Matyu 23:29 - Telefol

²⁹ Kale Yesus iyo kamogimal imi asok bogobe-nala e, “Ulo utamsip tinum sino Falosi sino ibo bisop bagamin kuguup uta waafulin tinum kale, ipmi olal iyo God imi profet ko age weng kem baga-emin tinum sino tol kup tinum migik sino iyo an-bii kulep no iman-bii-silip kale, ipkil, imi duu diim uyo tambalanuk o age-nilipta, tuum uyo kulep ilaga-e-bom-nilip e minte, at ket san uyo u-e-bom no ke-bom-nilip e,

Matyu 23:29 Iomraidhean Croise

Matyu 23:27

“Kale ulo utamsip tinum sino Falosi sino ibo bisop bagamin kuguup uta waafulin tinum kale, ibo begel ilet tem ulutap kale, tip katam uta atin tambaliim telela kosip ulutap kuta minte, iibak tem kulaak uyo tinum imi dam so kun so sing daga-bom-nulu tang mafak kuun-bo kulaak uyo unang tinum iyo tele utabaalip kale,

Matyu 23:28

ulutap mungkup, unang tinum iyo ipmi kaal diim boyo utamipta e, ibo tol kup tinum kalaa agan-nuubip kuta, ipmi iibak tem kwek uyo ilipmi bisop bagamin sino minte kuguup mafak migik sino uta tebe-nuluta, ifak daasu kale, son-temu uyo, bomi kalan uta God iyo kaal fuyap kupka-eman-tema o,” age Yesus iyo ulo utamsip tinum sino Falosi sino iyo baga-ema ko.

Matyu 23:30

bogo-nilip e, ‘Nuyo sugayok uyo numi olal sino nusino maagup som-nulupta umaak nimnam, numi olal imi tebe God imi profet ko age weng kem baga-emin tinum inolip kaan-silip kulutap nugol mungkup kanubesaalup o,’ agan-kalip ko.

Aposel 2:29

Age-nala e, aa mungkup Fita iyo weng maak bogobe-nala e, “Nugumal ibaa. Numi afalik Devit imi sang uyo ipmi dupkop daabelan o agan-bii kale, sugayok uyo beyo atin kaanata, dubasip kale, imi tuum tem kutam kal dubasip uyo nuubu kale, kamano koyo mep yang kugol albu (kalaa age-nulupta, utamupta e, Devit beyo ilami sang uyo bogosaala kale, tinum migik imi sang uta bogosa kalaa agan-bulup) ko.