Luk imi tebe Yesus imi sang dola kosa uta ko 23:9 - Telefol

⁹ Kale Herot iyo weng kwiin tagang uyo Yesus imi dagagama kuta, Yesus iyo yan kepmoma binim kela ko.

Luk imi tebe Yesus imi sang dola kosa uta ko 23:9 Iomraidhean Croise

Matyu 27:12

tinum amem ko age pris imi kamogimal so, minte Juda kasel imi kamogimal sino iyo utam-nilip e, bisop bogo, “Tinum beyo tuluun kanubeta fenga koba o,” agan-bilip uyo, maak yan kepmoma binim kale, itabala-nala kupkaa sining age mola ko.

Matyu 27:14

Pailat iyo utamata, Yesus iyo kamogimal imi weng maak yan kepmoma binim kupkala kalaa age-nala e, kumang mo aget afek fuguna ko.

Matyu 7:6

“Kale kota weng migik maak bogopkelan o ageta ko. Kabo unang tinum dok ita, God imi weng boyo tinangkulaalup o agan-bilip umdii, kabo bilip iyo God imi weng uyo maak sino kupka-emin ba ko. Kale kabo utamal. Man iyo maak tebe kayaam umaak sal faga-ema umdii, kayaam beyo fupkela tebe man beyo angkolan-tema ko. Kale ulutap kale, tinum dok ita God imi weng uyo unang tinum daal tebebebu iyo kupka-emin kup kema umdii, bilip iyo bubul atul tebepmu e, tebe dufak daalan-temip kale, aa mungkup ulutap kale, kanube kabo kayuum ket uyo kwaalap daak kafin diim abelu uyo, kong tebe tal yaan biil tifin kelu kupkalan-temip kale, ulutap mungkup unang tinum dok ita, God imi weng uyo tinangkulaalup o agan-bilip bilip iyo suun kup kupka-eman-temap uyo, bilip iyo tebe God imi win uyo kufak daabelan-temip o,” age Yesus iyo ilami okumop man imi baga-ema ko.

Mak imi tebe Yesus imi sang dola kosa uta ko 15:5

Yesus iyo Pailat imi weng maak yan kepmoma binim kupkala kalaa age-nala e, Pailat iyo kumang mo aget yamyam fuguna ko.

Luk imi tebe Yesus imi sang dola kosa uta ko 13:32

Yesus iyo yan kebe-nala e, “Herot beyo kuguup mafak utamsa tinum kale, ibo asok no bogobe-nilip e, ‘Yesus imi weng bogopkeba koyo tele tolong dolal o ageta ko. Bogopke-nala, “Niyo kapmi atul uyo finano bilii unon-temaali binim kale, kamano so amsap so uyo unang tinum sinik mafak kwan unsip iyo fot tebe-bom e minte unang tinum mafak ilin umosip iyo telele-bom no kem unom amsap bii kaal o min agan abe-bom-nilita, nimi ogok uyo biniman kupkalan-temi o,” ageba o,’ age ibo no Herot iyo bogobelin o ageta ko.

Luk imi tebe Yesus imi sang dola kosa uta ko 23:10

Tinum amem ko age pris imi kamogimal so ulo utamsip tinum sino igil mungkup tal Herot imi diim e talbip kale, kota yang mep so unom-nilip e, Yesus imi sang uyo bisop bogo, “Tinum beyo tuluun kanubeta fenga koba o,” agan-kalip ko.

Jon imi tebe Yesus imi sang dola kosa uta ko 19:9

asok tam am tam-nala e, Yesus daga-nala e, “Kabo dogap kal nin tinum o?” agela e, Yesus iyo sining agela e,

Aposel 8:32

Kale dola kosa umi weng tikin-be uyo bogo-nulu e, “Beyo kuguup mafak kupka-e-bilip e, sipsip uyo ungkwalum o age kwep abe-bilip sining agan-nuubu ulutap min, sipsip man umi kon bita-e-bilip sining agan-nuubu ulutap mungkup sining age-se ko.

1 Fita 2:23

Kale iyo tebe weng mafak uyo kupka-emsip kuta, yagal maak tebe-nalata, imi weng mafak kupka-e-bilip boyo, maak yan kebesaala binim e minte, iyo kaal fuyap ogen uyo umtal daa-se boyo, isiik tinum bilip iyo finanin weng umaak kobe-nalata, tinum tebe kaal fuyap kupkane-bilip bomi yan uyo maak kelan o agesaala binim, kale utamata, God beyo tele utama-bom weng telelmin tinum kalaa age-nalata, boyo kwaala yak God imi sagaal diim abe-suu ko.