Luk imi tebe Yesus imi sang dola kosa uta ko 5:38 - Telefol

³⁸ tinum iyo, kamaa umi wain ok uyo ilu kolan o agela umdii, meme kaal uyo kamaa dalaa kwep daala totanin binim albu uta kup ku-nalata, wain ok uyo ilu kwep tal daalan-tema bota tambaliim nan-temu ko.

Luk imi tebe Yesus imi sang dola kosa uta ko 5:38 Iomraidhean Croise

Matyu 9:17

Aa mungkup ulutap kale, tinum iyo meme kaal siin dalaa kwep daala fonganbu umi tem ku-tele kamaa umi wain ok ko age sok dum ok uyo ilu kola dongenu kalaa age-nala e, sok ku tem uyo de ko-nala e, kwep tal am daala umdii, siit-nuluta, ok uyo fitin unom-nuluta, meme kaal totanin boyo yuut nagat mo bigin-nuluta, ok uyo singkam daa daaginon-temu e minte, kaal uyo mafagan-nuluta, fengela tebelan-temu no kale, tinum iyo kamaa umi wain ok uyo ilu kolan o agela umdii, meme kaal uyo kamaa dalaa kwep daala totanin binim albu uta kup ku-nalata, wain ok uyo ilu kwep tal daalan-tema bota meme kaal so wain ok so alop kano tambaliim nan-temu o,” age Yesus iyo do weng alop boyo baga-ema ko. (Kale do weng alop boyo bogo-nulu, “Niyo, kamaa kuguup kwep tal ipmi siin kuguup uyo anung tifipman o ageta tisaali kale, niyo kamaa kuguup uyo kwep tilita, uta tele waafulin o ageta kwep ti-sii o,” age-suu ko.)

Luk imi tebe Yesus imi sang dola kosa uta ko 5:37

Aa mungkup ulutap kale, tinum iyo meme kaal siin dalaa kwep daala fonganbu umi tem ku-tele kamaa umi wain ok ko age sok dum ok uyo ilu kola dongenu kalaa age-nala e, sok ku tem uyo de ko-nala e, kwep tal am daala umdii, siit-nuluta, ok uyo fitin unom-nuluta, meme kaal totanin boyo yuut nagat mo bigin-nuluta, ok uyo singkam daa daaginon-temu e minte, kaal uyo mafagan-nuluta, fengela tebelan-temu no kale,

Luk imi tebe Yesus imi sang dola kosa uta ko 5:39

“Tinum iyo dogap ita siin umi wain ok unela uyo, minte wain ok migik uyo unelan-temaala kale, boyo dok uta bogo-nala e, ‘Siin umi wain ok uneli umi abaal uyo tambaliim kale minte, kamaa umi wain ok uta abaal binim o,’ agelan-tema o,” age Yesus iyo do weng uyo baga-ema ko. (Kale do weng alop boyo bogo-nulu, “Niyo, kamaa kuguup kwep tal ipmi siin kuguup uyo anung tifipman o ageta tisaali kale, niyo kamaa kuguup uyo kwep tilita, uta tele waafulin o ageta kwep ti-sii o,” age-suu ko.)

2 Korin 5:17

Kale kanube unang tinum iyo maak Krais imi diim kal feba-bom albip umdii, God iyo tebe bilip iyo telela imola mitam atin kamaa unang tinum kelipta, bilip imi siin aget fugunin boyo alugum binimanuta, kamaa aget fugunin bota kup mitam tolon-temu ko.

Galesia 2:4

Kuta Kristen ko age atuk atuk kemin tinum iip maak maak iyo, Yesus Krais tebe numi kuguup kobe-se bota utamum o age-nilipta, mitam-nilipta, nuso ton-bom-nilipta kale, siin uyo nuyo Moses imi ulo uyo tebe sok de imolin kesuta, Krais iyo tebe talaa imkan kela waalan-sulup kuta, ise tinum mitam tilip bilip ita tebe, bogobelupta, Moses imi ulo uyo asok waafulin o ageta kam agan-bilip kuta minte, Banabas alop nuyo asok Moses imi ulo uyo tebe sok de imolin kelu umi ogok kemin kuguup boyo waafulan-temaalup o age-sulup ko.

1 Timoti 4:8

boyo dok uta ba kale, tinum imi, baal uyo tambaliim kup bukomum o agelip umdii, imi yaan so sagaal so uyo kup-kugumin kup keman-temip uyo, bota tebe ilimi dam uyo dong dogobelin tap maak kelan-temu kuta minte, God imi kuguup umi kup-kugumin kup ke-bom tigin keman-temup uyo, bota tebe numi sinik uyo fomtuup dong daga-eman-temu e minte, kamano komi kanube albup koyo dong daga-e-bom-nulu e minte, son-temu umi suun nan-temup uyo dong daga-e-bom no keman-temu ko.

Revelesen 21:5

Kale God iyo ilami baan diim kal ton-bom weng maak bogo-nala e, “Ibaa. Tinangku-silipta. Kamano kota niyo alugum mufekmufek boyo telela koli migik kelan o angbu o,” age-nala e minte, iyo fupkela nimi bogopne-nala e, “Weng kaa tinangkulap boyo fen tuluun weng kale, kabo utamapta, alugum bilip iyo bogobelap tolong do-nilip utamipta e, fen kalaa agelan-temip kalaa age-nalapta, tinum bemi weng boyo kwep yak suuk kon tem kal dola kolal o,” age-nala e,