Matyu 21:33 - Telefol

³³ Yesus iyo asok kamogimal imi bogobe-nala e, “Niyo weng migik maak bogopman-temi kale, ibo tele tolong do-silipta. Tam tinum maak sok dum ilang maak telela ko-nala e, daam fogo kupkaa sok dum umi san uyo u-nala e, sok dum umi ok tugutmin umi baan diim uyo telela ko-nala e, sok dum ilang bigimin tinum imi am uyo isal am deebe no ke-nala e, minte tinum sok dum ilang tiin molan-temip iyo ulu bogobe-nala e, ‘Tam sok dum umi abulan-temu uyo, dagan-bii ko kupkaa tugut-bom ok uyo ilan-bii kobelip ipkumal ita molipta, ibo tisol uyo kulu-nilipta, duula ko ipkil atuk uyo kulu-nilip e minte, nagal atuk uyo kulupnelip no telemuk o,’ age-nala e, imkaa no abiip maak simanim kal na ko.

Matyu 21:33 Iomraidhean Croise

Matyu 13:18

Kale kota Yesus iyo ilami okumop man iyo bogobe-nala e, “Tinangku-bom-silipta, niyo do weng felep yak wiit san fagagamin tinum imi diim to bogobeli bomi magam uta bam daa imolan-temi ko.

Matyu 20:1

Kale Yesus iyo do weng maak bogobe-nala e, “God imi tebe unang tinum tiin mo-bom mufekmufek taga-em-nuuba umi kuguup uyo sok dum ilang kayaak maak tebe ogok kemin tinum imi kuguup kobe-se ulutap kale, bemi sok dum ilang uyo kwiin kiim kuta minte, imi ogok kemin tinum ita iip maak maak ita kup kale, kutim ataan, kenan o agan-suluta, sok dum ilang kayaak iyo daage no, yol am kugol tinum iyo maak ululita, no nimi ogok kene-bom-nilip mani kwaamin o age-nalata,

Matyu 21:28

Kale Yesus iyo kamogimal imi bogobe-nala e, “Nimi do weng kaa bogolan-temi koyo tele tolong do-nilipta, aaltam kota dogonupmin aget fugunin uta kulup kalaa age-nilipta, ipkil bogopnelin o ageta ko. Kale tam tinum maak beyo man tinum alop kale, am maak daanu e, tam man diil imi bogobe-nala e, ‘Nimi man tinum kabaa. Kamano koyo kabo no sok dum ilang uta digin-kalal o,’ agela e,

Matyu 23:2

“God iyo ulo utamsip tinum sino Falosi sino ita ulaa imdulata, God imi ulo Moses dola kosa uta kafalem-nuubip kale,

Mak imi tebe Yesus imi sang dola kosa uta ko 13:34

Kale nimi no o asok tolon-temi boyo tinum maak imi no abiip simanim unba ulutap kale, tinum beyo, unanbu no abiip simanim maak kugol bii ilugo-nilita, asok tolon-temi kalaa age-nala e, ilami ogok kemin tinum iyo olabela tal tamip e, ilami mani min, mufekmufek uyo alugum kwaapma yak bilip imi sagaal diim abelu yagalami ogok uyo kobe kobe ke-nala e, amitung tiin molin tinum imi bogobe-nala e, ‘Kabo ki tambaliim kup telel-bom bigi-bom bom-balapta, tolon o,’ aginba kale,

Luk imi tebe Yesus imi sang dola kosa uta ko 19:12

“Tam kamok maak aget fuguno-nala e, ‘Olapnebip kale, niyo unanbu no anang simanim maak kutam iinita bole, anang kasel ita tebe-nilipta, ulaa nimdu-nilipta, “Numi tiin molin ko age king kelal o,” agelipta, asok tolon-temi o,’ agan-kala ko.

Jon imi tebe Yesus imi sang dola kosa uta ko 15:1

Kale Yesus iyo bogobe-nala e, “Nimi Aatum beyo sok ilang kayaak e minte, nita fen sok dum unan-kalin umi kun (e minte, ipta nimi tung) no kale,