Luk imi tebe Yesus imi sang dola kosa uta ko 7:44 - Telefol

⁴⁴ fupkela kek fen unang uyo kul dil fagaa kobe-nala e, Saimon imi bogopma, “Kabo unang koyo kagal utamap aga? Niyo mitam kapmi am e tili kuta, kabo numi kuguup uyo waafuu kapmi ogok kemin tinum iyo daalap talta ok umaak kuta nimi yaan uyo diing daap-namin-tem kale minte, unang kota ulumi tiin ak uta kuluta nimi yaan koyo diing daapne-nulu e minte, ulumi dubom kon timitim uta kulu nimi yaan diim tiin ak uyo tolopne no kelu ko.

Luk imi tebe Yesus imi sang dola kosa uta ko 7:44 Iomraidhean Croise

Luk imi tebe Yesus imi sang dola kosa uta ko 7:38

Tal Yesus imi miit tem mep so kugol katuun duung fegela daak ton-nulu e, agol kup amemu e, umi tiin ak singkam daa te daak Yesus yaan diim abelu e, uyo ulumi dubom kon timitim uta kulu Yesus yaan diim tiin ak daak abelu uyo tolobe-nulu e, king win kufu-emin kuguup uta ku Yesus imi yaan uyo fiil buube-bom-nulu e, “Suguul o. Nimi Kamogim o,” agan-bom-nulu e, kota tang tambal kuunin ok umdii sing daa kwaapmu daak Yesus imi yaan diim abemu ko.

Luk imi tebe Yesus imi sang dola kosa uta ko 7:43

Saimon isiik bogopma, “Nimi aget fugun-bii uyo, tinum bemi yuum afek molin-tem kela mani tiin molin tinum tebe kupkabela tinum beta mani tiin molin tinum bemi aget kup kopma kalaa agan-bii o,” agela e minte, Yesus iyo imi bogopma, “Kota kapmi aget fugunin uyo tol kepkelu o,” age-nala e,

Jon imi tebe Yesus imi sang dola kosa uta ko 13:5

ok maak sang daa kwaala daak dis tem unuta bole, imi okumop man imi yaan diim tol so albip iyo diing daabe-nala e, tagol ku tala-em tam tam tal

1 Timoti 5:10

ogok tambal tambal ke-bom win so ke no ke-suu kalaa age-nalapta, kabo kanupmin unang bilip imi win uta kup dole-bii ko-nalapta, ibo tiin molin o ageta kale, ogok tambal tambal kem tebesu boyo ki kamaki kutop uyo ulumi man iyo tambaliim kup tiin mo-bom-nulu e, fital tilip iyo tiin mo-bom-nulu e, Kristen iyo telele-bom-nulu e, unang tinum aget iluum ku-bom albip iyo dong daga-e-bom-nulu e, ogok migik migik tambal tambal uyo ke-bom no kemin unang bilip imi win uta kup dole-bii ko-nalapta o ageta ko.

Jems 2:6

Kuta ibo tebe ipkumal mufekmufek bulup man iyo kuguup mafak kobe fitom kobe no kem-nuubip ko. Nuyo utamsup kale, mufekmufek soyaap bilip ita nuyo kuguup mafak kobe aget iluum kobe no ke-nilip e, imtamo no kot diim daa no kem-nuubip kale,