mafak ilin umosip iyo telela imka-bom-nilip e minte, kaanip iyo asok ifolip fena-bilip e minte, kaal mafak kesip iyo telela imka-bom-nilip e minte, sinik mafak iyo fot tebelip unang tinum iyo imkaa yak iine-bilip no kemin o ageta kale, siin uyo God iyo ibo misiim telela imola mitam imi ilak uyo dobip kale, ipkil mungkup ipkumal iyo misiim telela imka-bilipta o ageta ko.
Matyu 10:7 - Telefol7 Kale ibo no abiip kasel imi diim unon-temip uyo, bogobe-nilip e, ‘God imi unang tinum imdep tam ilami daam tem daagamin uyo tal mep tulu o,’ age-nilip e minte, Faic an caibideil |
Matyu 10:7
19 Iomraidhean Croise
“Kale kota niyo weng maak dagalan-temi kale, tinangku-silipta. Man alop bilip iyo niing ita bele, fik ita ilimi aalap weng uyo tinangku-se o?” agela e, tam kamogimal isiik bogobe-nilip e, “Fik ita aalap imi weng uyo tinangku-se o,” agelip e, Yesus iyo bogobela ko. “Nimi weng kaa bogopman-temi koyo tele tinangku-silipta. Unang tinum mafak iyo fik imi kanube-se kulutap kelan-temip boyo ki, takis mani kwaamin tinum mafak sino minte sa dagamin unang sino iyo ilimi aget uyo fupkela ko-nilipta, ita ita kelipta, kamogimal ipta kubaganipta, yuut mitam God imi daam tem e tolon-temip kale minte, ipde a? Ibo mitam God imi daam tem e tolon-temip bele ki?
Ibo nimi weng kaa bogolan-temi koyo tele tolong do-silipta. Siin uyo God iyo Juda kasel ipmi win uyo, ‘Nimi unang tinum o,’ age-nalata, imdep mitam nalami daam tem daalan o agan-bii-se kuta, kamano koyo God iyo utamata, ibo umik ugopnelip kalaa age-nalata, God isiik ibo umik ugobe-nalata, yak unang tinum asit kek kek ita ulu-nalata, bogobe-nala e, ‘Ibo dital fagaa nimi weng uyo tinangku waafulip umdii, nisiik ibo imdep mitam nalami daam tem daalan-temi o,’ agan-be ko.
Kale Yesus iyo asok ulo utamsip tinum sino Falosi sino imi bogobe-nala e, “Ulo utamsip tinum sino Falosi sino ibaa. Tinangkulin. Ibo bisop bagamin kuguup uta waafulin tinum kale, unang tinum iyo, mitam God imi daam tem tulum o agelip uyo, ibo bogobe-nilip kano, ‘Kamaki uyo numi weng kem kwiin tagang kosiik waafu-nilipta o,’ agan-nuubip kale, ibo kanu-bilipta, iyo bong faga-bom-nilipta, iip maak maak ita kup mitam God imi daam tem uyo e talan-nuubip ko. Ibo ipkil tam God imi daam tem uyo unin-tem ke-bom-nilipta kale, ipkil tebe unang tinum, tam God imi daam tem unum o agan-bilip imi ilep uyo ugaa kwaaga-em-nuubip kale, son-temu uyo, bomi kalan uta God iyo tebe ibo kaal fuyap uyo kupka-eman-tema kale, tele utama-bom-nilipta o ageta ko.
Kota Yesus iyo God imi weng uyo kufo-nala e, unang tinum iyo baga-bom-nala e, bogopma, “God imi tebe unang tinum imi imdep mitam ilami daam tem daa tiin molan-tema uyo mep tulu kale, (ibo, God iyo numi fengam-nuubup uyo im-kuguman-tema kalaa age-nilipta,) ipmi fengamin uyo kupkaa ipmi aget uyo fupkela ko-nilipta o,” age baga-ema ko.
“Sugamiyok uyo Moses iyo God imi ulo kwep daasa uyo dola kola e minte, God imi profet ko age weng kem baga-emin tinum igil God imi weng dola ko no kelip e, God iyo unang tinum imi bogobe-nala e, ‘Nimi weng boyo alugum fomtuup kubaget daa-nilip waafulin o,’ agela igil waafu-bom-nilip e, man iyo ilop daaga-bilip tam tam tebesuta, ok sam uga-emin tinum Jon Baptis iyo ti-se ko. Kuta kamano kota Jon so nimi okumop man isino minte nagal no ninggil nuyo unang tinum iyo baga-e-bom-nulup e, ‘Ibo ipmi aget uyo fupkela kolipta, God yagal ipmi ilim uyo bo-nalata, imdep meng ilami daam tem daalak o,’ age ninggil nuyo baga-e-bulupta, unang tinum kwiin tagang iyo fomtuup, meng God imi daam tem e tulum o age-nilipta, ilek ilek mitam talan-bilip ko.
Yesus iyo tinum bemi weng uyo yan kebe-nala e, “Waago. Kabo unemin ba kale, kupkaa meng nimi okumop man ke-nalapta o ageta ko. Tinum dok ita, nimi daang begepnelaalup o agan-bilip ita felepmuta, ipkumal kaanip iyo imdep no imamin kale minte, kabo no unang tinum bogobe-nalapta, ‘God imi ilak do-nilipta, mitam God imi daam tem mitam-nilipta, suun nin unang tinum kelin o,’ age baga-em tiinemal o,” age tinum bemi baga-ema ko.
tinum beyo mililep kota tal Yesus imi bogobe-nala e, “God imi weng kafalemin kabaa. God iyo tinum imi diim albaala uyo, kapmi mirakel ko age kuguup ugulumi migik tambal ko kanum-nuubap kulutap uyo kanum-nama binim kale, boyo nugol katamsup kale, God iyo kamdala tal imi weng uyo kafalem tebesap o,” agela e minte,
finanin binim, titil fagaa unang tinum no God imi daam tem unip imi tiin momin umi sang uyo unang tinum imi baga-e-bom-nala e minte, Kamogim Yesus Krais imi sang uyo kem baga-e-bom-nala e, kafale-bom no ke-bii-se kale; Rom kasel iyo maak tebe-nilipta, fegelebelip kupkasaala ko. Kale Luk nimi weng uyo tii ko.
Sanasan