Luk imi tebe Yesus imi sang dola kosa uta ko 5:8 - Telefol

⁸ tam Saimon Fita iyo utamata e, bo kanupmu kalaa age-nalata, katuun duung fegela daak Yesus imi miit tem ton-nala e, bogo-nala e, “Kamogim kabaa. Niyo fengmin tinum kale, nimi aget uyo fugunin ba kale, nimkalal o,” agela ko.

Luk imi tebe Yesus imi sang dola kosa uta ko 5:8 Iomraidhean Croise

Matyu 17:6

Kale okumop man iyo weng boyo tolong do fomtuup finano-nilip e, katuun duung fegela-nilip e, tibit kun uyo kulep daak kafin melepmip e,

Matyu 2:11

tam am tam abomu, man so ogen Maria so afaat iyo albip kalaa age itam-nilip e, kamok kamok imi weng umka-emin uyo kanumin kale, imi katuun duung uyo fegela daak suk mo kalaak fen-nilip e, man bemi deng uyo tebe-bom fet duga-e-bom-nilip e, ilimi men tem mufekmufek tambal tambal abu kulep tilip uyo man bemi kobela kobela kemip kale, tuum gol so e minte at dan kwe fuulip tang tambal kuunin sino ok tang tambal kuunin so uyo kulu man imi kobelip ko.

Matyu 8:8

waasi dinan-kalin tinum imi kamok iyo bogobe-nala e, “Umbae. Niyo fengmin tinum kale, kamogim kabo kamtamo no nimi am uyo unon-temaali kale, nagal nalami dubom imi weng tinangkamin tinum e minte, niyo waasi dinan-kalin tinum ilimi kup wan handret (100) imi kamok tiin molin no kale, niyo tinum maak bogobe-nili, ‘Unaal o,’ agelan-temi uyo, unon-tema e minte, tinum maak bogobe-nili, ‘Talaal o,’ agelan-temi uyo, tolon-tema e minte, nalami ogok kemin tinum iyo bogobe-nili, ‘Kanupmin ogok bota kemal o,’ agelan-temi uyo, ogok boyo keman-tema no kale ulutap, kabo titil so kale, weng uta kup bogolapta, nimi ogok kemin tinum yang nimi am alba beyo tambalanak o,” agela ko.

Luk imi tebe Yesus imi sang dola kosa uta ko 5:7

ipkumal bot maak tem albip iyo, “Tal dong dogopmipta o,” age-nilipta, kul som togopmipta, tal dong dogobelip ninggil alugum iyo aniing abumin men uyo kulep mitam daata aniing uyo bot tem abu-bilipta, bot alop uyo dongenuta, umi iluum tebe-nuluta, bot uyo, ibulup age daak ok kumun tem unon o ageluta,

Luk imi tebe Yesus imi sang dola kosa uta ko 5:9

Kale Saimon ninggil iyo tam bot maak tem ton-bom-bilip e minte, Saimon imi ipkumal maak iyo yak bot maak tem ton-bom no kelip kale, ipkumal maak iyo Sebedi man alop Jems so Jon so kale, alugum iyo aniing baan kiim uyo utam-nilip e, kumang molip e, tam Yesus iyo Saimon imi bogobe-nala e, “Finanin ba. Siin am kaa daan tebesu uyo, aniing abum-nuubap kale minte, am kaa daanu koyo, tinum ita afeta imdep meng God imi miit tem toman-temap o,” agela ko.

Jon imi tebe Yesus imi sang dola kosa uta ko 11:32

Maria uyo no Yesus alba kal abu daa Yesus atam-nulu e, Yesus mit kun diim kugol mo-nulu e, daak katuun duung fegela bogo-nulu e, “Kamogim kabaa. Kagal bom-salapta nimnam, nimi tinum iyo kaanbaala o,” agelu ko.

1 Korin 13:12

Kale mungkup ulutap kamano koyo Kristen nuyo God imi kuguup uyo tele utamanbaalup kale, ok kikitok ko age glas ninak ton-bulu umi tem kek fen mufekmufek tele utamin-tem kebup ulutap ke-bulup kuta, son-temu nala aaltam kota fen God imi tibit kun uyo tele utaman-temup kale minte, kamano koyo God imi kuguup uyo atuk atuk uta kup utamsup kuta, son-temu kota, ilami tebe atin tele numi itamsa ulutap mungkup nugol kanube imi kuguup uyo tele utaman-temup ko.

Revelesen 1:17

Kale atamita, kanubeba kalaa age atam-nilita, niyo finano kumen daak Kamogim Yesus ilami miit tem kube-nilita, tinum kaanabip ulutap kelita, ilami sagaal ipkuk uyo kwep mek nimi kaal diim daa bogopne-nala e, “Kabo finanin ba kale, niyo sugayok uyo bii-sii e minte, kamano koyo albi e minte, biilan-temu umi am afungen tem uyo, nan-temi no kale,