Matyu 19:6 - Telefol

⁶ asok maak so alop kelan-temaalip kale, maagup kelan-temip ko. Kale God imi unang tinum kwep tala tala kela agam maagup kebip uyo, tinum iyo maak tebe-nalata, agam imi dula kula kebip uyo ilo kobela yang iina meng iina kemin ba o,” age Yesus iyo kam agela e,

Matyu 19:6 Iomraidhean Croise

Matyu 19:5

God iyo bogo-nala e, “Agam maagup kesip bota, tinum iyo tebe unang uyo kulan-tema uyo, tinum iyo ilami ogen so e aalap so iyo imka-nala e, yak imi kalel umi diim kal du-mola e bole, agam iyo maagup kelan-temip o,” agesa o,’ agesu kale,

Matyu 19:7

kota Falosi iyo Yesus imi daga-nilip e, “Kapmi kam agelap boyo dam umdii, Moses iyo, intaben o age-nalata, God imi suuk kon tem uyo weng migik uyo dola ko bogo-nala e, ‘Tinum kabo, kalel uyo kupkali o agelap umdii, boyo bong fagamin ba kale, imak kabo suuk kon umaak dola ko kalel umi kobelapta, ku-nuluta, kamkaa unon-temu o,’ agesa o?” agelip e,

Mak imi tebe Yesus imi sang dola kosa uta ko 10:9

Kale God imi unang tinum kwep tala tala kela agam maagup kebip uyo, unang tinum iyo maak tebe-nalata, agam imi dula kula kebip uyo ilo kobela yang iina meng iina kemin ba o,” age Yesus iyo kam agan-kala ko.

Fol tebe Rom kutam imi suuk kon dola kobesa uta ko 7:2

Kale felep yak ku tomin weng maak bogolan-temi kale, tinangku-silipta. Kanube tam unang tinum digin uyo maak imak iyo kaanin-tem alba umdii, boyo ulo uyo tebe agam sok de imolin kelu albip kale minte, fen imak iyo kaana umdii, bota ulo tebe agam sok de imolin kesu uyo tebe unang boyo maak so de kolan-temaalu kuta,

Efesis 5:28

Kale ulutap kale, tinum ibo ilipmi kaal umi ilak do tambaliim tiin mobip ulutap ke ipmi kalelal imi ilak uyo do telelemin o ageta ko. Kale tinum so ilami kalel so agam iyo maagup kale, tinum iyo ilami kalel umi ilak do tambaliim tiin mola umdii, bomi tem ku-tele beyo ilami kaal kuso tiin molan-tema kale,

Hibru 13:4

Kale unang digin tinum digin kemin boyo tambaliim kale, alugum ibo boyo atin tele tiin mo-bom-nilipta o ageta kale, kalel so imak so iyo bisat kebina tala kemin ba kale, tambaliim kup imak tiin mola kalel tiin mola ke-bom-nilipta o ageta kale, binim umdii, son-temu uyo, tinum unang sa dagamin so minte tinum digin unang digin bomi kufak dagamin so bilip iyo God iyo tebe bomi yan uyo kupka-eman-tema ko.