Ulutap kale, (ibo man kangkang fagaang tibin ilitap uyo ke-bom-nilipta; Jon imi weng uyo, tinangkulaalup o agan-bom-nilip e minte, nimi weng uyo, tinangkulaalup o agan-bom no ke-bom-nilipta, ibo bisop umi kalan uta alop nuyo weng mafak uyo kupka-e-bom itafim-nuubip kale,) Jon imi aget fugunin uyo, God yagal bogopne-nala, ‘Kanupmin unan-kalin boyo kabo unan-kalin ba o,’ nage-se kalaa age-nala, fala-bilita, God iyo nimi deng uyo tebemak o age-nalata, unan-kalin maak maak so sok dum ok so uyo suun kup falamin kup kemsa kuta, tal kanu-balata, ibo atam-nilipta, bogo-nilip e, ‘Aa. Tinum beyo sinik mafak tebe dufak daalata, unan-kalin boyo suun kup falam-nuuba o,’ agan-nuubip ko.
Matyu 21:32 - Telefol32 Kale siin uyo ok sam uga-emin tinum Jon Baptis iyo tal ibo kafale-bom bogobe-nala, ‘Ibo mitam God imi daam tem e telemin umi ilep uyo kanube-nilipta o,’ agansa kuta, ibo imi weng uyo tinangkamsaalip kale minte, takis mani kwaamin tinum mafak sino minte sa dagamin unang sino ita Jon imi weng uyo tinangku-nilipta, imi aget uyo fupkela ko-nilipta, ilimi kuguup mafak ke-bilip uyo kupka-nilip e, God imi ilak uta dolip kalaa age-nilipta, ibo itam-silip kuta minte, ibo Jon imi weng uyo tinangku ipmi aget uyo fupkela kota kulitap kelin-tem ke-nilipta, ipmi kuguup mafak ke-bilip uyo kupka-nilipta, God imi ilak uta dolin-tem o,” age Yesus iyo kamogimal iyo baga-ema ko. Faic an caibideil |
Matyu 21:32
19 Iomraidhean Croise
Ok sam uga-emin tinum Jon Baptis iyo waami win tolop diim unang tinum iyo ok sam uga-emsa a? God imi win tolop diim bele, kafin diim komi tinum imi win tolop diim kanumsa a? (Nimi weng ko dagali boyo yan kepnelipta) o,” agela e, tam kamogimal iyo wengaal digin-bom bogobina tala ke-bom-nilip e, bogolip, “Nuyo, intaben o agelan-temup a? Nuyo bogo-nulup, ‘God imi win tolop diim kanumsa o,’ agelan-temup bole, beyo tebe nuyo bogobe-nala e, ‘Ibo utamipta, God imi win tolop diim kanumsa kalaa agelip umdii, intaben o ageta ibo Jon beyo fen God imi weng uta tuluun baga-e-be kalaa agansaalip o?’ agelan-tema kale minte,
“Kale kota niyo weng maak dagalan-temi kale, tinangku-silipta. Man alop bilip iyo niing ita bele, fik ita ilimi aalap weng uyo tinangku-se o?” agela e, tam kamogimal isiik bogobe-nilip e, “Fik ita aalap imi weng uyo tinangku-se o,” agelip e, Yesus iyo bogobela ko. “Nimi weng kaa bogopman-temi koyo tele tinangku-silipta. Unang tinum mafak iyo fik imi kanube-se kulutap kelan-temip boyo ki, takis mani kwaamin tinum mafak sino minte sa dagamin unang sino iyo ilimi aget uyo fupkela ko-nilipta, ita ita kelipta, kamogimal ipta kubaganipta, yuut mitam God imi daam tem e tolon-temip kale minte, ipde a? Ibo mitam God imi daam tem e tolon-temip bele ki?
Kale kanube ibo asit kek kek iyo imkaa ipmi aget uyo unang tinum imi aget ipmi kobebip ita kup imi kobelip umdii, God iyo tebe boyo utam-nalata, bogobe-nala e, ‘Ibo tinum tambal o,’ age-nalata, mufekmufek tambal uyo delepman-tema bele ki? Umbae. Tinum iyo alugum mungkup ilimi duubal imi aget uyo kupka-e-bilip e minte, takis mani kwaamin tinum mafak igil mungkup bisop baga-bom ipkum imi aget uyo kobina tala kem-nuubip no kuba.
kanube tinum iip maak maak iyo kabo bogopke-nilip, “Kabo bisop bagan-balap o,” agelip umdii, kabo agol kup imdep meng daa God imi tuluun weng uyo kafale-balapta, God iyo dong dogobelata, bilip iyo imi aget uyo fupkela kolip tambal keluta, God imi dam weng uyo dam kalaa agelan-temip tap o age-nalapta, kafalemal o ageta ko.
Kale kanube unang tinum God imi, “Bota kanumin o,” age-se bomi utamsaalip binim iyo yang fengamip umdii, boyo mafak tap so kale minte, kanube unang tinum iyo kamaki kutop uyo God imi weng tambal ilami ogok kemin tinum tebe kobe-silip boyo utam waafu-siit-nilip, asok bisat kupkaa umik ugobelip umdii, boyo atin mafak ko.
Sanasan