Luk imi tebe Yesus imi sang dola kosa uta ko 15:13 - Telefol

¹³ Kale bole tam niing iyo bii ilugo-nama binim ke tam ilami mufekmufek uyo afeta-bii kulep-nala e, daage abiip simanim maak una kale, no abiip kugol bom kuguup mafak mafak uta waafu-bom-nala e, imi mufekmufek uyo alugum maagalo segela kulula unu tulu kelu ko.

Luk imi tebe Yesus imi sang dola kosa uta ko 15:13 Iomraidhean Croise

Luk imi tebe Yesus imi sang dola kosa uta ko 15:12

niing ita aalap iyo bogobe-nala e, ‘Aatum kabaa. Biilu kaanap kapmi mufekmufek dalaman-temip umi milii nimi kopnelan-temip uyo kamaa kagal kopne o,’ agela e bole, tam ilami mufekmufek uyo alugum alop imi togobela ko.

Luk imi tebe Yesus imi sang dola kosa uta ko 15:14

Kale bole imi mufekmufek uyo alugum segela kulula unu tulu ke binimanu e bole, kafin boyo iman tebok afek maak kulep mitam daalu e bole, mufekmufek uyo dilino-nala e, umtal daala ko.

Luk imi tebe Yesus imi sang dola kosa uta ko 15:30

kapmi man beyo kapmi mufekmufek uyo kulep no sa daga-bom alugum segela kulula unu tulu kepke talata, bota kabo kao man tambal dam so uyo ungkwabelap aga o?’ agan-kala e minte,

Luk imi tebe Yesus imi sang dola kosa uta ko 16:1

Yesus iyo do weng migik maak ilami okumop man imi bogobe-nala e, “Mufekmufek soyaap tebe, ogok kemin tinum maak ulaa dulita, mufekmufek so minte ogok kemin tinum sino imi tiin molak o age ulaa dula ko. Kuta tinum migik iyo tal mufekmufek soyaap bogopmip, ‘Kapmi mufekmufek tiin molin tinum iyo kapmi mufekmufek uyo tambaliim kup tiin mobaala kale, ilami duup-afin tele-bilip misiim kulu kupka-e-be o,’ age bogopmip e,

Luk imi tebe Yesus imi sang dola kosa uta ko 16:19

Yesus iyo do weng maak bogo-nala e, “Siin uyo tinum mufekmufek soyaap maak iyo tambaliim kup ton-bom-nala e minte, ogok kemin binim ke-bom-nala e, suun kup ilim tambal migik migik uta kup migi-bom-nala e, iman tambal uta kup unan-kalin kup ke-bom no kem-nuuba ko.

Efesis 2:13

Kale siin uyo ibo God imi simanim kal nuubip kuta, kamano kota Yesus Krais iyo ibo itamata e, nimi at diim kaani isak singkam daa-suu uta o age-nilipta, nimi diim uyo febalip kalaa age-nalata, ibo imdep meng daalata, God imi mep so kal albip ko.

Efesis 2:17

Kale nimi weng miton uyo kulbu kale, Krais imi tal unang tinum imi God imi weng tambal baga-emsa uyo, asok mitam duup kiina tala kemin umi sang uta baga-emsa kale, boyo tinum miit migik God imi simanim albip ipso Juda kasel God imi mep so albup nuso numi sang uta baga-emsa kale,

2 Fita 2:13

Kale bilip iyo tebe aget iluum uyo ibo kupka-em-nuubip kale mungkup, God isiik tebe bilip iyo aget iluum so kaal fuyap so uyo kopman-tema ko. Kale bilip iyo fen-silip mililanuta, iman uyo un-bom min, ok mafak kwiin tagang uyo unan-bom min, sa daga-bom min kem-nuubaalip kale, taap so mililep so kanumin kup kem-nuubip kale, bilip imi aget fugunin uyo, kanupmin kuguup boyo numi aget tem umi deng tebemin kupka-emin uyo kulbu o age-nilipta, kanum-nuubip kale, fitom binim ke ipmi bisop bogo filto-e-bilipta, imkalipta, tam ipsino ton-bom komiyon unan-nuubip kuta, bilip imi kanumin kanumin kanum-nuubip boyo atin kuguup mafak fitom tebesu kuguup uta kanum-nuubip ko.