Luk imi tebe Yesus imi sang dola kosa uta ko 18:21 - Telefol

²¹ kota tinum kamok beyo bogola, “Niyo sugayok man katip kutop ilota kwep tal tinum kiim ke kaa diibeli uyo, God imi ulo boyo waafuu kwep tebesi o,” agela e,

Luk imi tebe Yesus imi sang dola kosa uta ko 18:21 Iomraidhean Croise

Luk imi tebe Yesus imi sang dola kosa uta ko 15:29

man isiik aalap imi bogobe-nala e, ‘Aatum kabaa. Atol kwiin tagang dakan kem tebesi komi kapmi ogok waafupkesi uyo, kapmi weng umaak kwaasulepkesaali kuta, kabo meme man tambal umaak ungkwapnelapta, nimi duup isino deng umaak tebesaalup kuta,

Luk imi tebe Yesus imi sang dola kosa uta ko 15:7

Ulutap kale, niyo ibo bogobelan o ageta kale, kanube fengmin tinum iyo maak imi fengmin uyo kupka-nala aget fupkela ko God imi ilak dola umdii, abiil tigiin kasel ensel iyo atin bemi deng afaligen uyo tebeman-temip ko. Ale minte tinum ilimi kup nainti nain (99) kalip iyo bogo-nilip e, ‘Nuyo fengmin binim tambaliim kup albup koyo, dogonubeta aget fupkela kolum o?’ agelip umdii, ensel iyo kulip imi deng uyo tebeman-temaalip o,” agan-kala ko.

Luk imi tebe Yesus imi sang dola kosa uta ko 18:20

Kabo God imi ulo kwep daasa uyo utamsap kale, bogo-nulu e, ‘Kapmi kalel uyo kupkaa yang kapkum imi kalel uyo takamo tiinemin ba e minte, kabo unang tinum iyo inolap kaanamin ba, kabo yuguut unan-kalin ba, kapkum iyo fenga kolin-tem uyo, kabo bisop bogo kiyap iyo baga-emin ba, kabo kapmi kogen kaalap imi weng uyo tinangku waafuna-bom, minte kuguup tambal kup kupka-e-bom no kemin o,’ agesu o,” agela e,

Luk imi tebe Yesus imi sang dola kosa uta ko 18:22

Yesus iyo tinum kamok bemi weng uyo tinangku-nala e, bogobela ko. “Bole kanum-nuubup kuta, kabo kuguup maagup maak bota kup kanum-nuubaalap kale, kabo no-nalap kapmi mufekmufek uyo kapkumal imi kobelapta, ita molipta, mani uyo kulu-nalapta, iip kulin man imi kobelan-temap uta, no God imi abiip kal suun kup tambaliim nan-temap ko. Kale kabo nisino tiine-bomta, God imi ogok uyo kemum o,” agela e minte,

Filipai 3:6

Kale minte nimi mam kwega fu-kili-kili kemin uyo, niyo Kristen unang tinum iyo titulok kube-bom ye-bilita, kaal dugala-bii ko-silip ko. Kale minte nimi ulo fomtuup waafunamin uyo, tinum iyo utamipta, beyo kubak kili dek kili kebaala kale, tol kup tinum kalaa nage-silip ko.