Matyu 19:28 - Telefol

²⁸ Yesus iyo ilami okumop man imi bogobe-nala e, “Niyo dam bogopman-temi kale, son-temu nala afungen tem tulu God tebe-nala asok abiil so kafin so umi migik telela kolan-tema kota, Mo Tibil imi Man nita mitam Kamok miton ke-nilita, alugum iyo tiin molan-temi kale, kota nimi okumop man tuluun kal ibo nimi titil uyo kobelita, nimi win tolop diim Israel imi man ilop imi miit tuluun kal kalip iyo ipkil tebe miit maagup ku tiin mola tiin mola kelan-temip ko.

Matyu 19:28 Iomraidhean Croise

Matyu 16:27

Son-temu uyo, Mo Tibil imi Man niyo nalami Aatum imi titil uyo ku kamok kesa ilatap keli ensel tambal iso tolon-temup uyo, tal-nilita, alugum unang tinum maagup maagup imi intap intap kuguup kanum unsip uyo yan kebelan-temi ko.

Matyu 19:27

Fita isiik bogobe-nala e, “Kamogim kabaa. Tolong do-salapta. Ninggil nuyo numi abiip sino numi mufekmufek sino uyo alugum kupka-nulupta, kapmi ogok uta kem kapsino tiinan-bulup kale, kanu-bulup boyo, son-temu uyo, God imi abiip uyo no tamupta, kabo dogonupmin kuguup tambal uta nuyo kopman-temap o?” agela e,

Matyu 20:21

Yesus iyo dagala, “Kubo, intaben uta niyo kanupnelak o nagan-balap o?” agela e, ogen usiik Yesus imi weng uyo yan kebe bogo-nulu e, “Suuk nala kapmi mitam kamok king ke-nalap unang tinum alugum imi tiin molan-temap uyo, kabo nimi man tinum alop kalip iyo ululapta, maak iyo te kapmi ipkuk ilo keng kal tona e, minte maak ita te afaan ilo keng kal tona no ke-bom kabo dong dagake-bilipta, ninggil ibo unang tinum iyo tiin molin o,” agelu e,

Matyu 25:31

Kale Yesus iyo bogobe-nala e, “Biilan-temu kota, Mo Tibil imi Man niyo tebe God imi ensel iyo alugum kulep tal tolita, bilip iyo nimi tok uyo baga-bilipta, nagal kamok king ke-nilita, nimi titil afalik uyo ku-nilita, alugum unang tinum iyo tiin molan-temi kale,

Matyu 6:33

Kuta mufekmufek miton ipmi dilinan-temip uyo kulbu kale, ibo, God imi daam tem iinom ilami aligaap ke-nulupta, ilami tol kuguup uta kup waafulum o age dilin-bom-nilipta, God imi aget uta ugel kalalin o ageta kale, ibo kanumip bole, God yagal dong daga-e-bom-nala e minte, ipmi mufekmufek dilin-bilip migik ko age iman min ilim uyo kuga-e-bom no keman-tema ko.

Matyu 8:20

Yesus iyo imi weng uyo yan kebe-nala e, bogola, “Sep kayaam ko age dungkiil iyo dungfil tem kal sina-bala e minte, uun yagal ilami um tem kal sina-bala no kem-nuubip kale minte, Mo Tibil imi Man nita fen nalami am sinamin am binim kale, kapkal aget uyo tele fugunolal a. Kabo niso kanube tiineman o agan-balap bele ki?” agela ko.

Mak imi tebe Yesus imi sang dola kosa uta ko 10:37

alop isiik bogobe-nilip e, “Suuk nala kabo mitam kamok king kelan-temap uyo, alop nuta imkalapta, maak iyo te kalapmi ipkuk ilo keng kal tona e, minte maak ita te afaan ilo keng kal tona no ke-bom kabo dong dagake-bulupta, ninggil nuta unang tinum iyo tiin molum o,” agelip e minte,

Aposel 3:21

Kuta Yesus iyo abiil tigiin kal bom-bala bii, God iyo tebe alugum mufekmufek uyo telela kola mitam migik tambalanuta, kota Yesus iyo tolon-tema kale, sugayok uyo God iyo bomi sang uyo bogolata, ilami profet ko age weng kem baga-emin tinum tambal isiik bogosip ko.

2 Timoti 2:12

mufekmufek mafak mitam numi diim aban-bo kalaa age-nulup nuyo bilii unemin binim, titil fagaa God imi ogok waafuu kwep tubup umdii, nugol kamogim ke-nulup isino nan-temup kale minte, nuyo imi umik ugobelup umdii, yagal mungkup numi umik ugopman-tema kale,

2 Fita 3:13

nuyo utamupta e, God ilami, “Kanubelan-temi o,” age weng kwep daa-se uta waafulan-tema kalaa age-nulupta, mufekmufek binimanan-temu bomi aget uyo yamyam tagamin ba ko. Kale God bemi weng kwep daa-se bomi fen tebesup boyo ki, abiil so kafin so uyo migik telela kolata, bole alugum unang tinum albip iyo kuguup tambal uta kup waafulipta, bole alugum mufekmufek uyo, “Mitam tambalanan-temu o,” age-se umi sang uta ko.

