Luk imi tebe Yesus imi sang dola kosa uta ko 11:28 - Telefol

²⁸ Yesus iyo bogopma, “Dam bogolap kuta, unang tinum iyo dogap ita God imi weng uyo tinangka-bom God imi kuguup tambal uyo waafuu kwep tebe-bom no kemip umdii, kulip ita God iyo tebe kuguup tambal uyo maak so kupka-emin kup keman-tema o,” age-nala e, Yesus iyo unang bomi weng uyo yan kebe bogobela ko.

Luk imi tebe Yesus imi sang dola kosa uta ko 11:28 Iomraidhean Croise

Luk imi tebe Yesus imi sang dola kosa uta ko 8:21

isiik bilip imi weng uyo yan kebe-nala e, bogola, “Unang tinum iyo God imi weng tinangku waafulip umdii, bilip ita nimi aben e minte nagalal ninggil no ilitap o,” agela ko.

Jon imi tebe Yesus imi sang dola kosa uta ko 13:17

Kale nimi kuguup kanubeli umi sang bogobeli uyo utamipta e, dam weng kalaa age-nilipta, ipkil bo kanumip umdii, kota deng tebeman-temip ko.

Revelesen 1:3

kanumin kanumin boyo mep so mitam tolon o angbu kale, waantap ita kanumin kanumin mitam tolon-temu umi sang koyo fomtuup tikilip umdii, deng tebeman-temip e minte, waantap ita suuk kon tem weng dola koli kwek uyo tinangku waafulip umdii, deng tebeman-temip no ko.

Revelesen 22:14

“Kale unang imi ilim suubalip tambaliim kup ke namalabu ulutap kale, kanube waantap ita ilimi kuguup mafak uyo kupkaa telela ko kuguup tambal uta kup waafulip umdii, boyo niyo imkali maagalo nimi abiip umi daam tem amitem ilep ku-tele mitam suun nin umi at dum uyo dagaa ku une-nilipta, tambaliim kup suun nan-temip ko.