Luk imi tebe Yesus imi sang dola kosa uta ko 4:27 - Telefol

²⁷ Aa mungkup aaltam uyo God imi weng kem baga-emin tinum maak Elisa imi bii-se umi diim kota tinum kaal mafak kesip kwiin tagang iyo kafin Israel umi abiip kutam kal nip kuta, Elisa iyo tinum iyo maak dong dogobesaala kale, kafin migik Siria kayaak tinum Naman ita kup dong dogobe-se o,” age Yesus iyo bogola ko.

Luk imi tebe Yesus imi sang dola kosa uta ko 4:27 Iomraidhean Croise

Matyu 12:4

Ulotu umi ulo uyo bogo-nulu e, ‘Unang tinum ibo pris ko age tinum amem imi bret fuu kulep no God imi kobelum o ageta God imi am kutam tom-nuubip boyo unan-kalin ba ko. Boyo amem kale, tinum amem ita kup unan-kalin o,’ agesu kuta, Devit iyo God imi am kutam uyo no-nala e, tinum amem iyo iman amem umi sang dagala tinum amem iyo du-filin daa iman amem uyo kopma e, Devit iyo atuk fagaa ku une-nala e, atuk uyo ku ilami waasi dinan-kalin tinum imi kopma unesip ko. Kale ninggil bilip iyo ulo uyo ilo kosip kuta, ibo bogo-nilip, ‘Boyo kuguup mafak kanubesip o,’ agan-nuubaalip kuba. Kale intaben o age-nilipta, nimi okumop man iyo iman tep tebepmu kanu-bilipta, ibo bogobe-nilip, ‘Boyo kuguup mafak kanu-bilip o,’ agan-bilip a?

Matyu 8:3

Yesus imi sagaal uyo kwep yak tinum bemi kaal diim uyo daa bogobe-nala e, “Aa. Niyo dong dogopkelan o ageta kale, kaa telela kamoli tambalanap o,” agela e, kota tinum bemi kaal mafak uyo maak fagaa binimanepmu tinum kasagim kela e,

Luk imi tebe Yesus imi sang dola kosa uta ko 4:28

Alugum tinum ulotu am albip iyo Yesus imi weng uyo tolong do-nilip e, utamipta e, Yesus iyo kanube numi sang uta baga-e-be kalaa age-nilip e, iyo olsak kup tebepmu e, an-togon daa-nilip e,

Jon imi tebe Yesus imi sang dola kosa uta ko 17:12

Kale ninggil maagup bom-nulup uyo, kapmi om kun kopnesap uyo ku-nilita, daam fogo imam daa tiin mo-bom-bilita, maagup iyo maak tembot kesaala binim kuta ki, maagup maak, maagalo kelan o angba beta kup tembot kelata, God imi suuk kon tem weng bogo-nulu, ‘Beyo kanupman-tema o,’ agesu uyo ko abulu ko.