Luk imi tebe Yesus imi sang dola kosa uta ko 7:47 - Telefol

⁴⁷ Kanubelu kale, tinangku-salapta, bogopkelan o ageta ko. Unang koyo utamuta e, niyo kuguup mafak uyo kanum-nuubi kalaa age-nulu e, Yesus beyo nimi yuum afek uyo takan kepneba kalaa age-nuluta, boyo nimi aget afek kopne-nuluta, kanupmin boyo kanupnelu ko. Kuta kanube tinum iyo maak aget fugunolata, yuum katip ke-bii ko agela umdii, kupkabelan-temi kuta, kanupmin tinum beyo nimi aget katip dopnelan-tema o,” age Yesus iyo Saimon ilami sang uyo bogobela ko.

Luk imi tebe Yesus imi sang dola kosa uta ko 7:47 Iomraidhean Croise

Matyu 10:37

“Tinum iyo dogap ita ilami aalap so ogen so imi aget kup ugel kala-nala nimi aget uyo katip kopnela umdii, beyo fen bagang-kale te tam nimi okumop man iyo ke-nama binim e minte, aa mungkup tinum iyo dogap ita ilami man tinum min, man unang min imi aget kup ugel kala-nala nimi aget uyo katip kopnela umdii, beyo fen bagang-kale te tam nimi okumop man iyo ke no kelan-temaala ko.

Luk imi tebe Yesus imi sang dola kosa uta ko 7:39

Falosi imi Yesus bogobe-nala, “Talapta, iman unelum o,” ageba iyo unang umi kanupmin kuguup boyo utam-nalata, yagal aget fuguna ko. “Kanupmin unang boyo sa dagamin unang kale, tinum keyo aafen God imi weng kem baga-emin tinum iyo maak nimnam, yagal utamata, dogonupmin unang uta melepne-bo kalaa agan-be kuta, utabaala o,” agela ko.

Luk imi tebe Yesus imi sang dola kosa uta ko 7:46

Kabo numi kuguup uyo waafuu oliv dum umi tugul ok uyo ku nimi dubom uyo tolop-namin-tem kale minte, unang kota tang tambal kuunin ok uyo ku nimi yaan uyo tolopnelu ko.

Luk imi tebe Yesus imi sang dola kosa uta ko 7:48

Kale kota Yesus iyo unang umi bogopma, “Niyo dam weng bogop-kaman-temi kale, kupmi fengmin boyo kupkapkeli o,” agela e,

Aposel 5:31

God iyo dufo dep iit nalami sagaal ipkuk diim umi mep so daalita, Yesus iyo kamok miton ke Israel kasel iyo dong dogobela aget fupkela kolip imi fengmin uyo kupkapmi binimanuk o ageta, dep ku daa-se kale, beyo numi Kamogim e minte numi dong dogobela fengmin umi kupkaa waalanan-temup no ita ko.

Fol tebe Rom kutam imi suuk kon dola kobesa uta ko 5:20

Kale nuubu nala e, tam God iyo, fengmin uyo kemanuk o age-nalata, ulo uyo kobela e, unang tinum iyo ulo uyo ilo kupka-bom-nilip e, fengmin kiim uyo kemsip kuta, God iyo utam-nalata, atin i-filinin kuguup kwiin kiim uta kobe-se kale, imi i-filin daa-se bota tebe bilip imi fengmin uyo kubaganu kupkaa uta uta ke-suu kale,

2 Korin 5:14

nuyo utamupta e, Krais iyo nuyo i-filin daa-se kalaa age-nulupta, bota imi ogok uyo kem tebesup kale, numi utabup uyo, tinum maagup Yesus Krais beta tebe alugum numi abiin uyo ku-nalata, kaan-se kalaa age-nulupta, utamupta e, bemi kaan-se kwek uyo, alugum numi fengmin uyo mo-nulup kaanabup ulutap ke-nalata, kaan-se kalaa agan-bulup kale,

Galesia 5:6

Kale kanube tinum iyo Yesus Krais imi diim kal febala uyo, kaal ukan kemin bota tebeta, dong dogopman-temaalu e minte, kaal ukan kemin binim ugol mungkup dong dogopman-temaalu no ko. Ale kanube tinum iyo Yesus Krais imi ilak uta do-nala ipkumal unang tinum migik iyo inal o agan-kala umdii, kanupmin kuguup bota tebe-nuluta, beyo dong dogopman-temu ko.

Efesis 6:24

ipso e minte alugum unang tinum dok ita suun kup numi Kamogim Yesus Krais imi aget kup ugel kalasip sino ibo God iyo tebe telele-bom tiin mola tambaliim kup bom-bilipta o ageta ko.

Filipai 1:9

Kale nimi suun beten ke-em tebesi uyo kulbu kale, beten ke-e-bilita, ipmi ipkumal aget kupka-emin uyo senga-bulu e, tele dagaa ku-nilip e, kupkek kupkek ke-bom-nilip e,

1 Timoti 1:14

kuguup tambal uta kup misiim kopne dong dogopnelata, Yesus Krais ilami aget uyo kobe ilami ilak uyo do-sii ko.

1 Jon 1:7

Ale minte kanube nuyo God imi ilagenin diim alba kulutap ke-bom kanumin kanumin kuguup tambal waafulup umdii, alugum nuyo negal kabelal maagup ke-bulupta bole, God imi man Yesus imi kaana isak singkam daa-suu uyo tebe numi fengmin uyo alugum takan ke-e-buluta, balkat age tambaliim nan-temup ko.

1 Jon 3:18

Numi mulup tan ibe. Numi nugumal iyo aget kobelup ko age bisop weng uta kup baga-emin ba e minte, bon uta kup tagamin ba no kale, numi aget aa bubul aa uyo ki i-filin daa-nulupta, numi nugumal bilip iyo ki inal o age telele-bom dong daga-emum o ageta ko.

1 Jon 4:19

Kamaki sugayok uyo God iyo numi aget uyo kobesa kale, bota kamano koyo nugol mungkup imi aget uyo kobe-sulup no ko.

1 Jon 5:3

Kale kanube God imi weng kwep daasa uyo waafulup umdii, bota kek kek iyo kafalepmuta, numi God imi aget kobe-sulup uyo kulbu kalaa agelan-temip kale, God imi man kebe-sulup nuyo Yesus imi ilak dolupta, imi om kun uyo numi diim abelu imkalata, nuta nuta ke kafin diim komi kuguup mafak uyo kubaganu kupkaa nuta nuta ke-nulupta, God imi weng kwep daasa uyo bong fagamin binim, abo dulu-sulup ko.