Matyu 11:21 - Telefol

²¹ “Korasin kasel so Betsaida kasel so ibaa. Ibo usap manal kuba. Niyo mirakel ko age kuguup ugulumi migik migik uyo ipmi abiip alop kutam kal kanumsi kuta, ibo aget aa bubul aa umaak fupkela kota fengmin boyo kupkasaalip binim ko. Kale niyo no kanupmin kuguup ugulumi migik migik boyo God imi ilak dolin binim imi abiip Taya sino Saidon sino kutam kal kanumsi nimnam, abiip kasel bilip iyo utam-nilipta, ilimi fengmin umi aget uta iluum tebepmuta, ilimi aget iluum umi kuguup uta ku-nilipta, kutap uyo kulu ilimi kaal diim uyo tuko-nilip e minte, ilim mafak uyo migi no ke-nilipta, ton-bom ame-bom-nilipta, ilimi fengmin uyo kupka-silip kuta, niyo no kafalebelita, utamsaalip ko.

Matyu 11:21 Iomraidhean Croise

Matyu 11:22

Kale nimi weng bogobelan-temi koyo kwep aget tem daa fugun-bom-nilipta o ageta kale, afungen tem tolon-temu uyo, God iyo Taya kasel so Saidon kasel sino iyo yege-bom kaal fuyap uyo kupka-eman-tema kuta, ipmi fengmin uyo kupkalin-tem kelip kalaa age-nalata, God imi tebe ipmi kaal fuyap kupka-eman-tema uta kwiin kiim kupka-eman-tema kuba.

Matyu 15:21

Kale Yesus ninggil iyo Juda kasel imi kafin uyo kupkaa daage asit kek kek imi kafin unip kale, asit kek kek bilip imi abiip miton alop umi win uyo Taya e minte Saidon no ko.

Matyu 18:7

Kale kafin diim unang tinum kwiin tagang iyo kafin diim komi mufekmufek umi aget uta kup fugun-bom-nilipta, yang kuguup mafak uyo kem-nuubip kale, God iyo bomi kalan uyo yege-bom-nalata, imi kuguup mafak boyo yan ke-eman-tema kalaa age-nilita, fomtuup i-filin-bii kuba. Kuguup mafak uyo suun kup fen mitam tebe unang tinum imi aget fugunin uyo kufak daapmuta, iyo yang kube fengam-nuubip kuta, tinum dogap ita kuguup mafak kanu-bom-nala ipkumal imi kafalebela min, uget togo bogobela igil mungkup yang kuguup mafak uyo kanumip umdii, God yagal tebe tinum beyo yege-bom bemi ipkumal biinga kulep yang iinemin boyo fomtuup yan ke-eman-tema kale, ibo boyo tele utama-bom-nilipta o ageta ko.

Matyu 26:24

Sugayok uyo God imi suuk kon tem uyo nimi kanube kaanan-temi bomi sang uyo bogosu kale, kamano kogal mungkup bomi sang uyo mitam tuluta, Mo Tibil imi Man niyo nangkolip kaanan-temi kuta, tinum nimi nimkem daalan-tema beyo atin kaal fuyap kup misamanan-tema kale, intaben o ageta ogen uyo beyo do-suu ee?” agela e,

Mak imi tebe Yesus imi sang dola kosa uta ko 3:8

Jerusalam kasel so, Provins Idumea kasel so, yak Ok Jodan milii kasel so, abiip Taya so abiip Saidon so umi mep so so ko nin unang tinum kwiin tagang iyo Yesus imi alugum kuguup kanu-be umi sang uta tinangku-nilip e, dagaa kulep imi finang tilip ko.

Mak imi tebe Yesus imi sang dola kosa uta ko 6:45

Kale kota Yesus ilami okumop man iyo bogobe-nala e, “Nugumal ibaa. Ipsiik tam bot tem uyo tam ton ok muk daang kun diim ilep yak milii abe-nilip e, abiip Betsaida unipta minte, nita unang tinum kalip iyo imdali unipta o,” agela ninggil daaginip e,

Mak imi tebe Yesus imi sang dola kosa uta ko 7:24

Kale Yesus ninggil iyo Juda kasel imi kafin uyo kupkaa daage asit kek kek imi kafin unip kale, asit kek kek bilip imi abiip miton alop umi win uyo Taya e minte Saidon no kale, Yesus imi aget fugunin uyo, tinum iyo maak nitamin-tem kela bantap no kun fungolan o age-nalata, no am maak kutam kal siit ilugola kuta, dogobeta waan-nama binim kale,

Mak imi tebe Yesus imi sang dola kosa uta ko 7:31

Kale kota Yesus iyo asok abiip Taya uyo kupka-nala e, daage no abiip Saidon tono, daage yang Distrik Dekapolis umi iip ku-tele ilo ko daage tal Galili Ok Muk tal tama e,

Mak imi tebe Yesus imi sang dola kosa uta ko 8:22

Kale Yesus ninggil iyo daage no abiip Betsaida ko no tamip e, abiip kasel iyo tinum maak tiin bigibesu iyo dep tal Yesus imi bogobe-nilip e, “Tinum keyo kapmi sagaal umaak togobelapta, imi tiin uyo tambalanepmuk o,” agelip e,

Luk imi tebe Yesus imi sang dola kosa uta ko 4:26

God iyo Elaija iyo daala talta maak dong daga-e-biisaala kale, daala te kafin migik no abiip miton Saidon umi abiip tung Sarefat kutam umi unang kaluun maagup uta kup dong dogobe-se ko.

