Luk imi tebe Yesus imi sang dola kosa uta ko 7:12 - Telefol

¹² Kale Yesus ninggil iyo unanbu no abiip umi daam tem umi faal mep so no abomu, Nain kasel igil, tinum maak kaanba iyo dubalum o age ade dep talan-bilip kalaa agelip ko. Kale tinum kaanba imi ogen uyo unang kaluun kale, umi man tinum iyo yaan maak kale, ogen ugol man ilet tem ade dep talan-bilip imi umik tem kugol talan-bulu e, umi umik tem uyo unang tinum kwiin tagang igil talan-bilip ko.

Luk imi tebe Yesus imi sang dola kosa uta ko 7:12 Iomraidhean Croise

Luk imi tebe Yesus imi sang dola kosa uta ko 7:11

Siit-nala e, Yesus iyo abiip Nain kutam iinon o age-nala e, ilami okumop man isino minte unang tinum kwiin tagang so maagup dagaa dep unip ko.

Luk imi tebe Yesus imi sang dola kosa uta ko 7:13

Kale Kamogim Yesus iyo unang boyo utam-nala e, fomtuup ku-filin daa-nala e, bogobela ko. “Ogen kubaa. Amemin ba o,” age-nala e,

Luk imi tebe Yesus imi sang dola kosa uta ko 8:52

unang tinum iyo abiip kal bom ame-bilipta, Yesus iyo tam abiip kal bogobe-nala e, “Ibaa. Man boyo amiit kaanbaalu kale, boyo aminbu ulutap kebu kale, ibo amemin ba o,” agela kale,

Jon imi tebe Yesus imi sang dola kosa uta ko 11:19

unang tinum kwiin tagang iyo kulota tal Mata so Maria so alop imi tinum kaanba imi ifaal am bom-bilipta kale,

Aposel 9:39

Fita iyo imi weng uyo tinangku-nalata, alop iso ninggil no tamip e, tal Fita iyo dep tam tip am abiin tam daalip kale, alugum unang kaluun kaluun iyo tal mep so kugol ame-bom mo-nilipta, Tabita umi tiin kafan bom-nulu ilim migik migik telela-bii kupkabu uyo kulu Fita imi kafalebelip ko.

Aposel 9:41

Fita iyo sagaal kobela aafulu e, kufola fenu e bole, unang kaluun kaluun isino Yesus imi ilak dolin migik so imi olabela tam tamipta, unang uyo kafalebelata, fen tigi molu kalaa agelip ko.

Jems 1:27

Aatum God iyo dogonupmin tinum ita atamata, beyo atin fen Kristen kesa kalaa agon-tema a? Iyo? Tinum iyo mulkon man min, unang kaluun min bong fagan-bilip iyo dong daga-e-bom-nala e minte, yagal kuguup mafak tebe, dufak daalan o agan-bo uyo titil fagaa tol kup ke-bom no kemin tinum beta kuba.