Luk imi tebe Yesus imi sang dola kosa uta ko 6:21 - Telefol

²¹ “Iman tep nin unang tinum ibaa. Ibo kamano koyo iman tep nip kuta, God yagal iman uyo kupka-e-bala unan-bii, tii unelup kalaa age-nilip e, deng tebeman-temip ko. “Aget iluum tebemin unang tinum ibaa. Ibo kamano koyo aman-bilip kuta, God yagal tambaliim kup teleleman-tema kale, aban dii-bom deng tebe-bom keman-temip ko.

Luk imi tebe Yesus imi sang dola kosa uta ko 6:21 Iomraidhean Croise

Matyu 5:4

“Kale minte unang tinum migik iip maak maak iyo utamipta e, ipkumal iyo fengamip kalaa age-nilipta, imi aget tem uyo mafaganebeluta, amemip kuta, God yagal dong dogobelata, asok aget bilili agan-bom-nilip e minte, deng tebe-bom no keman-temip ko.

Matyu 5:6

“Kale unang tinum iip maak maak iyo, kuguup tambal uta kup ke-bulupta, God iyo deng tebemak o agan-kalip umdii, God yagal dong daga-e-balata, tol kup unang tinum ke-bom-nilipta, deng tebeman-temip ko.

Luk imi tebe Yesus imi sang dola kosa uta ko 1:53

Kale God iyo tebe-nala e, tinum mufekmufek duumatanin bilip imi men tem uyo mufekmufek uta kup dongenu kupkabe-nala e minte, tinum win tibin ke mufekmufek so kasel bilip imi men tem uta bisop imkaa no kem tebesa ko.

Luk imi tebe Yesus imi sang dola kosa uta ko 6:20

Yesus iyo fupkela ilami okumop man itama-bom-nala e, bogopma, “God imi mufekmufek duumatanamin unang tinum ibaa. God iyo tebe ibo imdep mitam ilami daam tem daalan o angba kale, yagal tiin molata, ibo tele tambaliim kup ton-bom-nilip e, deng tebe-bom no keman-temip ko.

Luk imi tebe Yesus imi sang dola kosa uta ko 6:22

“Mo Tibil imi Man nimi okumop man ibaa. Ibo nimi okumop man kale, nimi waasi iyo ipmi itafinon-bom-nilip, imkege-bom-nilip, tele baga-e-bom-nilip, ipmi win mafak baga-e-bom no kem-nuubip kuta, kanupmin kuguup mafak bo kanu-eman-temip kota, ibo aget fugunolipta, God iyo mufekmufek tambal uta kup abiil tigiin kal bom telele-be kalaa age-nilip e, deng afek kup tebe-bom kaal fong kup tagat age-bom atol daga-bom no kemin o ageta ko. Kale kanupmin kuguup mafak waafulin tinum bilip imi olal iyo kanupmin kuguup ulutap uta God imi profet ko age weng kem baga-emin tinum iyo kanu-e-bilipta, titil fagagamsip (kale, ibo bomi aget fuguno-nilip e, fifik fafak nin ba kale, titil fagaa timtim bigi-nilipta o ageta) ko.

Luk imi tebe Yesus imi sang dola kosa uta ko 6:25

“Minte unang tinum iman unan-biita, tii kelup o age deng taban-bilip ibaa. Son-temu nala am maak daanan-temu uyo, ibo iman tep ogen abin so uyo utaman-temip ko. “Unang tinum aban dii-bom deng aa ifup aa taban-bilip ibaa. Son-temu nala am maak daanan-temu uyo, ibo aget iluum tebe-bom ame-bom ke-bom-nilipta, ogen abin so uyo utaman-temip ko.

