Matyu 12:18 - Telefol18 “God iyo bogo-nala, ‘Ibaa. Beyo nimi ulaa duli kamok kesa tinum aligaap e minte, nalami ogok kemin tinum miton no kale, beyo nimi bubul kale, bemi deng uta kup taban-bii ko. Kale niyo nalami Sinik iyo daali no imi diim abe-bom-nalata, dong daga-e-balata, weng telela kupka-emin tinum ke-nalata, daak kafin ko kutufosu bomi unang tinum alugum imi bogobe-nala, “Kanupmin kuguup tambal uta kup ke-bom-nilipta o,” agan-kalon-tema kuta. Faic an caibideil |
Matyu 12:18
40 Iomraidhean Croise
Kale unang tinum iyo mo-bom Yesus atama-bilip e, Juda kasel imi kamogimal ita titul weng baga-e-bom-nilip e, “Beyo unang tinum migik imi kaal ilak uta do dong daga-e-bala waalanan-nuubip kale minte, beyo fen God imi ulaa dula kamok kesa tinum Krais umdii, yagal ilami kaal ilak uyo do-nalata, at diim uyo talaa kupkaa malaak e tal waalanata, atamum o,” agan-kalip ko.
“God imi suuk kon tem weng uyo bogo-nulu e, ‘Bisel God iyo ulaa nimdula kano, imi ogok boyo kuptamo tebebe-bilita o ageta, nimdala ti-sii kale, ilami Sinik iyo daala tal nimi diim abe-nalata, dong dagane-bala ogok ke-bii ko. Kale God imi bogopne-nala, “Kanupmin ogok kota kanumal o,” age-se uyo kalbu kale, nagal God imi weng tambal boyo usap man bilip imi baga-eman o ageta ko. Nagal unang tinum sok de imosip bilip iyo bogobe-nili kano, “Sok tala-em daalip yuum binim daaginin o,” agelan o ageta ko. Nagal unang tinum tiin biginam unsip bilip iyo bogopmi, “Tiin baamin o,” agelan o ageta ko. Nagal tinum waasi dinan-bom ita ita kesip bilip iyo imkan to-nili e minte, tinum kubagansip ita tala-em daali iluum binim kelin o ageta ko.
God iyo tebe ilami Sinik Tambal iyo Nasaret kayaak Yesus imi dobe-nala e, minte, kuntuk mobe no ke daala tal-bom-nalata, God iyo iso bom-balata, abiip maak maak uyo tiine-bom-nalata, unang tinum iyo telela imka-bom-nala e minte, alugum Saatan tebe ifak dagan unsa iyo telela imka-bom no kem tiinan-bii-se ko.
Kale Yesus imi kalaan tinum bilip iyo tinangku-nilip e, bilip imi fitom binim weng Fita imi baga-e-bilip uyo kupka-nilipta bole, God imi deng uyo tebe-bom bogo-nilip e, “Kanubelu bole, God iyo tebe asit kek kek unang tinum igil mungkup bogobe-nala e, ‘Ipmi aget uyo fupkela ko mitam suun kup nin unang tinum kelin o,’ agan-be o,” age-silip ko.
Tal abiip Antiok tal-nilip e bole, alop iyo Kristen unang tinum iyo afeta ko-nilip e, alugum kanumin kanumin God tebe dong dogobela kanumsip umi sang uyo baga-em unanbu top daa bogobe-nilip e minte, God imi tebe asit kek kek kafalebela Yesus imi ilak dugan-nak-bilip umi sang uyo baga-e-bom no kemip kale,
Nugumal nuubip aga? Niyo Fol nita kale, God ilami aget fugunin uta kup ulaa nimdula Yesus Krais imi kalaan tinum kesi kale, nita suuk kon ko God imi unang tinum abiip Kolosi kutam albip ipmi kwaapmi no tolon-temu kwek iyo nimi tinum Timoti iyo ipmi weng umobe no kela ko. Kale ipmi Krais imi ilak dosip boyo asok kupkasaalip kale, ibo titil fagagan-bilip kale, niyo dagaga-bilita, Aatum God iyo tebe ibo telele-bala ipmi aget tem uyo bilili age-bom-nilipta o ageta ko.
Kale Kamogim Yesus beyo tiin kafan nin umi miit kayaak kale, ibo meng imi miit tem tilipta o ageta kale, beyo am kun ulutap kale, God imi aget fugunin uyo, beyo atin tambaliim felebelu nimi ogok afalik uyo keman-tema kalaa age-nalata, ulaa du-se kuta, kafin diim tinum unang ita am dinan-kalin tinum imi tebe, am kun mafak dingiyong o age kup-kagabip ulutap ke atafinono-nilipta, “Beyo mafak o,” ageta umik ugobe-silip ko.
Kale minte atam-sulup boyo, Aalap God iyo numi Kamogim Yesus Krais imi win uyo ki atin kufobe kupka-nalata bole, ilami dong tambal uyo kobelata, mitam atin yagalami migik kelata, nuyo atamamupta, Bisel God iyo abiil tigiin kutam kal bom-nalata, bogo-nala e, “Ise beyo nalami man kale, bemi aget kup ugaa kwaa-bom-nilita, niyo bemi deng uyo atin migik ke-bomi o,” agan-bom-nalata, weng boyo kwaala malaak Yesus imi diim abe-buluta minte,
Sanasan