Luk imi tebe Yesus imi sang dola kosa uta ko 9:28 - Telefol

²⁸ Yesus iyo weng boyo baga-e-bii kupka-nala e, bom-bala bii, am ifaan kal umaak binimanu e, kota Yesus iyo, God imi beten keman o age-nala e, Fita sino Jon sino Jems sino ninggil iyo imtamo unanbu no amdu tigiin maak tam unip ko.

Luk imi tebe Yesus imi sang dola kosa uta ko 9:28 Iomraidhean Croise

Matyu 14:23

yagal bom-nala e, unang tinum iyo imdala daagina tala kelip e, yagal ilasinon, God imi beten ke-eman o age-nalata, daage tam amdu tigiin kal beten ke-bom bom-bala bii, kwiinu ko.

Matyu 5:1

Yesus iyo itamata e, unang tinum kwiin tagang iyo tal afetalip kalaa age-nala e, tam amdu tigiin uyo tam-nala e, daak tona e minte, ilami okumop man kwiin tagang iyo tal imi mep so kugol ton no kelip e,

Mak imi tebe Yesus imi sang dola kosa uta ko 1:35

Kale tam am daan daan ti-sulu e, kota Yesus iyo fen tam abe no tinum binim iibaan kugol God iyo aman duga-ema ko.

Mak imi tebe Yesus imi sang dola kosa uta ko 6:46

kota yagal tam unang tinum iyo bogobela daaginip e, yagal yak abe amdu tigiin maak tam-nala e, God iyo aman duga-ema ko.

Luk imi tebe Yesus imi sang dola kosa uta ko 3:21

Jon iyo sok de dolin-tem bom-silipta, unang tinum kwiin tagang iyo alugum tal Jon imi diim tamip e; Jon ita ok sam uga-e-bom bom-balata, Yesus iyo aaltam tal atam-nala e; Jon imi bogobe-nala e, “Ok sam ugopne o,” agelata; Jon iyo tebe Yesus ok sam ugobelata, Yesus iyo beten kem-salata, abiil tigiin uyo tem kalo kolu e,

Luk imi tebe Yesus imi sang dola kosa uta ko 5:16

biliip maak uyo Yesus iyo imkaa no iibaan uyo no ilami Aalap God imi beten kem-nuuba ko.

Luk imi tebe Yesus imi sang dola kosa uta ko 6:12

Kale kota Yesus iyo daage beten kem tam amdu tigiin kal God imi aman duga-e-bom seta,

Luk imi tebe Yesus imi sang dola kosa uta ko 8:51

Yesus iyo no Jairus imi am mep so no-nala e, unang tinum iso tilip iyo bogobe-nala e, “Ibo nisino tam am uyo tam unemin ba o,” age-nala e, tam Fita so Jon so Jems so man ulumi ogen aalap isino ita kup Yesus iyo kulep tam am uyo tam una e,

Luk imi tebe Yesus imi sang dola kosa uta ko 9:18

Kale am maak daanu e, Yesus iyo ilasinon bom beten ke-balata, imi okumop man iyo tilip kale, Yesus iyo daga-nala e, “Unang tinum iyo, ‘Beyo waanta o?’ nagan-bilip o?” age imi okumop man dagala e,

Jon imi tebe Yesus imi sang dola kosa uta ko 6:3

Kale Juda kasel imi iman tigimin am ko age Pasova ifin am uyo mep so ti-suluta, Yesus iyo tam muk kun maak tam-nala e, imi okumop man so ton-bomta

2 Korin 13:1

Niyo no ibo itam tal tal bii ilep alop faga-sii kale, kamano koyo asok maak no itaman o agan-bii kale, ipmi finang no tolon-temi uyo, niyo God imi suuk kon tem umi weng bogo-nulu, “Kabo tinum fenga ko tal kapmi diim kot keman-tema uyo, utamapta, tinum maaksinon ba kale, tinum alop min, asuno min iyo bogo-nilip, ‘Bole aafen fenga koba o,’ age weng uyo maagup bogolip kalaa agelap umdii, bota tinangku-nalapta, weng uyo telelamin o,” agesu kota waafu-nilita, tal yega dopman-temi kale, tele utama-bom-nilipta o ageta ko.

Hibru 5:7

Kale siin uyo Yesus imi kafin diim tinum ke-bii-se kota, God iyo fomtuup aman duga-e-bilita, yagal tebe dong dogopne-nalata, kaanan-temi umi ilep boyo tagaa nimkan kelak o age-nalata, fomtuup aman duga-e-bom ame-bom ke-bom-nala e, ilami aget fugunin uyo kupka-nala e, God imi afak tem iinata, kanubela kalaa age-nalata, God iyo imi beten ke-be boyo tinangkusa ko.

2 Fita 1:16

Kale Kamogim Yesus Krais imi kalaan tinum nuyo Kamogim imi titil sang so imi son-temu nala asok tal kafin diim e tolon-tema umi sang so uyo baga-e-bulup utamsip kuta, Krais imi sang boyo, nuyo utamsip tinum migik ilimi aget fugunin sang uta daam ku-nulupta, ibo kupka-em-nuubaalup kale, nulumi tiin fala atamupta, Krais iyo God imi titil uyo ku mitam kamok kesa kalaa age-nulupta, bomi sang uta ibo baga-em tebesup ko.