Luk imi tebe Yesus imi sang dola kosa uta ko 9:43 - Telefol

⁴³ Kale unang tinum iyo utamipta e, God imi titil atin afaligen uyo Yesus imi kobelata, boyo kanubela kalaa age-nilipta, atin kumang mo una tala kelip ko. Unang tinum iyo Yesus imi titil ko kanubela bomi aget uyo kwiin tagang fugun-bilipta, Yesus iyo ilami okumop man imi bogobela ko.

Luk imi tebe Yesus imi sang dola kosa uta ko 9:43 Iomraidhean Croise

Matyu 17:22

Kale Yesus imi okumop man ninggil iyo alugum no Provins Galili kutam kal afetalip e, Yesus iyo bogobe-nala e, “Ibaa. Mep so kota tinum maak tebe-nilip Mo Tibil imi Man niyo nimdalip yak waasi imi sagaal diim abelita,

Mak imi tebe Yesus imi sang dola kosa uta ko 6:51

daage ilimi finang tam bot tem uyo tam tama e, dulul uyo binimanu ko. Kale ninggil imi aget fugunin uyo dogobeta yuut bam daata Yesus beyo dogonupmin titil uta ku-bomta kanu-be kalaa agan-nuubaalip binim kale, tam kamaki uyo ninggil iyo utamipta, Yesus iyo bret katip uyo unang tinum kwiin tagang iyo togobela unan-bii tii kelip kalaa agebip kuta, Yesus beyo dogonupmin tinum kalaa age bam daalin-tem ke-nilip e minte, aaltam kogal mungkup ninggil iyo utamipta, Yesus beyo ok daang kun diim ilep talan-be kalaa agelip kuta, beyo dogonupmin tinum kalaa agelin-tem ke no ke-nilipta, atin kumang molip ko.

Luk imi tebe Yesus imi sang dola kosa uta ko 18:43

Kota maak fagaa tinum tiin mafak imi tiin uyo tambalanebelu e bole, Yesus isino tiine-bom-nala e, God iyo, “Misam o,” agan-kala ko. Kale unang tinum iyo alugum utamipta e, Yesus tebe tinum tiin mafak iyo telela dola kalaa age-nilip e, God imi win uyo kufu-e-bom deng tebemip ko.

Luk imi tebe Yesus imi sang dola kosa uta ko 4:36

unang tinum iyo alugum kumang mo-nilip e, ipkumal migik iyo daga una tala ke-bom bogo-nilip e, “Ko dogonupmin weng bogola a? Bemi titil uta tii kale, sinik mafak bilip iyo fomtuup bogobe-nala e, ‘Yak iinin o,’ agelata, yak iinan-bilip kuba,” agelip ko.

Luk imi tebe Yesus imi sang dola kosa uta ko 5:26

kota alugum unang tinum iyo kumang mo finano bogolip ko. “Sugayok uyo kanupmin kuguup umaak utaman-nuubaalup kale, kamano kota kanupmin kuguup boyo Yesus iyo kafalepma utamup o,” age-nilip e, God imi win uyo kufu-emip ko.

Luk imi tebe Yesus imi sang dola kosa uta ko 5:9

Kale Saimon ninggil iyo tam bot maak tem ton-bom-bilip e minte, Saimon imi ipkumal maak iyo yak bot maak tem ton-bom no kelip kale, ipkumal maak iyo Sebedi man alop Jems so Jon so kale, alugum iyo aniing baan kiim uyo utam-nilip e, kumang molip e, tam Yesus iyo Saimon imi bogobe-nala e, “Finanin ba. Siin am kaa daan tebesu uyo, aniing abum-nuubap kale minte, am kaa daanu koyo, tinum ita afeta imdep meng God imi miit tem toman-temap o,” agela ko.

Luk imi tebe Yesus imi sang dola kosa uta ko 8:25

Kota Yesus iyo imi okumop man imi bogobe-nala e, “Ibo nitamta, Kamogim bemi nuso alba boyo kaal binim kalaa nagebaalip aga? Intaben o ageta dulul sino ok sino bomi atul uyo finan-bilip o?” agela e, kota ninggil iyo Yesus imi atul finano-nilip e, kumang muuna tala ke-bom-nilip e, bogolip ko. “Keyo dogonupmin tinum ita tebe-nalata, weng uta kup bagam-salata, dulul so ok sino uyo imi weng uta kup tinangku-nuluta, binimanu o?” agan-kalip ko.

Luk imi tebe Yesus imi sang dola kosa uta ko 9:42

Man tinum beyo ilami aalap sino ulim tal Yesus mep so tal-bilipta bole, sinik mafak uyo tebe-nulu e, man tinum iyo fomtuup bagaa daalu daak kafin diim abela e, fomtuup dupku saan-bii dupkalu ko. Yesus iyo sinik mafak uyo un-togon-bom-nala e, bogola ko. “Sinik mafak kubo yak iinaal o,” agela man iyo dupkaa yak iinuta bole, Yesus iyo tebe man tinum iyo telela do-nala e, asok ilami aalap dobela ko.

2 Fita 1:16

Kale Kamogim Yesus Krais imi kalaan tinum nuyo Kamogim imi titil sang so imi son-temu nala asok tal kafin diim e tolon-tema umi sang so uyo baga-e-bulup utamsip kuta, Krais imi sang boyo, nuyo utamsip tinum migik ilimi aget fugunin sang uta daam ku-nulupta, ibo kupka-em-nuubaalup kale, nulumi tiin fala atamupta, Krais iyo God imi titil uyo ku mitam kamok kesa kalaa age-nulupta, bomi sang uta ibo baga-em tebesup ko.