Luk imi tebe Yesus imi sang dola kosa uta ko 19:35 - Telefol

³⁵ alop iyo dongki man kagum iyo dep tal Yesus imi diim daalip e, ilami okumop man iyo ilimi ilim uyo dulu kulep te tam dongki imi daang kun diim uyo ifobe-nilip e, Yesus iyo dong dogopmip e, te tam dongki daang kun diim ton-nala e,

Luk imi tebe Yesus imi sang dola kosa uta ko 19:35 Iomraidhean Croise

Matyu 21:4

Kale sugayok kutop uyo God imi profet maak God imi suuk kon tem uyo dola ko bogo-nala e, “Ibo no abiip miton Sayon ko age Jerusalam kutam iinom-nilipta, abiip kasel iyo bogobe-nilip, ‘Utamin a. Ipmi kamok king iyo ipmi finang talan-be kale, iyo win soyaap imi telemin ulutap ke-nalata, talanbaala kale, iyo dukmen-bom-nalata, dongki man kagum imi daang kun diim kugol ton-nalata, talan-be o,’ agelin o,” agesa kale, kota imi weng bogosa uyo, dam kelan o agan talan-bo ko.

Matyu 21:7

daage no dongki afaat imi sok uyo tiila kobe-nilip e, kulep no Yesus imi kobe-nilip e, tam ilimi saket uyo dulu kulep te tam dongki man kagum imi daang kun diim kal tufobelip e, Yesus iyo te tam dongki imi daang kun diim kal tona e,

Luk imi tebe Yesus imi sang dola kosa uta ko 19:34

alop iyo yan kebe bogobe-nilip e, “Numi Kamogim iyo bogobe-nalata, ‘Alop no dep tilin o,’ agelata, alop nuyo tulup o,” age bogobelip e, dongki kasel iyo, “O,” agelip e,

Luk imi tebe Yesus imi sang dola kosa uta ko 19:36

abe-balata, tinum unang imi aget fugunin uyo, king imi tal-bala deng tebemin kuguup uyo kanumin kale, Yesus imi ka-tele talan-be boyo, nuyo ilep koyo atin tambaliim kup telelepmupta, tiinak o age-nilipta, ilimi ilim iip maak maak uyo dulu kulep daak ilep kugol ifum yakyak ke-bilipta, dongki beyo Yesus iyo duptamo ilim tip diim kutop-tele tiina ko.

Jon imi tebe Yesus imi sang dola kosa uta ko 12:12

Unang tinum kwiin tagang iyo, Pasova ifin am ko age iman tigimin am utamum o age-nilipta, tal Jerusalam kugol silipta, tolong dolipta e, “Yesus iyo Jerusalam tolon-tema o,” agelip kalaa age-nilipta,

Jon imi tebe Yesus imi sang dola kosa uta ko 12:14

Sugayok uyo God imi suuk kon tem weng uyo bogo-nulu e, “Abiip Sayon ko age Jerusalam kasel ibaa. Ipmi king iyo tolon-tema kale, finanin ba ko. Beyo kong ko age dongki man kagum imi daang kun diim kal ton-nalata, tolon-tema o,” agesu kale, Yesus iyo dongki man kagum maak du-nalata, bemi daang kun diim kal tonta tala ko.