Luk imi tebe Yesus imi sang dola kosa uta ko 2:40 - Telefol

⁴⁰ Kale man iyo fito-nala e, alaang tebe-nala e, atin aget fugunin tambal uyo ku no kela e, God iyo tiin mo-bom bet bubul kobela ko.

Luk imi tebe Yesus imi sang dola kosa uta ko 2:40 Iomraidhean Croise

Luk imi tebe Yesus imi sang dola kosa uta ko 1:80

Kale biilu man unaak beyo fitin tal-bom-nala e minte, ilami dam so sinik so uyo titilanebelu e, iibaan kugol bom-bala bii, ilami ogok kemin umi am uyo daanu kalaa age-nalata, kota tal kem diim tal-nalata, Israel kasel iyo kafalema ko.

Luk imi tebe Yesus imi sang dola kosa uta ko 2:47

alugum tinum Yesus imi weng tinangkan-bilip iyo utamipta, imi aget fugunin sino kafalemin imi weng yan ke-e-be sino uyo migik kalaa age-nilip e, kumang saan-bilip kalaa ageta ogen aalap iyo fen no atamip ko.

Luk imi tebe Yesus imi sang dola kosa uta ko 2:52

Kale Yesus iyo fito-nala e, imi aget fugunin uyo bam daa tambalanepmu e, kota unang tinum so e minte God so iyo imi deng uyo tebemip ko.

Jon imi tebe Yesus imi sang dola kosa uta ko 1:14

God imi Weng ko age Krais iyo malaak keman kafin diim abe-nalata, nuso bom-balata, nuyo atamupta e, beyo bet bubul kup kolin tinum e minte, fen tol kup tinum no kalaa age-nulup e minte, beyo yogon dong ilatap ke-bom kuguup tambal waafusa kalaa age-nulupta, atamupta e, beyo Aalap God imi man yaan maak kale, Aalap imi kuguup tambal uta nuyo kafale-bom kanum-nuuba kalaa age-sulup no ko.

Aposel 4:33

Yesus imi kalaan tinum ninggil iyo titil kup faga-nilipta, Kamogim Yesus imi kaan-nala fen tigi mola atam-silip umi sang uyo baga-em tiinemip kale, God iyo alugum bilip imi bet bubul kobe-nalata, dong daga-e-bala kuguup tambal uta kup waafu-silip ko.

Efesis 6:10

Kale nimi weng afungen uyo kaa baga-eman-temi kale, ibo Kamogim Yesus Krais imi diim kal feba bom-bilipta, imi titil kiim uyo ku ibo dong daga-e-balata, ipmi aget tem kuso kuguup kuso titil faga-bom-bilipta o ageta kale,

2 Timoti 2:1

Nimi man kabaa. Kabo Yesus Krais imi diim kal febalapta, dong dagakem-nuuba kale, kabo titil faga-bom-nalapta o ageta kale,