Jon imi tebe Yesus imi sang dola kosa uta ko 11:35

Kale Yesus iyo amema e,

Jon imi tebe Yesus imi sang dola kosa uta ko 4:10

Kale Yesus iyo bogobe-nala e, “Kubo God imi, kop-kaman o agan-be boyo utam-nalap e minte, kubo nitamta, niyo waanta ok sang bo daga, “Ilupnelap unelan o,” agan-bii kalaa age no kelap umdii, niyo dagalapta, suun nin umi ok uyo kop-kaman-temi kuba,” agela e,

Jon imi tebe Yesus imi sang dola kosa uta ko 6:35

Yesus isiik yan kebe-nala e, “Suun nin umi iman o ageli boyo nagal kuba. Kale tinum iyo maak nimi finang meng miit tem tolom nimi ilak uyo fomtuup dola umdii, bemi aget tem uyo iman tep tebepman-temaalu binim, ok tep tebepman-temaalu binim, tambaliim nan-tema ko.

1 Korin 4:11

nuyo sugamiyok kutop ilota kwep tal kaa diibelup uyo iman tep bom-nulup e, del tem uyo atin kalanganebelu e minte, ilim uyo duumatana-bulup e, kek kek iyo nuyo kul mim tuup ye-bilip e, abiin tambal umaak ton-numup binim ke-bom e,

2 Korin 11:27

Kale niyo bong kup faga-bom-nilita, mililep uyo ogok ke-bom agaal unemin binim ke-bom-nili e minte, iman tep so ok tep so uyo umtal daga-bom-nili e, suun kup iman fala ogok kemin kup ke-bom-nili e, diil ogen uyo umtal daga-bom-nili e, ilim uyo duumata-bom no kem tam tam tebesi ko.

2 Korin 12:10

Kale utamita, kota nalami titil uyo binim kalaa agelan-temi kota, Krais imi titil uyo atin kopnelan-tema kale, kanube Krais imi ogok waafu-nili titil binim bom-bili tinum tebe kuguup mafak kupkane-bilip yak mufekmufek mafak mafak uyo tal nimi diim uyo abe-bulu e minte, tinum iyo suun kup nafak daga-bom no keman-temip uyo, “Boyo tambaliim kale, Krais iyo ilami titil uyo kopnelan-tema o,” age-nilita, bomi deng uyo tebeman-temi ko.

2 Korin 6:10

Kale ninggil nuyo atin aget iluum uyo kugan-bulup kuta, nuyo boyo utabala suun God imi deng kup taban-bom-nulup e, bulup man kelup kuta, nuyo God imi mufekmufek tambal tambal uyo unang tinum kwiin tagang iyo kuga-e-bom-nulup e minte, nuyo kafin diim komi mufekmufek uyo binim kuta, nuyo God imi mufekmufek kwiin tagang uyo waafuu no kesup ko.

Jems 1:12

Kale tinum iyo kanube mufekmufek mafak tebe dup-kugulu titil kup fagaa kupkaa kupkaa kema umdii, beyo deng tebeman-tema kale, siin uyo God iyo weng kwep daa-nala e, “Ibo nimi aget uyo fomtuup kopnelip umdii, ipmi tonamin migik maak kobelan-temi o,” age-se kale, kanube tinum beyo titil fagaa tebe-bom-nala e, mufekmufek mafak boyo kupkek kupkek kema umdii, God iyo bemi tonamin migik maak kobelata, God sino suun nan-tema ko.

Revelesen 21:3

tolong dolita e, tinum God imi tonamin baan diim mep so alba beyo weng bagan-be kalaa ageta tolong dolita, bogo-nala e, “Ibaa. Tinangku-silipta. Kamano kaa tubup koyo, God iyo ilami unang tinum so bom tam tam taba kale, iyo imi iibak tem kal suun bom tiin molata, unang tinum iyo te imi afak tem iinipta minte, ita imi God kebe-nalata, tiin molan-tema ko.

Revelesen 7:16

Kale bilip iyo maak sino iman tep tebepman-temaalu e minte, ok tep tebepman-temaalu e minte, bilip iyo ataan mimin diim sino at mimin diim sino uyo maak so ken tebelan-temaalip no ko.