Luk imi tebe Yesus imi sang dola kosa uta ko 8:44 - Telefol

⁴⁴ unang tinum kwiin tagang iyo imdep kega kega ke-nulu e, tal Yesus imi mep so umik tem ko mo-nulu e, aget fugunoluta, iyo telela namola tambalanan-temi kalaa age-nulu e, umi sagaal uyo maagalo kwep yak Yesus imi ilim magaang uyo melebelu e bole, umi mafak ilin uyo yuut binimanepmu ko.

Luk imi tebe Yesus imi sang dola kosa uta ko 8:44 Iomraidhean Croise

Matyu 20:34

Yesus iyo alop iyo i-filin daa-nala e, yak imi tiin uyo melebela e, maak fagaa alop imi tiin uyo tambalanepmu e bole, Yesus imi ilak uyo dolip e, isino unip ko.

Matyu 8:3

Yesus imi sagaal uyo kwep yak tinum bemi kaal diim uyo daa bogobe-nala e, “Aa. Niyo dong dogopkelan o ageta kale, kaa telela kamoli tambalanap o,” agela e, kota tinum bemi kaal mafak uyo maak fagaa binimanepmu tinum kasagim kela e,

Matyu 9:20

Minte tam unang maak albu boyo suun kup ulumi am tem unemin kup nuubuta, atol tuluun kal kelu kale, boyo tal Yesus imi umik tem kugol talan-bom-nulu e, aget fugunolu ko. “Niyo yak Yesus imi umik tem ilim kaal bota kup maagalo yak waafulita, telela namola tambalanan o,” age aget fuguno-nulu e, umi sagaal uyo maagalo kwep yak Yesus imi ilim mibiyaang uta kup melebelu e,

Mak imi tebe Yesus imi sang dola kosa uta ko 6:56

Kale Yesus imi tiinan-be uyo, abiip bisel tono, abiip katip tono, ilanggiip am tono kem tiine-balata, unang tinum iyo ipkumal mafak ilin iyo kulep mitam abiip mat ku to-bii kupkaa Yesus imi fomtuup daga-nilip e, “Kamogim kabaa. Kabo imkalapta, igil kapmi ilim umi magaang uta kup melebelipta, telela imolap tambalanan-temip o,” agelip e, Yesus iyo, “O,” agelata, unang tinum waantap ita yak Yesus imi ilim magaang melepmip iyo tambalanamip ko.

Luk imi tebe Yesus imi sang dola kosa uta ko 13:13

imi sagaal uyo kwep yak unang bomi dubom diim daala e, maak fagaa tol kup mo-nulu e, God imi deng uyo tebe-bom-nulu e, imi win kufu-emu ko.

Luk imi tebe Yesus imi sang dola kosa uta ko 7:38

Tal Yesus imi miit tem mep so kugol katuun duung fegela daak ton-nulu e, agol kup amemu e, umi tiin ak singkam daa te daak Yesus yaan diim abelu e, uyo ulumi dubom kon timitim uta kulu Yesus yaan diim tiin ak daak abelu uyo tolobe-nulu e, king win kufu-emin kuguup uta ku Yesus imi yaan uyo fiil buube-bom-nulu e, “Suguul o. Nimi Kamogim o,” agan-bom-nulu e, kota tang tambal kuunin ok umdii sing daa kwaapmu daak Yesus imi yaan diim abemu ko.

Luk imi tebe Yesus imi sang dola kosa uta ko 8:43

bilip imi iibak tem kwek uyo unang maak albu boyo suun kup ulumi am tem unemin kup nuubuta, tam daage no dokta kwiin tagang iyo saan-bulu dong daga-em-nuubip kuta, tinum maak tebe-nalata, umi mafak ilin boyo telela ko-nama binim kale, atol tuluun kal kesuta bole,

Luk imi tebe Yesus imi sang dola kosa uta ko 8:45

Yesus iyo bogo-nala e, “Waantap ita melepnela o?” agela e, alugum iyo bogo-nilip e, “Naga ba o,” agela agela kelip e, Fita iyo bogobe-nala e, “Kamogim kabaa. Unang tinum kwiin tagang iyo mo-nilip e, kamdep iibak tem daa de kamobip koyo, intaben o ageta boyo bogolap o?” agela e,

Jon imi tebe Yesus imi sang dola kosa uta ko 5:13

iyo bogobela, “Tinum unang kwiin tagang iyo une-bom tele-bom ke-bilip e, tinum beyo imi kanu-bilip tem ku-tele maagalo unata kale, atamta, waantap ita kalaa agelaali o,” agela ko.

Aposel 19:12

unang tinum iyo tal Fol imi ifak talamin ilim min, ogok ke-bom migimin ilim uyo kulep no unang tinum mafak ilin imi kaal diim tobelipta, mafak ilin uyo binim ke-e-bulu e minte, sinik mafak iyo imkaa yak iine-bom no kemip ko.

Aposel 5:15

Kale unang tinum iyo ipkumal mafak umkan unsip iyo kulep mitam abiip kugol kulep daak abiin kon diim to-nilip e minte, ilet tem to no kelip kale, imi aget fugunin uyo, Fita imi tolon-tema uyo, tal mafak umkan unsip iyo sagaal togobe beten kepma tambalanan-temip maak, minte tiine-balata, ataan uyo kek kwaalu yak Fita imi diim abelu tiine-balata, sinik uyo yak mafak umkan unsip imi kaal diim abeluta, tambalanin o ageta kulep mitam fagagamsip ko.