nuubip ko.

Matyu 26:25

imi dupkem daalan o agan-be tinum Judas beyo Yesus imi bogobe-nala e, “Numi kafalemin kabaa. Kabo nimi sang bagane-balap bele ki, tinum migik imi sang baga-e-balap o?” agela e, Yesus isiik imi weng uyo yan kebe-nala e, “Dam bogolap kale, kapkal o,” agela ko.

Matyu 26:49

Judas isiik Yesus iyo dek diibe yuut tal weng umobe-nala e, “Nimi kafalemin kabo albap aga o?” age-nala e, fet dobe duptal migim-kala e,

Mak imi tebe Yesus imi sang dola kosa uta ko 10:51

kota Yesus iyo bogobe-nala e, “Kabo, niyo intaben nupnelak o ageta olne-balap o?” agela e minte, tinum tiin bigibesu isiik bogobe-nala e, “God imi weng kafalemin kabaa. Nimi tiin koyo telela kopnelap tambalanepneluta, mufekmufek uyo utamaman o ageta olan-bii o,” agela e minte,

Mak imi tebe Yesus imi sang dola kosa uta ko 11:21

Fita ita bomi aget fuguno-nala e, bogobela, “Numi kafalemin kabaa. At yet miit un-togon-bii kupkaa un-maansap uyo yak ko datanbu botamal o,” agela e minte,

Mak imi tebe Yesus imi sang dola kosa uta ko 14:45

Judas isiik Yesus iyo dek diibe yuut tal weng umobe-nala e, “Nimi kafalemin kabo albap aga o?” age-nala e, fet dobe duptal migim-kala e,

Mak imi tebe Yesus imi sang dola kosa uta ko 9:5

Fita ninggil iyo finan-siita umtal daa-nilip e, Fita ita aget fuguno-nala e, “Kota intaben weng umaak bogolan-temi o,” agan tolom-nala e, kota Yesus imi bogobe-nala e, “Numi kafalemin kabaa. Suguul ke kapsino tal kagal albup kale, ninggil nuyo am mafak asuno umaak, maak bo kapmi, maak bo Moses imi, minte maak bota Elaija imi no ke deebelupta, o,” agan-kala e bole,

Luk imi tebe Yesus imi sang dola kosa uta ko 22:32

Kuta niyo Aatum God imi beten ke-e-bom-nili e, bogobeli, ‘Aatum kabaa. Saimon iyo bogopne-nala, “Niyo atamsaali o,” nagelan-tema kale, kanupman-tema uyo, dong dogobelapta, imi kuguup mafak boyo tebe-nulu bemi nimi ilak dugamin boyo kufak daga-emin ba o,’ agan-bomta beten kem-nak-bii kale, suukta, kabo maak so aget fupkela ko-nalap kapmi aget fugunin uyo bam daapkelan-temu kota, kabo kapmi kapkumal iyo dong daga-e-balapta, imi aget fugunin uyo bam daabeluta, titil fagalan-temip o,” age-nalata, Yesus iyo Fita imi baga-ema ko.

Jon imi tebe Yesus imi sang dola kosa uta ko 1:38

Yesus iyo fupkela itamata e, nimi daang begepnelip kalaa age-nala e, dagala, “Ibo intaben fen talan-bilip o?” agela e, bogobelip, “Rabai aa. Kabo dogap kal albap o?” agelip kale, ilimi weng, Rabai o agelip boyo ki numi weng maak uyo God imi weng kafalemin tinum o agan-nuubup ko.

Jon imi tebe Yesus imi sang dola kosa uta ko 1:49

Nataniel iyo bogobela, “God imi weng kafalemin kabaa. Kabo God imi Man e minte, Israel kasel imi kamok king no o,” agela e,

Jon imi tebe Yesus imi sang dola kosa uta ko 11:8

okumop man isiik bogo-nilip e, “Numi kafalemin kabaa. Asok Provins Yuudiya unon-temap a? Juda kasel imi kamogimal iyo, tuum tuup kangkolum o agan-bilip kuta, unon-temap o?” agelip e,

Jon imi tebe Yesus imi sang dola kosa uta ko 20:16

Yesus iyo bogobela, “Maria kubaa,” agelata, uyo fupkela-nulu e, Hibru weng bogobe-nulu e, “Raboni kabaa,” agelu boyo bogo-nulu, “God imi weng kafalemin kabaa,” agelu e,

Jon imi tebe Yesus imi sang dola kosa uta ko 3:2

tinum beyo mililep kota tal Yesus imi bogobe-nala e, “God imi weng kafalemin kabaa. God iyo tinum imi diim albaala uyo, kapmi mirakel ko age kuguup ugulumi migik tambal ko kanum-nuubap kulutap uyo kanum-nama binim kale, boyo nugol katamsup kale, God iyo kamdala tal imi weng uyo kafalem tebesap o,” agela e minte,

Jon imi tebe Yesus imi sang dola kosa uta ko 3:26

tal-nilip e; Jon iyo bogobe-nilip e, “Numi kafalemin kabaa. Siin uyo tinum maak yak Ok Jodan milii kugol kapsino bom-nilip bemi sang baga-emsap begal unang tinum kwiin tagang iyo tal tamipta, kaa ok sam uga-e-be o,” age bogobelip e,

Jon imi tebe Yesus imi sang dola kosa uta ko 4:31

Kale kanum tal-bilip e, okumop man iyo Yesus bogobe-nilip e, “Numi kafalemin kabaa. Kabo iman umaak une kaang agelapta o,” agelip e,