Luk imi tebe Yesus imi sang dola kosa uta ko 6:17

Yesus iyo amdu tigiin ilota tinum tuluun kal sino ninggil dagaa kulep daak bagan biil unip e, imi okumop man kwiin tagang iyo tala tala kelip e, (Yesus iyo tam mo-nala e, weng baga-ema) ko. Kale unang tinum kwiin tagang angge kobip bilip iyo Provins Yuudiya umi abiip maak maak kasel sino abiip miton Jerusalam kasel so e minte yol ok diim abiip alop Taya sino Saidon sino umi kasel no kale,

Luk imi tebe Yesus imi sang dola kosa uta ko 9:10

Kale Yesus imi kalaan tinum iyo asok tal-nilip e, Yesus iyo bogobe-nilip e, “Kamogim kabaa. Alugum mufekmufek uyo telela tulup o,” agelip ko. Tam Yesus ilami kalaan tinum iyo kulep-nala e, ipkumal unang tinum iyo imka-nala e, unanbu no abiip Betsaida unip kale,

Jon imi tebe Yesus imi sang dola kosa uta ko 1:44

Filip iyo Betsaida kayaak kale, abiip afalik boyo Andru so Fita so imi abiip uta ko.

Jon imi tebe Yesus imi sang dola kosa uta ko 12:21

Kale Grik tinum bilip iyo tal Provins Galili umi abiip Betsaida kayaak Filip imi daga-nilip e, “Kabaa. Ninggil nuyo, Yesus be atamum o agan-bulup o,” agelip ko.

Aposel 12:20

Kale yak Taya kasel so Saidon kasel so bilip iyo King Herot imi kafin tiin mosa kugol iman uyo mo-nilipta, kulep talan-nuubip kale, am maak daanu e, Herot iyo bilip imi olsak kobela e, utam-nilipta, aget fuguno-nilip e, “Kanu-be boyo nuyo bogobe-nala e, ‘Ibo tal numi iman boyo saanin ba o,’ agelan-tema tap o,” age-nilipta, tala tala ke afeta-nilip e, tal king imi am tiin molin tinum Blastus iyo kuguup tambal uyo kobe bogobe-nilip e, “Nugum kabo dong daga-e-balapta, king so waasi kebina tala ke-bulup boyo kupkalum o,” agan-kalip kale,

Aposel 27:3

daage no iip kugol sulup nala e, no abiip Saidon no tamup e, Julius iyo Fol iyo kuguup tambal kobe bogobe-nala e, “Tambaliim kale, kabo sip tem uyo kupkaa no kalapmi duup iyo itamapta, tambaliim tiin molip saalta o,” agela e,

Jut imi suuk kon dola kosa uta ko 1:11

boyo ki God iyo atin kaal fuyap afalik uyo bilip iyo kobelan-tema kale, bomi magam uyo, bilip iyo Kein imi siin kuguup kanumsa ulutap uyo ke-bom-nilip e, siin Balam imi mani kwaamin umi aget kup ugaa kwaaga-bom kuguup mafak ke-bii-se ulutap uyo ke-bom-nilip e minte, siin Kora imi tebe, God imi weng tinangkulaali o agan-bii-se ulutap ke-bom no kem-nuubip kale, mungkup God iyo tebe siin Kora angkola kaan-se ulutap ke-nala e, tinum bilip iyo fogola binimanan-temip ko.

Revelesen 11:3

God iyo bogo-nala e, ‘Nimi tinum alop maak imdali tolon-temip bilip iyo nimi profet ko age nimi weng kem baga-emin tinum kale, bilip iyo nimi win tolop diim no, unang tinum imi kaal fuyap kulan-temip umi sang uta baga-e-bulupta, imi aget uyo fupkela ko fengmin uyo kupkalin o age-nilipta, no baga-e-bii, am ulumi kup 1,260 ko age atol asuno e minte atuk no kota dakan kelan-temip kale, bota alop bilip iyo aget iluum kiim ku-nilipta, tol fagan-bii tolon-temip o,’ agela o,” age ensel iyo bogopnela ko.

Revelesen 6:12

Kale Sipsip Man iyo God imi at dan fukosa uyo aa mungkup bugup koyo tagaa kupkan ke-nala e, suuk kon umi atuk katip uyo maak so bim tiila kola e, kota bim kiim maak mitam tulu e, ataan ugol teno miliil mo ilim iim ulutap kelu e minte, kayop tiim ugol mungkup kenamin binim ke no ke-nulu e, isak ulutap kelu ko.