Luk imi tebe Yesus imi sang dola kosa uta ko 2:9 - Telefol

⁹ Bisel God imi ensel maak tal-balata, Bisel imi yogon afaligen maak uyo imi diim uyo kefo ilagenu utam-nilipta, bamban keng keng bom finan-bilipta,

Luk imi tebe Yesus imi sang dola kosa uta ko 2:9 Iomraidhean Croise

Matyu 1:20

bomi aget uyo fugun-salata minte, Bisel imi ensel maak tal ilam duluun weng uyo bogobe-nala e, “Devit imi man ilop Josep kabaa. Kapmi kalel o age win baapkebip Maria boyo kumun so kebu kuta, man mat tem kwek alba beyo God imi Sinik Tambal yagal tal bomi iibak tem iinata, kumun so kebu kale, kabo finanin ba kale, kalel uyo kulal o ageta kale,

Luk imi tebe Yesus imi sang dola kosa uta ko 1:28

ensel iyo tal bogobe-nala e, “Num nuubap aga? Bisel iyo mufekmufek afalik maak kop-kaman o age-nalata, ulaa kamdu-nalata, kupmi diim kal alba o,” agela e,

Luk imi tebe Yesus imi sang dola kosa uta ko 2:8

Kale mililep kota sipsip tiin molin tinum maak abiip bomi mep so tiginal kugol bom-nilipta, ilimi sipsip iyo tiin mo-bom-silipta,

Luk imi tebe Yesus imi sang dola kosa uta ko 24:4

bomi aget afalik uyo fugun-bomta utamipta, tinum alop maak ilim namaal kup tebesu kulu migibip iyo tal imi mep so kugol mobip kalaa age unang iyo itam-nilip e,

Jon imi tebe Yesus imi sang dola kosa uta ko 12:41

Sugayok uyo God iyo Aisaya iyo bogobelata, Yesus imi titil uyo utam-nalata, imi sang boyo bogosa ko.

Aposel 12:7

maak fagalin tap yogon maak kefo kwaalu tal am kutam uyo ilagen koluta, Bisel imi ensel maak tal-nala e, sagaal kwep malaak Fita imi malan kun kegal binobe dufo bogobe-nala e, “Nugum kabaa. Yuut fenal o,” agela e bole, sagaal bugup diim sen uyo alop kano dilto kulep daak abelu e, fenata,

Aposel 27:23

niyo God imi tinum kale, beyo aman duga-em-nuubi kale, kamano mililep kota bemi ensel iyo tal nimi mep so kugol mo

Aposel 5:19

Kale mililep kota Bisel imi ensel maak tal kalabus am umi faal uyo bitobe kalaan tinum ninggil iyo kulep mitam abiip to-nala e,

2 Korin 3:18

Kale kamano koyo mufekmufek umaak tebe Kristen numi tibit kun uyo uksumin binim kale, nuyo glas ulutap ke numi Kamogim Yesus imi dong uyo ku-nulup e, asok nugumal kek kek iyo kafale-bulupta, iyo nuyo itamipta, Yesus imi kuguup uyo bilip imi diim uyo albu kalaa age-nilip e minte, Yesus imi Sinik iyo tebe bilip iyo fupkela imka-bala mitam Yesus ilatap ke talan-bom-nilipta, imi kuguup tambal boyo waafuu kwep tam tam taban-bilip kalaa agan-bom no ke-bilip ko.

2 Korin 4:6

Kale God imi dong ko age ilagenamin boyo ki, sugamiyok uyo God iyo kamaki kafin kaa kutufosu kota telela kola kuta minte, uyo mililep tem kal nu kalaa age-nala e, bogo-nala e, “Kafin diim kubo ilagenal o,” agela e, maak fagalin tap kafin diim uyo ilagen kupka-suu kale, ulutap kale, God imi dong uyo numi aget tem uyo kefobelata, bam daa utam Krais imi kuguup uyo utamupta e, Aalap God yagal mungkup kanupmin kalaa agan-bulup ko.

1 Timoti 3:16

Kale God imi kuguup umi magam uyo kwiin kiim kale, siin uyo tinum iyo tele utamsaalip binim kuta, kamano koyo umi magam uyo kulbu botam. Bomi magam uyo Yesus Krais ita kale, Kristen nuyo bogo-nulup e, “Beyo mitam fen tinum kem ke-nala e, kemana e, God imi Sinik iyo kafalebela utamupta e, tinum beyo fen tol kup tebesa kalaa agelup e, ensel iyo atamip e, imi sang uyo yak abiip maak maak kelu e minte, kafin diim kasel unang tinum iyo imi ilak uyo do no kelipta, God iyo tebe duptamo tam abiil tigiin un-se o,” age bagan-nuubup ko.

Hibru 12:21

Kale minte mufekmufek ko utaman-bilip umi atul uyo atin finan-bilip e minte, Moses yagal bogo-nala e, “Nagal mungkup atin finano-nili e, bumban kup keng keng ke-bii o,” agan-bom no kemsa ko.

Revelesen 18:1

Kale ensel imi weng uyo binimanuta, kota Jon niyo atamita, ensel maak abiil tigiin ilo tala beyo ki God imi titil afalik uyo kobela kwep tala kale, bemi dong uyo ki, daal yogon umi dong ulutap ela kwep tilin kelata, kafin kaa kutufosu koyo alugum ilagen kupkalu kalaa age utami ko.

Revelesen 20:11

Kale niyo utamita, God iyo ilami baan diim kugol tonba kalaa ageli kale, imi tonamin baan diim boyo kwiin kiim e minte namaal no kale, kugol ton-bomta imi weng uta bagam-salata, kafin sino abiil sino koyo bubat mo maagalo keluta, dogonubeta maak so utam-nimip binim kelip ko.