Matyu 12:33 - Telefol

³³ Yesus iyo asok Falosi iyo bogobe-nala e, “Ibo at dum abumin umi kuguup uyo utamin. At dum tambal abumin uyo ulumi dum tambal uta kup abulan-temu e minte, at dum mafak abumin ugol mungkup ulumi dum mafak uta kup abulan-temu no kale, nuyo utamupta e, kanupmin at dum abulu kalaa agelup umdii, utamupta, bota at tambal e minte, bota at mafak kalaa agelan-temup ko.

Matyu 12:33 Iomraidhean Croise

Matyu 23:26

Kale Falosi ibo tinum tiin tugul ilitap kale, ibo tet tem kulaak usiik suubalan-temip uta, mitam kaal diim ugol mungkup ninak binim tambalan no kelan-temu kale, ulutap mungkup, ipmi aget mafak fugunin uyo kupka-nilip aget fupkela kolan-temip uta, ipmi kuguup ugol mungkup tambal ke no kelan-temu ko.

Luk imi tebe Yesus imi sang dola kosa uta ko 3:9

Kale God iyo, at uyo doman o age-nalata, at miit tem kal kaabak uyo waafuu fiko kola kale, at alugum dogap uta at dum tambal abulin binim kesu uyo ano duula-nalata, at kwegala ken tebelan-temu ko. Ulutap kale, ibo kuguup tambal uyo waafulin binim kelan-temip uyo, God tebe imkan kelan-tema o,” age Jon iyo unang tinum imi baga-ema e,

Jems 3:12

Kale minte yet umi abulan-temu dum uyo ubol kelan-temaalu e minte, tiyuup umi abulan-temu dum uyo yet kelan-temaalu no kale, ulutap kale, yol ok mat uyo dogonubeta ok tambal kelan-temaalu no ko.

Jems 4:8

Ibo no God imi mep so unipta, God yagal meng ipmi mep so tala no kelin o ageta kale, ibo fengmin man kale, ibo tinum imi sagaal diing daala tambalabu ulutap ke-nilipta, fengmin bo kupka-nilipta, kuguup tambal uta kup waafulin o ageta kale, ibo aget alop togolin tinum kale, ipmi aget fugunin mafak bo kupkan ke-nilipta, telelalip tambalanuk o ageta ko.