Revelesen 11:16

Kale kota tinum kamogimal ilimi kup 24 kalip imi tonamin baan diim God imi miit tem ilo tonbip bilip iyo alugum katuun duung fegela daak ton-nilip e, tibit kun uyo kwep daak kafin diim daa no ke-nilip e, God imi ulotu ke-e-bom imi win uyo kufu-e-bom no ke-bom

Revelesen 12:1

Koyo Jon nimi ilam do utabi umi sang uta kale, abiil tigiin uyo mufekmufek ugulumi migik mitam tulu uyo kulbu kale, unang maak albu boyo ataan tebe falala de kolu e, unang uyo man fugulan o agan-bulu e, kayop uyo umi yaan afak tem ilep mitam yaan uyo kufopmuta, umi yaan uyo kwep daak kayop umi tip diim daa-bom fingka-bom tonu kale, unang bomi dubom diim uyo biningok tuluun kal iyo molip kale, man iyo, tolon o agan-balata, atul uyo kwiin kiim ke-e-buluta, fomtuup olan-kalu ko.

Revelesen 20:4

Kale niyo Yesus imi unang tinum inolip kaanan unsip imi sinik iyo itami kale, tinum kaansip bilip iyo Yesus imi tuluun weng kupkem daabesa so God imi weng sino uyo dital faga-bom kwep yang ipkumal migik iyo fomtuup baga-e-bom kafale-bom kemsip kale, bilip iyo yol ok kumun tem umi dimduum so dimduum imi sinik telela kwep daasip so iyo aman duga-emsaalip binim e minte, imkalip dimduum imi ogok kemin iyo tebe imi namba ko age win felep yak ku tosu uyo tibit kun diim so sagaal diim so dolasaalip binim no kale, bomi kalan uta Yesus imi waasi iyo tebe-nilip e, kaabak ku Yesus imi unang tinum imi dubom ukan kebesip kuta, God iyo ifola fen tigi molipta, iyo titil kobe-nalata, “Ipta unang tinum tiin molin o,” age-nala e minte, “Yesus Krais isino ipso ibo unang tinum iyo tiin mo-bilip bii, atol ulumi kup wan tausen (1,000) koyo dakan keluk o,” age no kelata, niyo asok itamita, iyo king imi tonamin baan diim uyo tonbip kalaa ageli ko.

Revelesen 21:5

Kale God iyo ilami baan diim kal ton-bom weng maak bogo-nala e, “Ibaa. Tinangku-silipta. Kamano kota niyo alugum mufekmufek boyo telela koli migik kelan o angbu o,” age-nala e minte, iyo fupkela nimi bogopne-nala e, “Weng kaa tinangkulap boyo fen tuluun weng kale, kabo utamapta, alugum bilip iyo bogobelap tolong do-nilip utamipta e, fen kalaa agelan-temip kalaa age-nalapta, tinum bemi weng boyo kwep yak suuk kon tem kal dola kolal o,” age-nala e,

Revelesen 22:5

Kale God imi dong kiim uta ilagen kupkaluta, maak so mililanan-temaalu binim keluta, iyo tele alugum mufekmufek utaman-temip uyo, ilaam dong binim, ataan dong binim keluta, imi tiinemin tonamin uyo, kamok king ilitap ke-nilipta, suun kup suun kup tambaliim nan-temip ko.

Revelesen 3:21

Kale siin uyo nita nita ke-nilita, Saatan iyo kubagana dupkalita, nimi Aatum God imi titil uyo tulu e minte, nimi titil uyo tulu no ke-bom ulim dagaap kem tebesup kale, ulutap mungkup waantap ita nimi kuguup uyo waafulin kup taba umdii, beyo dupkali nimi titil uyo nisino isino dagaap keman-temup ko.

Revelesen 4:4

Kale kamok kamok ilimi kup 24 kalip igil mungkup Bisel God imi tonamin baan diim uyo fufala dek mo-nilip e, maagup maagup iyo kamok ilimi tonamin baan diim kugol tona tona ke-nilip e, ilim namaal tambal uta kup kulu migi-nilip e minte, kamok imi dufalum tambal gol kulu telelasip uta kulu kwaak kali yakyak ke no kebip kalaa age no keli ko.

Revelesen 7:4

fupkela nimi bogopnela ko. “Tam God tebe unang tinum alugum ulula ilami kesip ilimi kup 144 tausen (144,000) kale, nuta imi tibit kun diim kugol God imi win uyo dolebe-sulup ko. Kale unang tinum ilimi kup 144 tausen (144,000) bilip imi afalik iyo Israel kale, bemi win migik uyo Jekop o agan-nuubip kale, imi man iyo tuluun kal kale,