Jon imi tebe Yesus imi sang dola kosa uta ko 6:25

Tinum unang iyo fen yak ok muk milii yak abomu, kugol alba kalaa age atam-nilip e, dagalip, “God imi weng kafalemin kabaa. Kabo dogap kota talbap o?” agelip e,

Jon imi tebe Yesus imi sang dola kosa uta ko 9:2

imi okumop man iyo dagalip, “Kafalemin kabaa. Dok ita fenga kolata, imi tiin uyo mafaganebesu a? Yagal bele, ilami ogen sino aalap sino ita o?” agelip e,

2 Korin 1:24

Kale ninggil nuyo ipmi tiin mo-bom bogobe-nulup, “Kanupmin aget bo fugun-bom utamipta e, aafen kalaa agan-bom no kemin o,” agan-bom baga-emin tinum ba e minte, “Yak bo kanubelin o, kanubelin o,” agan-kalin tinum ba no kale, nuyo utamupta e, ibo God imi weng uyo titil fagaa fomtuup waafu-bom albip kalaa age-nulupta, ipso mangkal ninggil kwego dego ke-nulupta, God imi ogok boyo waafu-bulupta, ibo deng tebe-bom bom-bilipta o agan-bulup ko.

2 Korin 4:5

Kale kanube God imi weng kaa kufum talan-bulup koyo, nuyo nulumi win kufu-bomta nulumi sang baga-bulupta, win kufu-emin o age-nulupta ba kale, numi weng bagan-bulup boyo, “Yesus Krais beyo numi Kamogim o,” agan-bom-nulup e, bemi sang uta kup bagan talan-bulup kale, iyo nuyo imdala tal, ipmi dong daga-emum o ageta talan-bulup kale, nuyo saak ipmi ogok ke-emin tinum ko.

Efesis 3:15

Alugum abiil tigiin kasel so alugum kafin diim kasel nuso nuyo tinum yagalami miit maak kela kela kesup kuta minte, Aatum God beyo alugum numi miit kayaak iyo kulba kale,

Filemon 1:16

Siin uyo beyo kapmi ogok kemin tinum ke-bii-se kuta, asok kamano koyo ogok kemin tinum uta kup ba kale minte, kapsino alop maagup Krais imi ilak dugamin tinum ke-nala kalapmi duup aligaap keba ko. Kale bemi aget uyo kobebi kale, nugum kapkal mungkup utamapta, beyo kapmi ogok kemin tinum e minte, beyo kalaptap Kristen keba kalaa age-nalapta, bemi aget uyo fomtuup kobe-nalapta o ageta ko.

Jems 3:1

Nimi nugumal ibaa. Utamsup kale, son-temu uyo, God iyo Kristen kafalemin nuta fomtuup im-kugu yegebe-nala e minte, Kristen migik bilip ita agol im-kugu yegebe no kelan-tema kale, kwiin tagang ibo kafalemin tinum kemin ba o ageta ko.

1 Fita 5:3

Kale ipta kamok ke-nilipta, unang tinum God tebe ulu kulep yak ilipmi sagaal diim tola tiin mobip bilip iyo imdaak tamalin o ageta ba kale, ibo kuguup tambal uta kup God imi unang tinum ko age sipsip iyo kupka-e-bom ilep tambal uyo kafale-bom no ke-bilipta, utam-nilipta, igil ipmi kuguup kanu-bilip bota waafuu kwep tebe-bom-bilipta o ageta kale,

Revelesen 1:9

Kale ipso e ipkum Jon niso ninggil nuyo Yesus imi ilak uyo do-nulupta, mitam ilami daam tem uyo mitam ti-sulup kale, bomi kalan uta Yesus imi waasi iyo tebe kuguup mafak uyo kupka-e-bilipta, kaal fuyap uyo utaman-nuubup kuta, suun kup titil kup fagan-nuubup ko. Kale God imi weng so Yesus imi weng so baga-em-nuubi bomi kalan uta sok de namo nimtamo yol ok daang kun diim ilep tal-nilip e, ok daang kun diim umi kafin iip ugo kolin maak Patmos kaa daalipta,

Revelesen 19:10

Kale niyo ensel ilami miit tem kugol imi deng uyo tebe-bom aman duga-eman o age-nilita, daak katuun duung fegela-silita, ensel iyo bogopne-nala e, “Umbae. Kabo nimi deng uyo tebe-bom aman duganemin ba kale, God maagup imi deng uta kup tebe-bom aman duga-emin o,” age-nala e, bogopne-nala e, “Kapsino kapmi kapkumal Kristen ke Yesus imi tuluun weng uyo waafu-bom titil faga-bom baga-em-nuubip isino ibo God imi bon tem kiit fenin unang tinum kale minte, nagal mungkup ulutap God imi bon tem kiit fenin tinum no kale, kabo nimi deng tebe-bom aman duganemin ba o,” agela ko. Kale fen Yesus imi tuluun weng kupkem daa-se ugol, minte sugamiyok God imi weng profet imi diim bogobela suuk kon tem dolasip ugol no weng alop bomi magam uyo maagup ko.

Revelesen 22:9

iyo bogopne-nala e, “Umbae. Kabo nimi deng uyo tebe-bom aman duganemin ba kale, God maagup imi deng uta kup tebe-bom aman duga-emin o,” age-nala e, bogopne-nala e, “Kapsino kapmi kapkumal profet ko age God imi weng kem baga-emin tinum sino waantap ita suuk kon tem weng kaa dola-balap boyo tolong do waafusip isino ibo God imi bon tem kiit fenin unang tinum kale minte, nagal mungkup ulutap God imi bon tem kiit fenin tinum no kale, kabo nimi deng uyo tebe-bom aman duganemin ba o,” age-nala e,