Luk imi tebe Yesus imi sang dola kosa uta ko 7:49 - Telefol

⁴⁹ kek kek tonan unbip iyo bogobina tala ke-bom-nilip e, bogolip, “Beyo dogonupmin tinum ita, ‘Fengmin uyo kupkapmi o,’ agan-be tinum o?” agan-bilip e minte,

Luk imi tebe Yesus imi sang dola kosa uta ko 7:49 Iomraidhean Croise

Matyu 9:10

Kale Yesus ninggil isino niso ninggil nuyo ofis uyo kupkaa no nimi am kal iman unan-bulup e, tam takis mani kwaamin tinum kwiin tagang sino minte kuguup mafak waafulin unang tinum migik sino iyo tala tala ke-nilip e, tam Yesus sino imi okumop man sino tonip iman unan-kulup ko.

Matyu 9:3

Kale kota ulo utamsip tinum iip maak maak iyo tinangku-nilip e, ipkumal iyo bogobina tala kemip ko. “Tam kafin diim tinum keyo bisop bogo, ‘God imi ogok kemi o,’ agan-bom-nalata, God imi win uyo kufak daga-e-be o,” agelip ko.

Mak imi tebe Yesus imi sang dola kosa uta ko 2:7

“Intaben o ageta tinum beyo weng boyo baga-bom God imi win uyo kufak daga-e-be a? Kafin diim tinum iyo maak tebe-nalata, unang tinum imi fengmin uyo kupkan kebe-nama binim kale, God maagup ita kup tii unang tinum imi fengmin uyo kupkan kebela biniman-numu o,” agan-kalip ko.