Matyu 18:33 - Telefol

³³ kabo nimi tebe ka-filin daabi ulutap ke-nalap kapsiik tebe kapkum beyo du-filin daalan-temap boyo tambaliim kuta, kabo boyo kupkaa beyo du-filin daalin-tem kebap kale, bota nagal mungkup kabo ka-filin daalan-temaali o,’ age-nala e,

Matyu 18:33 Iomraidhean Croise

Matyu 18:32

kamok iyo tinangku-nala e, un tubulin iyo bogobe-nala e, ‘No nimi ogok kemin tinum mafak iyo dep talaal o,’ agela e, no dep tal daala e, kamok iyo tebe bogobe-nala e, ‘Kabo kuguup mafak kemin tinum kale, kapmi dagabap bota, niyo ka-filin daa-nilita, kapmi yuum kiim uyo kupkapkebi kale minte,

Matyu 18:34

atin olsak tebebelu e bole, un tubulin iyo bogobelata, iyo tebe tinum mafak beyo de dep no kalabus am daa bogobe-nilip e, ‘Kabo katam kal bom-balap bii, king imi yuum afek bomi alugum mobelan-temap kota, talaa kamdalup tam iinon-temap o,’ age bogobe-silip o,” age Yesus iyo do weng boyo bogobe-nala e minte,

Matyu 5:7

“Kale unang tinum iip maak maak iyo inal o agan-bom-nilipta, ipkumal iyo kuguup tambal uyo kupka-emip umdii, God isiik inal o agan-bom-nalata, kuguup tambal uyo kupka-e-balata, deng tebeman-temip ko.

Matyu 6:12

Kabo numi fengmin boyo kupkabe numi nugumal imi tebe numi fenge-bilip kup-kaga-ebup ulutap kebelal o ageta ko.

Efesis 4:32

inal o agan-bom tambaliim kup telelebina tala ke-bom-nilipta o ageta kale, God tebe Krais imi win tolop diim ipmi fengmin kupkabe-se ulutap ke ipkumal tebe ipmi mufekmufek uyo fenga kolip uyo ipkil mungkup kupkabina tala ke-bom-nilipta o ageta ko.

Kolosi 3:13

Kabo tebe-nalap kapkum iyo bogobe-nalap, “Nalami duup kapkal fenga kopnebap o,” age an-togon daalan o agelap umdii, bemi kanupmin aget kupka-e-balap boyo kupka-nalap e minte, bemi fengmin uyo kupkabe no kelal o ageta kale, Bisel God iyo ipmi fengmin uyo kupkabe-se kale, ipkil mungkup ipkumal imi fenga kobelip uyo kupkabe una tala ke-bom-nilipta o ageta ko.