Luk imi tebe Yesus imi sang dola kosa uta ko 4:6 - Telefol

⁶ bogopma, “God iyo bogopne-nala, ‘Alugum kafin kaa kutufosu so alugum tinum miit maak maak bilip iso iyo kapmi o,’ agesa kale, nita tiin mobi kale, nagal tinum iyo maak keta kalaa ageli umdii, ulaa du kopmita, ‘Kabo tiin molal o,’ agelan-temi ko. Kale niyo tii tinum miit iyo alugum imdali yak kalapmi sagaal diim abelipta, kapkal tebe bilip iyo tiin mo-namap ko.

Luk imi tebe Yesus imi sang dola kosa uta ko 4:6 Iomraidhean Croise

Luk imi tebe Yesus imi sang dola kosa uta ko 4:7

Kale kabo nalami tibit diim kal katuun duung fegela daak ton-nalap bogopne-nalap, ‘Kabo nimi kamogim o,’ agelap umdii, tinum miit iyo alugum kop-kami bilip iyo kalapmi kelan-temip o,” agela e,

Jon imi tebe Yesus imi sang dola kosa uta ko 12:31

kota God iyo kafin diim komi unang tinum imi kuguup mafak uyo im-kugu-nalata, yega dobelan-tema kale, kota God iyo kafin diim komi tiin molin tinum mafak Saatan iyo kun kulube-nalata, daala yang iinon-tema ko.

Jon imi tebe Yesus imi sang dola kosa uta ko 14:30

Kale kafin diim komi kuguup tiin molin kamok ko age Saatan iyo, nimdaak tamalan o age mep tolon o angba kale, koyo niyo ipso weng yamyam uyo maak so bagaman-temaali ko. Kale Saatan beyo bagang-kale-nalata, weng umaak bogopnelata, kanube-nimi binim kuta,

Jon imi tebe Yesus imi sang dola kosa uta ko 8:44

“Ipmi aalap iyo Tinum Mafagim ita kale, ibo imi man kale, ibo, imi aget fugunin uta kup waafulum o agan-nuubip ko. Magam tem ilota beyo unang tinum an-nuubata ko. Beyo suun kup kuguup mafak umi aget kup fugun-boma kale, kuguup tambal umaak waafusaala binim ko. Beyo bisop bagamin miit kayaak e minte, bisop bagamin tinum bilip imi aalap no kale, beyo bisop bogolan-tema uyo, ilami suun kuguup uta kup waafulan-tema ko.

2 Korin 11:14

Kale bilip ita kup ba kale, Saatan yagal mungkup ilami kuguup uyo fupkela kup-kiit kup-kalaak ke-bala mitam ensel imi kuguup atin tambal so kem-nuubu ulutap ke-bom no kem-nuubu kale, ibo kanupmin bisop bagamin tinum bilip imi kuguup kanu-bilip boyo utam kumang saanin ba ko.

Efesis 2:2

siin boyo ibo kuguup mafak uyo kafin diim komi unang tinum imi kanum-nuubip ulutap ke-bii-silip kale, boyo ibo sinik mafak imi kamok imi weng uta tinangka-bomta kanu-bii-silip kale, kamano koyo sinik mafak beyo tinum unang waantap ita God imi weng kwaasulemin imi igalak balata, kanu-bilip ko.

1 Fita 1:24

Ulutap kale, God imi suuk kon tem uyo bogo-nulu kano, “Tam singsong kon boyo datanan-nuubu e minte, bomi ket ugol datan biila malaak iine-bom no kem-nuubu kale, unang tinum bilip iyo singsong kon ulutap e minte, alugum bilip imi mufekmufek tambal ugol mungkup singsong ket ulutap no kale, kuun albip kuta,

1 Jon 5:19

Nuyo utamsup kale, nuyo God imi man kelup iyo nuyo igalak bom tiin moba kuta, Tinum Mafagim ita kafin diim tinum migik imi kamok ke-bom-nalata, biinga imdala unbip talbip ke-bomta, kuguup mafak kem-nuubip ko.

Revelesen 12:9

God imi ensel Maikel ninggil iyo tebe inap mafak ninggil iyo alugum bagaa imdalip malaak kafin diim e tilip ko. Kale inap kiim ko age Tinum Mafagim beyo sugamiyok uyo God imi waasi kebe-bom weng mafak uyo baga-e-bom no ke-bii-se kale, imi win uyo Saatan ita kale, beta tebe-nalata, kafin diim unang tinum iyo bisop baga-e-balata, alugum iyo imi weng uta tinangka-bom-nilipta, fengam-nuubip ko.

Revelesen 13:2

Kale yol ok kumun tem umi dimduum beyo lepat ko age pusi kwiin kiim atul tebesu ulutap kale, imi sagaal bulung boyo ki, kong ko age bea umi sagaal bulung taalin timitim ulutap e minte, imi sit uta layon ko age pusi afalik umi sit kun taalin ulutap no kale, inap ko age Saatan iyo tebe imi titil afalik uyo yol ok kumun tem umi dimduum bemi kobe-nala e, bogobela, “Kabo nimi ogok kemin tinum kale, nimi titil uta kop-kamita, kapta ku-nalapta, God imi unang tinum iyo ifak dagamal o,” agela ko.

Revelesen 13:7

Kale God iyo dupkalata, Yesus imi unang tinum so dinan-bilip bii, dimduum ita ita kela Yesus imi unang tinum iyo kubaganip e minte, God iyo dupkala tinum miit maak maak sino, abiip maak maak unang tinum sino, tinum miit yagalami weng migik bagamin sino, tinum miit yagalami kaal migik migik sino iyo alugum imi kamok kebe tiin mola ko.