Luk imi tebe Yesus imi sang dola kosa uta ko 6:46 - Telefol

⁴⁶ Yesus iyo bogopma, “Ibo nimi win uyo suun kup bogopne-nilip, ‘Kamogim o,’ nagan-kalin kup bomip kuta, ibo intaben o age-nilipta, nimi weng uyo tinangkamin binim a?

Luk imi tebe Yesus imi sang dola kosa uta ko 6:46 Iomraidhean Croise

Matyu 25:11

“Kale siit ilugolip e, unang ogal maak iyo tal ola-nilip e, ‘Numi duup kabaa. Ogok kemin tinum bilip iyo bogobelap faal bitolipta, nuyo tam tulupta o,’ agelip e,

Matyu 25:24

“Minte aaltam kota ogok kemin tinum K1,000 kulu-se iyo tal bogobe-nala e, ‘Kamogim kabaa. Katamsi kale, kabo alaang bubul dolin tinum kale, kabo tinum migik ulu kululap no kapmi ilanggiip ogok uyo kanukem-nuubip kuta, iman min, unan-kalin fagam-nuubip uyo kapkal tebe kwan-nuubap e minte, kabo tinum migik iyo kululap no kapmi mufekmufek uyo ipkumal kopmip saan-nuubip kuta, kapta mani uyo kwan-nuubap no kale,

Matyu 25:44

unang tinum mafak iyo nimi weng boyo yan kepne bogopne-nilip e, ‘Kamogim kabaa. Nuyo kabo bisat kamkasaalup kuba. Dok kota katamupta, kabo iman tep tebepkebu min, ok tep tebepkebu min, fital ke talap min, ilim binim min, mafak albap min, sok de kamolip albap min kalaa age-nulupta, nuyo dong dogopkelin-tem ke kamka-sulup o?’ agelip e,

Galesia 6:7

Kale ibo atin fen tele tinangkulin. Kanube tinum iyo unan-kalin san uyo kwep yang kolan-tema uyo, son-temuta, mufekmufek migik maak kelan-temaalu kale, asok uluta abulu dagaa kulan-tema kale, mungkup ulutap tinum iyo dogobe-nalata, imi kuguup uyo kwep yang kuba-nalata, God iyo bisop bogopman-temaala binim kale, God iyo tebe-nala e, tinum ilami kuguup kanum-nuuba uyo mungkup yan kepman-tema ko.

Jems 1:22

Ibo aget uyo bam daalin. God imi weng bisop kup tinangku-nilip e, kanube tii keli o agan-kalin ba kale, tele tinangku waafuu no kelin o ageta ko.