Luk imi tebe Yesus imi sang dola kosa uta ko 21:25 - Telefol

²⁵ Asok Yesus iyo weng migik maak bogobe-nala e, “Afungen tem mitam tolon-temu uyo, atanim so kayop so biningok so iyo igilimi migik kelan-temip kale, kafin diim koyo yol ok umi daang kun uyo aliin aliin ke-bii kwiin kiim ke-nulu e, ku sek mo yak ok kan tem abe biileng afek unan-bii yakyak keman-temu ko. Kale alugum tinum miit maak maak iyo bomi utaman-temip uyo, finanin kiim uyo ke-bom-nilip e, aget iluum tebepman-temu ko.

Luk imi tebe Yesus imi sang dola kosa uta ko 21:25 Iomraidhean Croise

Matyu 24:29

Kale Yesus iyo tam ilami okumop man imi bogobe-nala e, “Kanupmin kuguup mafak mafak boyo mitam iinu binimanuta, kota tam ataan uyo miliil molu e minte, kayop umi dong ugol mungkup binimanu e minte, biningok ugol mungkup abiil tigiin uyo kupkaa duk finano malaak abe-bulu e minte, iit abiil kun diim umi mufekmufek titil tebesip igil mungkup ilimi ilep uyo kupkaa sigin-bii ilep migik ilep tiine-bala tiine-bala ke-bom no keman-temip ko.

Matyu 27:45

Kale ataan tal dubim e tulu e, mililebok afalik uyo mitam abuta, alugum kafin kaa kutufosu uyo mililan-bom-bulu bii, ataan uyo fupkela te kek iinu e,

Mak imi tebe Yesus imi sang dola kosa uta ko 13:24

Kale Yesus iyo asok ilami okumop man imi bogobe-nala e, “Kanupmin kuguup mafak mafak boyo mitam iinu binimanuta, aaltam kota tam ataan uyo miliil molu e minte, kayop umi dong ugol mungkup binimanu e minte,

Mak imi tebe Yesus imi sang dola kosa uta ko 13:26

Kale boyo binimanu e, kota Mo Tibil imi Man niyo iip tem tem ku-tele talanbu talan-bilita, alugum unang tinum iyo kiit fen nitamipta, titil kiim uyo ku imi dong uyo tiin bulusii kup sigin-bii talan-be kalaa age nitaman-temip kale,

Mak imi tebe Yesus imi sang dola kosa uta ko 15:33

Kale ataan tal dubim e tulu e, mililebok afalik uyo mitam abuta, alugum kafin kaa kutufosu uyo mililan-bom-bulu bii, ataan uyo fupkela te kek iinu e, kota mililanbu uyo asok binimanu ko.

Luk imi tebe Yesus imi sang dola kosa uta ko 21:24

Tinum waasi iyo tebe Yuudiya kasel iip maak maak iyo benat ko age un kong umi tuup inolip kaanip e minte, iip maak maak ita yaafuu sok de imo-nilip e, imdep unanbu no anang migik to yakyak ke-nilip e, waasi igil ilimi anang uyo kupkaa tal abiip Jerusalam uyo tiin mo-bom-nilip e, kufak daga-bilip biita, God imi imdala ilimi anang unon-temip umi am uyo tulu kalaa age-nalata, asok imdala daaginon-temip o,” age Yesus iyo baga-ema ko.

Luk imi tebe Yesus imi sang dola kosa uta ko 21:26

Abiil tigiin umi mufekmufek iyo ilimi ilep uyo kupkaa sigin-bii ilep migik ilep tiine-bala tiine-bala keman-temip kale, unang tinum iyo itamipta, kanu-bilip kalaa age-nilip e, abiin uyo tele tonan-temaalip e minte, finanin afalik uyo ke-bom-nilip e, bogolip, ‘Kwiin ee. Kafin diim koyo dogonupmin kuguup mafak uyo tal, numi diim abelan o agan-bo o?’ agelan-temip ko.

Aposel 2:19

niyo mirakel ko age kuguup ugulumi migik migik maak iit abiil tigiin kugol kafalebe-nili e minte, mufekmufek ugulumi migik maak daak kafin diim kugol kafalebe no kelan-temi kale, isak so at kenan-bo so at tum afalik so uyo mitam abelu e minte,

Revelesen 20:11

Kale niyo utamita, God iyo ilami baan diim kugol tonba kalaa ageli kale, imi tonamin baan diim boyo kwiin kiim e minte namaal no kale, kugol ton-bomta imi weng uta bagam-salata, kafin sino abiil sino koyo bubat mo maagalo keluta, dogonubeta maak so utam-nimip binim kelip ko.