Luk imi tebe Yesus imi sang dola kosa uta ko 11:24 - Telefol

²⁴ Yesus iyo do weng migik maak baga-ema ko. “Sinik mafak iyo tinum maak imi diim kal nuubata, dupkaa daage no ok binim bagan umi diim maak kugol yang o meng o ke-bomta baan diim umaak utam-nilita, nan o age-nala e, fen te te kemata e, baan diim umaak utamin-tem keli kalaa age-nala e, bogola, ‘Nimi am binim kale, asok no nalami tinum dupkaa ti-sii imi diim kal nan-temi o,’ age-nala e,

Luk imi tebe Yesus imi sang dola kosa uta ko 11:24 Iomraidhean Croise

Mak imi tebe Yesus imi sang dola kosa uta ko 5:10

fomtuup Yesus imi bogobe-nala e, “Kabo sinik kalip iyo fot tebelap yak bagan migik unemin ba o,” agela ko.

Mak imi tebe Yesus imi sang dola kosa uta ko 9:25

Yesus iyo utamata e, unang tinum iyo tinum bemi olan-be boyo tinangku-nilip e, yuut tala tala ke-bilip kalaa age-nala e, kota sinik mafak beyo an-togon-bom-nala e, bogola ko. “Sinik mafak kabo tebe-nalap man keyo del kola do-nalap e minte, kul baang tolong fo do no kesap kale, niyo alaang weng umaak kopkelan o ageta kale, tinangku-salapta. Man keyo dupkaa yak iinaal o ageta kale, asok maak so te yak imi tilin tem uyo unemin ba o,” agela e,

Luk imi tebe Yesus imi sang dola kosa uta ko 11:25

asok unanbu no abomu, imi tinum imi iibak tem uyo am umi ifip tolo alugum mufekmufek kan kelip albu ulutap kebu kalaa age-nala e,

Efesis 2:2

siin boyo ibo kuguup mafak uyo kafin diim komi unang tinum imi kanum-nuubip ulutap ke-bii-silip kale, boyo ibo sinik mafak imi kamok imi weng uta tinangka-bomta kanu-bii-silip kale, kamano koyo sinik mafak beyo tinum unang waantap ita God imi weng kwaasulemin imi igalak balata, kanu-bilip ko.

1 Fita 5:8

Kale ipmi waasi Saatan iyo pusi afek atul tebesa ko age layon tebe, tinum iyo maak itamta ano unelan o agan-bom fomtuup olan tiinan-boma ilatap kale, Saatan beyo, ibo ifak dagaman o age-nalata, kanum tiinan-boma kale, ibo aget uyo tele fugun-bom bigi-bom-nilipta o ageta ko.